ಇನಿ ತಳ ಸಮುದಾಯದ ಜೋಕುಲು ಉನ್ನತ ಹುದ್ದೆನ್ ಅಲಂಕಾರ ಮಲ್ತೊಂದುಲ್ಲೆರ್ ಪಂಡ ಅವ್ ಸಂವಿಧಾನದ ಕೊಡುಗೆ. ಸಂವಿಧಾನ ಒರಿಂಡ ಕಾಂಗ್ರೆಸ್ ಒರಿಯುಂಡ್.. ಬಿಜೆಪಿ ಸರಕಾರ ಒಂಜಿ ದಿನ ಮಲ್ಪೆ ಬಂದರುನ್ ಅದಾನಿ, ಅಂಬಾನಿಗ್ ಮಾರುಂಡ್ . ಇತ್ತೆದ ಸರಕಾರ ಕೊರೋನ ಸಂದರ್ಭಡುಲಾ ಆಂಬ್ಯುಲೆನ್ಸ್ ಗ್ 14 % ತೆರಿಗೆನ್ ವಿಧಿಸಾದುಂಡ್. ತೆತ್ತಿ, ವಿಮೆ ಮಾತೆಕುಲಾ ತೆರಿಗೆನ್ ಪಾಡುದುಂಡ್. ಕಾಂಗ್ರೆಸ್ ಬದುಕುದ ಬಗ್ಗೆ ಪಾತೆರೊಂದುಂಡ್. ಉನ್ನತ ವ್ಯಾಸಂಗ ಮಲ್ತಿನ ನಿರುದ್ಯೋಗಿ ಯುವಕರೆಗ್ ಸಹಕಾರಿಯಾವರೆಗ್. ನಿರುದ್ಯೋಗಿ ಯುವಕರ ಆತ್ಮಹತ್ಯೆ ತಡೆಯರೆಗ್ ಯುವನಿಧಿತ್ತ 3000 ರೂ.ದ ಗ್ಯಾರಂಟಿ ಕೊರ್ಪುಂಡ್. ದೇಶೊಡ್ 1 ಲಕ್ಷದ 64 ಸಾವಿರ ಯುವಕೆರು ಆತ್ಮಹತ್ಯೆ ಮಲ್ತೊಂದುಲ್ಲೆರ್. ಪರ್ಚೇಸಿಂಗ್ ಪವರ್ ಜಾಸ್ತಿ ಆಂಡ ದೇಶೊಡ್ ಉತ್ತಮ ಆಡಳಿತ ನಡಪುಂಡ್ ಪಂಡುದ್ ಅರ್ಥ. ಇನಿ ಅವಿದ್ಯಾವಂತೆರು ದೇಶೊನ್ ಆಳೊಂದುಲ್ಲೆರ್. ವಿದ್ಯಾವಂತೆರು ನಿರುದ್ಯೋಗಿಯಾದ್ ಇಲ್ಲಡುಲ್ಲೆರ್. 40% ಕಥೆನ್ ಅಂತ್ಯ ಮಲ್ಪುಗ.” ಪಂಡುದು ಮುಖ್ಯ ಭಾಷಣಕಾರೆರಾದ್ ಬತ್ತಿನ ಯುವನಾಯಕ ನಿಕೇತ್ ರಾಜ್ ಮೌರ್ಯ ಪಂಡೆರ್.
ಆರು ಇನಿ ಉಡುಪಿ ಬ್ಲಾಕ್ ಕಾಂಗ್ರೆಸ್ ಆಯೋಜನೆ ಮಲ್ದಿನ ರ್ಯಾಲಿ ಆಯಿಬೊಕ್ಕ ಕಲ್ಮಾಡಿ ಚರ್ಚ್ ಎದುರುಭಾಗೊಡ್ ನಡತಿನ ಸಮಾವೇಶಡ್ ಪಾತೆರಿಯೆರ್.
ಈ ಸಂದರ್ಭಡ್ ಕಾಂಗ್ರೆಸ್ ಅಭ್ಯರ್ಥಿ ಪ್ರಸಾದ್ ರಾಜ್ ಕಾಂಚನ್,
ಕೇರಳ ಸಂಸದ ಪ್ರತಾಪನ್, ಕೆಪಿಸಿಸಿ ಪ್ರಧಾನ ಕಾರ್ಯದರ್ಶಿ ಎಂ.ಎ. ಗಫೂರ್, ಉಡುಪಿ ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷ ರಮೇಶ್ ಕಾಂಚನ್,
ಜಿಲ್ಲಾ ಕಾಂಗ್ರೆಸ್ ಉಪಾಧ್ಯಕ್ಷ ಪ್ರಖ್ಯಾತ್ ಶೆಟ್ಟಿ, ಕೆಪಿಸಿಸಿ ವಕ್ತಾರೆ ವೆರೋನಿಕ ಕರೇನೇಲಿಯೋ,
ಎನ್.ಎಸ್.ಯು.ಐ ಉಪಾಧ್ಯಕ್ಷ ಶರತ್ ಮೊಕುಲು ಉಪಸ್ಥಿತರಿತ್ತೆರು.
by 