ಸರಕಾರಿ ಆಸ್ಪತ್ರೆಡ್ ಜನಸ್ನೇಹಿ ವೈದ್ಯಕೀಯ ಸೇವೆಗ್ ಆದ್ಯತೆ ಕೊರ್ಲೆ : ಯಶ್ ಪಾಲ್ ಸುವರ್ಣ
ಉಡುಪಿ ಕ್ಷೇತ್ರದ ಗ್ರಾಮೀಣ & ನಗರ ಭಾಗದ ಜನಸಾಮಾನ್ಯರೆಗ್ ಸರಕಾರದ ಜಿಲ್ಲಾಸ್ಪತ್ರೆ, ಸಮುದಾಯ ಆರೋಗ್ಯ ಕೇಂದ್ರ ಬೊಕ್ಕ ಪ್ರಾಥಮಿಕ ಆರೋಗ್ಯ ಕೇಂದ್ರದ ಮೂಲಕ ಜನಸ್ನೇಹಿ ವೈದ್ಯಕೀಯ ಸೇವೆಗ್ ಆದ್ಯತೆ ಕೊರೊಡ್ ಪಂಡುದ್ ವೈದ್ಯಾಧಿಕಾರಿಲೆಗ್ ಶಾಸಕ ಯಶ್ ಪಾಲ್ ಸುವರ್ಣ ಸೂಚನೆ ಕೊರಿಯೆರು.
ಉಡುಪಿ ಜಿಲ್ಲಾ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣಾಧಿಕಾರಿ ಡಾ ನಾಗಭೂಷಣ ಉಡುಪ, ಉಡುಪಿ ಜಿಲ್ಲಾ ಸರ್ಜನ್ ಡಾ. ಸುಧೇಶ್ ಉಪಸ್ಥಿತಿಡ್ ಉಡುಪಿ ವಿಧಾನಸಭಾ ಕ್ಷೇತ್ರ ವ್ಯಾಪ್ತಿದ ಪ್ರಾಥಮಿಕ ಬೊಕ್ಕ ಸಮುದಾಯ ಆರೋಗ್ಯ ಕೇಂದ್ರದ ವೈದ್ಯಾಧಿಕಾರಿಲೆನ ಸಭೆಟ್ ಪಾತೆರಿಯೆರು.
ಸಭೆಟ್ ಉಡುಪಿ ಜಿಲ್ಲಾಸ್ಪತ್ರೆದ ಡಯಾಲಿಸಿಸ್ ಕೇಂದ್ರದ ಖಾಸಗಿ ಸಂಸ್ಥೆದ ಅಸಮರ್ಪಕ ನಿರ್ವಹಣೆಡಾದ್ ರೋಗಿಲು ಪರದಾಡುನ ಸ್ಥಿತಿ ನಿರ್ಮಾಣವಾತಿನ ಬಗ್ಗೆ ಮಾಹಿತಿ ಪಡೆತುದು ಸರ್ಕಾರಗ್ ಈ ಬಗ್ಗೆ ವರದಿ ಮಲ್ಪರೆಗ್ ಪಂಡೆರು.
ಬ್ರಹ್ಮಾವರ ತಾಲೂಕುಡ್ ನೂತನ ತಾಲೂಕು ಆಸ್ಪತ್ರೆಗ್ ಸೂಕ್ತ ಸರಕಾರಿ ನಿವೇಶನ ಗುರುತಿಸಾವರೆಗ್ ಕಂದಾಯ ಇಲಾಖೆದ ಮೂಲಕ ಪ್ರಸ್ತಾವನೆ ಸಲ್ಲಿಕೆ, ಮರಿಯಾಲದ ಸಾಂಕ್ರಾಮಿಕ ರೋಗಲೆನ ನಿಯಂತ್ರಣಗ್ ಸೂಕ್ತ ಮುಂಜಾಗ್ರತ ಕ್ರಮ, ಉಡುಪಿ ತಾಯಿ ಮತ್ತು ಮಕ್ಕಳ ಆಸ್ಪತ್ರೆದ ನಿರ್ವಹಣೆದ ಪ್ರಸ್ತುತ ಸಮಸ್ಯೆಲೆನ ಪರಿಹಾರಗ್ ಸರಕಾರಗ್ ಮನವಿ, ಖಾಲಿ ಇಪ್ಪುನ ಗುತ್ತಿಗೆ ಬೊಕ್ಕ ಹೊರಗುತ್ತಿಗೆ & ಆಶಾ ಕಾರ್ಯಕರ್ತರ ನೇಮಕಾತಿಗ್ ಸೂಕ್ತ ಕ್ರಮ, 108 ಆಂಬುಲೆನ್ಸ್ ಸೇವೆ, ಖಾಸಗಿ ಆಸ್ಪತ್ರೆಲೆನ ತಜ್ಞ ವೈದ್ಯರ ಸಂಯೋಜನೆದೊಟ್ಟುಗ್ ಜಿಲ್ಲಾಸ್ಪತ್ರೆದ ಆರೋಗ್ಯ ಸೇವೆನ್ ಪರಿಣಾಮಕಾರಿಯಾದ್ ಮಲ್ಪುನ ನಿಟ್ಟುಡ್ ಸಭೆಟ್ ಚರ್ಚೆ ನಡತುಂಡ್.
by 