ನೀರು ಉಪ್ಪಂದಿನಡೆಗ್ ಟ್ಯಾಂಕರ್ ಡ್ ನೀರು ಪಾಡರೆಗ್ ಆದೇಶ ಕೊರಿನ ಗುರ್ಮೆ..

ಕಾಪು ಶಾಸಕೆರಾಯಿನ ಗುರ್ಮೆ ಸುರೇಶ್ ಶೆಟ್ಟಿ ಬೊಕ್ಕ ವಿಧಾನ ಪರಿಷತ್ ಸದಸ್ಯೆರಾಯಿನ ಕೋಟ ಶ್ರೀನಿವಾಸಪೂಜಾರಿ ಇನಿ ಕಾಪು ಪುರಸಭಾ ಸಭಾಂಗಣಡ್ ಕಾಪು ಕ್ಷೇತ್ರದ ಮಾತಾ ಪಂಚಾಯತ್ ಅಧಿಕಾರಿಲೆನ , ತಾಲೂಕು ಪಂಚಾಯತ್ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿಲು, ತಹಶೀಲ್ದಾರೆರು, ಕಂದಾಯ ಅಧಿಕಾರಿಲು, ಮೆಸ್ಕಾಂ ಬೊಕ್ಕ ಇಂಜಿನಿಯರಿಂಗ್ ಇಲಾಖಾಧಿಕಾರಿಲೆನ ತುರ್ತು ಸಭೆ ನಡಪಾಯೆರ್. ವಿಶೇಷವಾದ್ ಪ್ರತೀ ಪಂಚಾಯತ್ ಲೆಡ್ ಇಪ್ಪುನ ನೀರುದ ಸಮಸ್ಯೆದ ಬಗ್ಗೆ ತೆರಿಯೊಂದ್ ಸಮಸ್ಯೆ ಇಪ್ಪುನ ಅಲೆವೂರು ಕಟಪಾಡಿ ಆತ್ರಾಡಿ, ಕೋಟೆ ಇನ್ನಂಜೆ ಮುಲ್ಪ ಕೂಡಲೇ ಟ್ಯಾಂಕರ್ ಮುಖೇನ ನೀರು ಪೂರೈಸಾವರೆಗ್ ಆದೇಶ ಕೊರಿಯೆರ್. ಅಯಿಕ್ ಬೋಡಾಪಿನ ಅನುಮೋದನೆ ಕೊರ್ರೆಗ್ ನಿರ್ಣಯ ಮಲ್ಪರೆಗ್ ತೆರಿಪಾಯೆರು. ಜಲ್ ಜೀವನ್ ಮಿಷನ್ ಬೊಕ್ಕ 15ನೇ ಹಣಕಾಸು ಯೋಜನೆಡ್ ಬೋರ್ವೆಲ್ ಲೆಗ್ ಕೂಡಲೇ ತಾತ್ಕಾಲಿಕ ಸಂಪರ್ಕ ಪಡೆವರೆಗ್ ಕ್ರಮ ದೆತೊನರೆಗ್ ಸೂಚನೆ ಕೊರಿಯೆರ್. ಬೋರ್ವೆಲ್ ಲೆಗ್ ಪೊಸ ಸಂಪರ್ಕ ಪಡೆವರೆಗ್ ವಿದ್ಯುತ್ ಸಂಪರ್ಕಕ್ಕಾದ್ ಇಪ್ಪುನ ಗೊಂದಲನ್ ನಿವಾರಣೆ ಮಲ್ಪರೆಗ್ ಕೂಡಲೇ ಜಿಲ್ಲಾ ಪಂಚಾಯತ್ ಸಿಇಒ ನ ನೇತ್ರತ್ವಡ್ ಕೂಡಲೇ ಸಭೆ ಲೆತ್ತುದ್ ಪರಿಹಾರ ಮಲ್ಪುನ್ ಪಂಡುದ್ ತೆರಿಪಾಯೆರು.