” ಕಾಂಗ್ರೆಸ್ ಕಾಲಡ್ ದೀಪದೆಣ್ಣೆಗ್ 1 ಲೀ. ಗ್ 40 ರೂ. ಇತ್ತುಂಡ್ ಇನಿ 120 ರೂ ಆತುಂಡ್. ಕೊರೋನ ಬತ್ತಿನಪಗ ಕೆಲಸೊನ್ ಕಳೆಯೊನಗ, ನೆರೆ ಬತ್ತಿನಪಗ, ಪೆಟ್ರೋಲ್ ದರ, ಆಟೋ ಚಾಲಕರ ಆಟೋ ಪ್ರೀಮಿಯಂ ರೇಟು ಜಾಸ್ತಿಯಾತುಂಡ್. ಇಂಚಿನ ಕಷ್ಟಕರವಾಯಿನ ಸಂದರ್ಭಡ್ ಶೋಭಾ ಕರಂದ್ಲಾಜೆ ಸೇರಿನಂಚ ಬಿಜೆಪಿದ ವಾ ನಾಯಕೆರುಲಾ ಜನಕ್ಲೆನ ಕೈತಲ್ ಬೈದುಜೆರ್. ನೀರುಳ್ಳಿ ಬೆಲೆ ಜಾಸ್ತಿಯಾತುಂಡ್ ಪಂಡ ನಿರ್ಮಲಾ ಸೀತಾರಾಂ ಯಾನು ನೀರುಳ್ಳಿ ತಿನ್ಪುಜಿ ಪನ್ಪೆರ್. ಪೆಟ್ರೋಲ್, ಡೀಸೆಲ್, ಗ್ಯಾಸ್ ದ ಬೆಲೆ ಏರಿಕೆಯಾತುಂಡ್ ಪಂಡ , ನಿಕುಲು ರಸ್ತೆ, ಸೇತುವೆ, ನಿರುದ್ಯೋಗದ ಬಗ್ಗೆ ಕೇನೊಡ್ಚಿ , ನಿಕಲ್ನ ಕಷ್ಟದ ಬಗ್ಗೆ ಕೇನೊಡ್ಚು, ನಿಕುಲು ಲವ್ ಜಿಹಾದ್ ಬಗ್ಗೆ ಪಾತೆರ್ಲೆ ಪಂಡುದು ನಳಿನ್ ಕುಮಾರ್ ಕಟೀಲ್ ಪನ್ಪೆರ್” ಪಂಡುದು ಕೆಪಿಸಿಸಿ ವಕ್ತಾರ ಸುಧೀರ್ ಕುಮಾರ್ ಮರೋಳಿ ಉದಾಹರಣೆ ಕೊರ್ದ್ ಪಂಡೆರು.
ಆರು ಕೋಡೆ
ವಿಧಾನ ಸಭಾ ಚುನಾವಣೆ ಪೂರ್ವಭಾವಿಯಾದ್ ಬ್ರಹ್ಮಾವರ ಬ್ಲಾಕ್ ಕಾಂಗ್ರೆಸ್ ಸಮಿತಿ ವತಿಡ್ದ್ ಕರ್ಜೆದ ಕೈತಲ್ ಆಯೋಜನೆ ಮಲ್ದಿನ ಸಾರ್ವಜನಿಕ ಸಭೆನ್ ಉದ್ದೇಶಿಸಾದ್ ಪಾತೆರಿಯೆರು.
ಈ ಸಂದರ್ಭಡ್
ಉಡುಪಿ ವಿಧಾನಸಭಾ ಕ್ಷೇತ್ರದ ಕಾಂಗ್ರೆಸ್ ಅಭ್ಯರ್ಥಿಯಾಯಿನ ಪ್ರಸಾದ್ ರಾಜ್ ಕಾಂಚನ್, ಉಡುಪಿ ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷ ರಮೇಶ್ ಕಾಂಚನ್, ರಾಜ್ಯ ಸಂವಹನ ವಿಭಾಗದ ಮುಖ್ಯಸ್ಥ ಅಮೃತ್ ಶೆಣೈ, ಕೆಪಿಸಿಸಿ ಪ್ರಧಾನ ಕಾರ್ಯದರ್ಶಿ ಎಂ.ಎ ಗಫೂರ್, ಕೆಪಿಸಿಸಿ ವಕ್ತಾರೆ ವೆರೋನಿಕಾ ಕರ್ನೇಲಿಯೋ, ಉಡುಪಿ ಜಿಲ್ಲಾ ಕಾಂಗ್ರೆಸ್ ಉಪಾಧ್ಯಕ್ಷರಾಯಿನ ಪ್ರಖ್ಯಾತ ಶೆಟ್ಟಿ,
ಜಿಲ್ಲಾ ಕಾಂಗ್ರೆಸ್ ಕಾರ್ಯಾಧ್ಯಕ್ಷ ಕಿಶನ್ ಹೆಗ್ಡೆ ಕೊಳ್ಕೆಬೈಲು, ಬ್ರಹ್ಮಾವರ ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷ ದಿನಕರ್ ಹೇರೂರು, ಕೃಷ್ಣಮೂರ್ತಿ ಆಚಾರ್ಯ, ಸುಧಾಕರ್ ಶೆಟ್ಟಿ ಮೇರ್ಮಾಡಿ, ಭುಜಂಗ ಶೆಟ್ಟಿ, ನಿತ್ಯಾನಂದ ಶೆಟ್ಟಿ, ಗೋಫಿ ನಾಯ್ಕ್, ಅಶೋಕ ಶೆಟ್ಟಿ, ಕುಶಲ್ ಶೆಟ್ಟಿ ಉಪಸ್ಥಿತರಿತ್ತೆರು.
by 