ಉಡುಪಿ ಪರ್ಯಾಯೋತ್ಸವ ನಗರದ ಮೂಲ ಸೌಕರ್ಯ ಅಭಿವೃದ್ಧಿಗ್ 50 ಕೋಟಿ ವಿಶೇಷ ಅನುದಾನ ಬಿಡುಗಡೆಗ್ ಮುಖ್ಯಮಂತ್ರಿಲೆಗ್ ಶಾಸಕೆ ಯಶ್ ಪಾಲ್ ಸುವರ್ಣ ಮನವಿ
ಉಡುಪಿಗ್ ಬತ್ತಿನ ಮುಖ್ಯಮಂತ್ರಿ ಸಿದ್ದರಾಮಯ್ಯರೆನ್ ಉಡುಪಿ ಶಾಸಕ ಯಶ್ ಪಾಲ್ ಸುವರ್ಣ ಭೇಟಿ ಮಲ್ತುದ್ ಬೇತೆ ಬೇತೆ ಬೇಡಿಕೆದ ಬಗ್ಗೆ ಮನವಿ ಮಲ್ತೆರು.
2024 ಜನವರಿಡ್ ನಡಪರೆಗುಪ್ಪುನ ಪರ್ಯಾಯ ಮಹೋತ್ಸವದ ಅಂಗವಾದ್ ನಗರದ ಮೂಲ ಸೌಕರ್ಯ ಅಭಿವೃದ್ಧಿಗ್ 50 ಕೋಟಿ ವಿಶೇಷ ಅನುದಾನ ಬುಡುಗಡೆಗ್ ಮನವಿ ಮಲ್ತೆರು.
ಮನವಿಡ್ ನಾರಾಯಣ ಗುರು ಅಭಿವೃದ್ಧಿ ನಿಗಮಗ್ ಅನುದಾನ ಬುಡುಗಡೆ, ಉಡುಪಿ ತಾಯಿ ಬೊಕ್ಕ ಮಕ್ಕಳ ಆಸ್ಪತ್ರೆದ ನಿರ್ವಹಣೆಗ್ ಅನುದಾನ ಬುಡುಗಡೆ, ಉಡುಪಿ ಜಿಲ್ಲೆಗ್ ಸರ್ಕಾರಿ ವೈದ್ಯಕೀಯ ಕಾಲೇಜು ಬೊಕ್ಕ ಕೃಷಿ ಕಾಲೇಜು ಪ್ರಾರಂಭ, ಬಜೆಟ್ ಡ್ ಘೋಷಣೆ ಮಲ್ದಿನ ಮೀನುಗಾರಿಕೆಗ್ ಡೀಸೆಲ್ ಸಬ್ಸಿಡಿ, ನಾಡದೋಣಿ ಸೀಮೆಎಣ್ಣೆ ಪೂರೈಕೆ, ಮಹಿಳಾ ಮೀನುಗಾರೆರೆಗ್ ಶೂನ್ಯ ಬಡ್ಡಿದರದ ಸಾಲ ಯೋಜನೆಲೆನ ಶೀಘ್ರ ಅನುಷ್ಠಾನ, ಕಡಲು ಕೊರೆತಗ್ ಶಾಶ್ವತ ಪರಿಹಾರ, ಪ್ರಾಕೃತಿಕ ವಿಕೋಪ ನಿರ್ವಹಣೆಗ್ ವಿಶೇಷ ಅನುದಾನ, ಗ್ರಾಮೀಣ ಭಾಗೊಡ್ ಸರಕಾರಿ ಬಸ್ ಲೆನ ಸಂಚಾರ ಜಾಸ್ತಿ ಮಲ್ಪೊಡ್, ಪರಿಶಿಷ್ಟ ಜಾತಿ, ಪರಿಶಿಷ್ಟ ಪಂಗಡ ಬೊಕ್ಕ ಹಿಂದುಳಿದ ವರ್ಗೊಲೆನ ವಿದ್ಯಾರ್ಥಿಲೆಗ್ ಪೊಸ ವಸತಿ ನಿಲಯದ ಸ್ಥಾಪನೆ ಇಂಚ ಕೆಲವ್ ಬೇಡಿಕೆಲೆನ ಪತ್ರೊನ್ ಕೊರ್ದ್ ಬೇಡಿಕೆಲೆನ್ ಶೀಘ್ರ ಈಡೇರಿಸಾದ್ ಉಡುಪಿ ವಿಧಾನಸಭಾ ಕ್ಷೇತ್ರದ ಅಭಿವೃದ್ಧಿಗ್ ಸಹಕಾರ ಮಲ್ಪೊಡ್ ಪಂಡುದ್ ಮನವಿ ಮಲ್ತೆರು.
by 