ಪ್ರಧಾನಿ ನರೇಂದ್ರ ಮೋದಿ ನೇತೃತ್ವದ ಕೇಂದ್ರ ಸರಕಾರ 9 ವರ್ಷೊಡ್ ಬೊಕ್ಕ ಜನಪರ ಆಡಳಿತನ್ ಪೂರೈಸಾಯಿನ ಹಿನ್ನೆಲೆಡ್ ಮೋದಿ ಸರಕಾರದ ಸಾಧನೆಲೆನ್ ಜನಮಾನಸಡ್ ಪ್ರಚಲಿತಗೊಳಿಸಾವುನ ಒಟ್ಟುಡ್ ಪ್ರಸಕ್ತ ವಿದ್ಯಮಾನಲೆನ ಬಗ್ಗೆ ಬೊಲ್ಪು ಚೆಲ್ಲುನ ನಿಟ್ಟುಡ್ 1 ತಿಂಗೊಲು ರಾಜ್ಯಾದ್ಯಂತ ಬಿಜೆಪಿ ಜಿಲ್ಲಾ ಸಮಾವೇಶಲು ನಡಪರೆಗುಂಡ್.
ಬಿಜೆಪಿ ಉಡುಪಿ ಜಿಲ್ಲಾ ಸಮಾವೇಶ ಜೂ.22, ಗುರುವಾರ ಮಧ್ಯಾಹ್ನ 3.00ಗಂಟೆಗ್ ಉಡುಪಿದ ಹೋಟೆಲ್ ಕಿದಿಯೂರ್ ದ ಶೇಷಶಯನ ಸಭಾಂಗಣಡ್ ನಡಪರೆಗುಂಡ್ ಪಂಡುದು ಬಿಜೆಪಿ ಉಡುಪಿ ಜಿಲ್ಲಾಧ್ಯಕ್ಷ ಕುಯಿಲಾಡಿ ಸುರೇಶ್ ನಾಯಕ್ ತೆರಿಪಾದೆರ್.
ಬಿಜೆಪಿ ಜಿಲ್ಲಾ ಸಮಾವೇಶಡ್ ಕೇಂದ್ರ ಸಂಸದೀಯ ವ್ಯವಹಾರ, ಗಣಿ , ಕಲ್ಲಿದ್ದಲು ಖಾತೆ ಸಚಿವ ಪ್ರಹ್ಲಾದ್ ಜೋಶಿ, ಬಿಜೆಪಿ ರಾಷ್ಟ್ರೀಯ ಪ್ರಧಾನ ಕಾರ್ಯದರ್ಶಿ ಸಿ.ಟಿ. ರವಿ, ಶಿವಮೊಗ್ಗ ಸಂಸದ ಬಿ.ವೈ. ರಾಘವೇಂದ್ರ, ಮಾಜಿ ಸಚಿವರಾಯಿನ ಕೋಟ ಶ್ರೀನಿವಾಸ ಪೂಜಾರಿ, ವಿಶ್ವೇಶ್ವರ ಹೆಗಡೆ ಕಾಗೇರಿ, ವಿಧಾನ ಪರಿಷತ್ ಸದಸ್ಯ ಬೊಕ್ಕ ಬಿಜೆಪಿ ರಾಜ್ಯ ಕಾರ್ಯದರ್ಶಿ ಕೇಶವ ಪ್ರಸಾದ್, ಮಂಗಳೂರು ವಿಭಾಗ ಪ್ರಭಾರಿ ಕೆ.ಉದಯ ಕುಮಾರ್ ಶೆಟ್ಟಿ, ಜಿಲ್ಲೆಯ ಶಾಸಕೆರಾಯಿನ ವಿ.ಸುನೀಲ್ ಕುಮಾರ್, ಸುರೇಶ್ ಶೆಟ್ಟಿ ಗುರ್ಮೆ, ಯಶ್ಪಾಲ್ ಎ. ಸುವರ್ಣ, ಕಿರಣ್ ಕುಮಾರ್ ಕೊಡ್ಗಿ, ಗುರುರಾಜ್ ಶೆಟ್ಟಿ ಗಂಟಿಹೊಳೆ ಸಹಿತ ಪಕ್ಷದ ಮುಖಂಡೆರು, ಮಾತಾ ಸ್ತರತ ಪದಾಧಿಕಾರಿಲು, ಜನಪ್ರತಿನಿಧಿಲು ಬೊಕ್ಕ ಕಾರ್ಯಕರ್ತೆರು ಪಾಲ್ ಪಡೆಯರೆಗುಲ್ಲೆರ್.ಪಂಡುದು ಕುಯಿಲಾಡಿ ಪತ್ರಿಕಾ ಪ್ರಕಟಣೆಡ್ ತೆರಿಪಾದೆರ್.
by 