ಕರ್ನಾಟಕದ ಜನತೆಗ್ ಅರಿ ಬೋಡು: ರಮೇಶ್ ಕಾಂಚಾನ್

ತಾಲಿಬಾನ್‌ಗ್ ಯಾವ್. ಕರ್ನಾಟಕದ ಜನತೆಗ್ ಅರಿ ಬೋಡು:ಕೇಂದ್ರ ಸರ್ಕಾರದ ವಿರುದ್ಧ ರಮೇಶ್ ಕಾಂಚನ್ ಆಕ್ರೋಶ.

ಕಾಂಗ್ರೆಸ್ ನೇತೃತ್ವದ ನೂತನ ರಾಜ್ಯ ಸರ್ಕಾರದ ಮಹತ್ವಾಕಾಂಕ್ಷೆದ ಅನ್ನಭಾಗ್ಯ ಯೋಜನೆಗ್ ಭಾರತೀಯ ಆಹಾರ ನಿಗಮ ಅರಿ ಕೊರ್ರೆಗ್ ಒಪ್ಪಿನೇಡ್ ಬೊಕ್ಕ ರಾಜ್ಯಗ್ ಅರಿ ಕೊರಂದಿಲೆಕ್ಕ ಕೇಂದ್ರ ಸರ್ಕಾರ ತಡೆ ಕನದಿನವ್ ರಾಜ್ಯದ ಬಡಜನತೆಗ್ ಬಗೆಯಿನ ದ್ರೋಹ.

ಜಾಗತಿಕ ಬಡಾವುದ ಸೂಚ್ಯಂಕಡ್ ಪಾಕಿಸ್ತಾನ ಬೊಕ್ಕ ಬಾಂಗ್ಲಾದೇಶಡ್ದ್ ನಮ್ಮ ದೇಶ ತಿರ್ತುದ ಸ್ಥಾನ ಡಿತ್ತುಂಡಲಾ ರಾಜ್ಯಗ್ ಅರಿ ಕೊರಂದೆ ಸತಾಯಿಸಾವುನ ತೂವನಗ ಬೇಜಾರಾಪುಂಡ್ ಭಾರತೀಯ ಆಹಾರ ನಿಗಮದ ಗೋದಾಮುಡ್ ಪ್ರತಿ ವರ್ಷ ಟನ್‌ಗಟ್ಟಲೆ ಆಹಾರ ಧಾನ್ಯ ಕುರಿಯುನ ಸ್ಥಿತಿಟಿತ್ತುಂಡಲಾ ಕರ್ನಾಟಕಗ್ ದ್ವೇಷ ಸಾಧಿಸಾವುನ ಬಿಜೆಪಿ ಸರ್ಕಾರ ಕಾಸ್ ಕೊರ್ಪ ಪಂಡಲಾ ಆಹಾರ ಧಾನ್ಯಲೆನ್ ಪೂರೈಕೆ ಮಲ್ಪರೆಗ್ ಒಪ್ಪೊಂದಿಜ್ಜಿ. ಪ್ರಧಾನಿ ಮೋದಿಜಿ ನೆರೆಯ ತಾಲಿಬಾನ್ ನೇತೃತ್ವದ ಅಫ್ಘಾನಿಸ್ತಾನ ಸರ್ಕಾರಗ್ ಸುಮಾರು 10,000 ಟನ್‌ ದಾತ್ ಆಹಾರ ಧಾನ್ಯಲೆನ್ ಕಡಪುಡುದೆರ್. ಆಂಡ ಭಾರತಡ್ ಅತ್ಯಧಿಕ ತೆರಿಗೆ ಸಂಗ್ರಹ ಆಪಿನ ಕರ್ನಾಟಕ ರಾಜ್ಯಗ್ ಅರಿ ಕೊರಿಯರೆಗ್ ಸಿದ್ದರಿಜ್ಜೆರ್. ಕರ್ನಾಟಕಡ್ದ್ ಬಿಜೆಪಿದ 25 ಸಂಸದರೆನ್ ಜನಕುಲು ಆರಿಸಾಯೆರ್ಡಲಾ ಪ್ರಧಾನಿ ಮೋದೀಜಿನ ಎದುರುಡ್ ಕರ್ನಾಟಕಗ್ ನ್ಯಾಯ ಒದಗಿಸಾವರೆಗ್ ಪಾತೆರುನ ದಮ್ಮು ತಾಕತ್ತು ವಾ ಸಂಸದರೆಗುಲಾ ಇಜ್ಜಿ. ಕರ್ನಾಟಕದ ಸಂಸದೆರ್ ನನಾಂಡಲಾ ತಮ್ಮ ರಾಜ್ಯಗ್ ನ್ಯಾಯ ಒದಗಿಸಾವರೆಗ್ ಪ್ರಧಾನಿ ಮೋದೀಜಿಡ ಕೇನಡ್ ಪಂಡುದು ರಮೇಶ್ ಕಾಂಚನ್ ಆರು ಆಗ್ರಹ ಮಲ್ತೆರು.

ಕೇಂದ್ರ ಬಿಜೆಪಿ ಸರ್ಕಾರ ದ್ವೇಷ ರಾಜಕಾರಣ ಬುಡುದ್ ಕರ್ನಾಟಕದ ಜನತೆಗ್ ಅರಿ ಪೂರೈಕೆ ಮಲ್ಪರೆಗ್ ಸಹಕಾರಿಯಾವಡ್ ಪಂಡುದು ಉಡುಪಿ ಬ್ಲಾಕ್ ಕಾಂಗ್ರೆಸ್ ಸಮಿತಿದ ಅಧ್ಯಕ್ಷರಾಯಿನ ರಮೇಶ್ ಕಾಂಚನ್ ಪತ್ರಿಕಾ ಪ್ರಕಟಣೆಡ್ ತೆರಿಪಾದೆರ್.