ಕಡೇತ್ತ ಎಕ್ಕ್ ಉಪ್ಪಮುಟ್ಟ ಬಿಜೆಪಿಡೇ ಉಪ್ಪುವೆ,ದುಂಬಗ್ ಒಂಜಿ ದಿನ ರಾಜಕೀಯ ನಿವೃತ್ತಿ ಆಪಿನಾಂಡಲಾ ಅವ್ವ್ ಭಾರತೀಯ ಜನತಾ ಪಕ್ಷೊಡೇ ಪಂಡುದ್ ಮಾಜಿ ಸಚಿವೆರಾಯಿನ ಪ್ರಮೋದ್ ಮಧ್ವರಾಜ್ ಸ್ಪಷ್ಟನೆ ಕೊರಿಯೆರ್..ಆರು ಪತ್ರಕರ್ತೆರೆನೊಟ್ಟುಗ್ ಇನಿ ಅರೆನ ಇಲ್ಲಡ್ ನಡತಿನ ಪತ್ರಿಕಾಗೋಷ್ಠಿಡ್ ಇಂಚ ಸ್ಪಷ್ಟನೆ ಕೊರಿಯೆರ್.2023-24 ತ್ತ ಲೋಕಸಭಾ ಚುನಾವಣೆಗ್ ಅಭ್ಯರ್ಥಿಯಾವರೆಗ್ ಯಾನ್ ಪ್ರಬಲವಾಯಿನ ಆಕಾಂಕ್ಷಿ..ಪಕ್ಷ ಅವಕಾಶ ಕೊರುಂಡ ಅವ್ವೆ ನ್ ಪೊರ್ಲುಡೆ ಸ್ವೀಕಾರ ಮಲ್ಪುವೆ..ಎಂಕ್ ಅವಕಾಶ ತಿಕ್ಕುಜಿಡ ಅಭ್ಯರ್ಥಿ ಯಾದ್ ಏರ್ ಓಟುದ ಕಲೊಕ್ ಜಪ್ಪುವೆರಾ ಅಕ್ಲೆಗ್ ಎನ್ನ ಸಂಪೂರ್ಣ ಸಹಕಾರ ಕೊರ್ಪೆ ಪಂಡುದ್ ಆರು ಈ ಪೊರ್ತುಡ್ ತೆರಿಪಾಯೆರ್.
ಯಾನ್ ಬಿಜೆಪಿ ಪಕ್ಷಗ್ ಬತ್ತಿನೇಡ್ ಬೊಕ್ಕ ಇದಮುಟ್ಟ ಪಕ್ಷ ಎಂಕ್ ಒವ್ವೇ ಮಲ್ಲ ಜವಾಬ್ದಾರಿ ಕೊರ್ತುಜಿ.ಆಂಡ ವಿಧಾನಸಭಾ ಚುನಾವಣೆಗ್ ಒಂಜಿ ತಿಂಗೊಲು ದುಂಬು ಯಾನ್ ಬೇತೆ ಬೇತೆ ಕಡೆಟ್ ಪೋದ್ ಪಕ್ಷದ ಯಶಸ್ಸುಗ್ ಪ್ರಾಮಾಣಿಕತೆಡ್ ಕೆಲಸ ಮಲ್ದೆ.ಪ್ರಾಮಾಣಿಕವಾದ್ ಬೇಲೆ ಮಲ್ತಿನಕ್ಲೆನ್ ತೂದ್ ಭಾರತೀಯ ಜನತಾ ಪಕ್ಷ ಲೋಕಸಭಾ ಅಭ್ಯರ್ಥಿಗ್ ಟಿಕೆಟ್ ಕೊರ್ಪುಂಡ್.ಪಂಡುದ್ ಆರ್ ಪಂಡೆರ್.
ಕಾಂಗ್ರೆಸ್ ಪಕ್ಷೊಡ್ ವೇದಿಕೆ ಬೂರ್ದ್ ಪೋಪಿನ ಸಂಭವ ಜಾಸ್ತಿ ಉಪ್ಪುಂಡ್.ಬಿಜೆಪಿಡ್ ಶಿಸ್ತು ಬದ್ಧವಾಯಿನ ವೇದಿಕೆ ಉಂಡು.ಅಂಚಾದ್ ಬಿಜೆಪಿಡ್ ಬೇಲೆ ಮಲ್ಪರೆಗ್ ಎಂಕ್ ತ್ರಪ್ತಿ ಉಂಡು ಪಂಡೆರ್.ಬಿಜೆಪಿಡ್ ಮೇಲ್ಮಟ್ಟಡ್ ,ತಿರ್ತ ಮಟ್ಟದ ಪಕ್ಷದ ಮುಖಂಡೆರೆನ್ ಭೇಟಿಯಾದ್ ಪಕ್ಷದ ಬೆಳವಣಿಗೆಗ್ ಮಾರ್ಗದರ್ಶನ ದೆತೊನೊಂದುಲ್ಲೆ.ಲೋಕಸಭಾ ಚುನಾವಣೆಗ್ ಬಿಜೆಪಿಡ್ ಆಕಾಂಕ್ಷಿಲು ಮಸ್ತ್ ಜನ ಉಲ್ಲೆರ್.ದೇಶೊನ್ ನಡಪಾವುನ ವ್ಯವಸ್ಥೆಗ್ ಸಮರ್ಥವಾಯಿನ ನಾಯಕೆರ್ ಬೋಡು ಪಂಡೆರ್.
by 