ಮಣಿಪಾಲ್ ಟೈಗರ್ ಸರ್ಕಲ್ ಡ್ ಶಾಸಕೆ ಯಶ್ಪಾಲ್ ಪರಿಶೀಲನೆ

ಮಣಿಪಾಲ ಟೈಗರ್ ಸರ್ಕಲ್ ಅಧಿಕಾರಿಗಳೆನೊಟ್ಟುಗ್ ಶಾಸಕ ಯಶ್ ಪಾಲ್ ಸುವರ್ಣ ಪರಿಶೀಲನೆ.

ಮಣಿಪಾಲ ನಗರದ ಹೃದಯ ಭಾಗವಾಯಿನ ಟೈಗರ್ ಸರ್ಕಲ್ ಕೈತಲ್ ನಿತ್ಯ ಸಂಚಾರ ದಟ್ಟಣೆ ಬಗ್ಗೆ ಸಾರ್ವಜನಿಕೆರೆನ ದೂರುದ ಹಿನ್ನೆಲೆಡ್ ಶಾಸಕ ಯಶ್ ಪಾಲ್ ಸುವರ್ಣ ಮೇರು ನಗರಸಭೆ ಅಧಿಕಾರಿಲು, ಪೊಲೀಸ್ ಉಪನಿರೀಕ್ಷಕ ಬೊಕ್ಕ ಸ್ಥಳೀಯ ನಗರ ಸಭಾ ಸದಸ್ಯರೆನೊಟ್ಟುಗ್ ಭೇಟಿ ಕೊರ್ದ್ ಪರಿಶೀಲನೆ ಮಲ್ತೆರ್.

ಮುಖ್ಯ ರಸ್ತೆಡ್ ವಾಹನಲೆನ ಪಾರ್ಕಿಂಗ್, ಅವೈಜ್ಞಾನಿಕ ರೀತಿಡ್ ಅಳವಡಿಸಾದಿನ ಟ್ರಾಫಿಕ್ ಸಿಗ್ನಲ್, ಅಸಮರ್ಪಕ ಪ್ರಯಾಣಿಕೆರೆನ ತಂಗುದಾಣ, ಫುಟ್ ಪಾತ್ ಡ್ ಸಾದಿದ ಬದಿಟ್ ವ್ಯಾಪಾರಡ್ದ್ ಸುಗಮ ಸಂಚಾರಗ್ ತೊಂದರೆ ಆವೊಂದಿತ್ತುದ್ ಈ ಬಗ್ಗೆ ಸೂಕ್ತ ಕ್ರಮ ದೆತೊಂಬಿಲಕ್ಕ ಅಧಿಕಾರಿಲೆಗ್ ಸೂಚನೆ ಕೊರಿಯೆರು.

ಮಣಿಪಾಲ ನಗರದ ಸುಗಮ ಸಂಚಾರ, ಸ್ವಚ್ಚತೆ ಬೊಕ್ಕ ಸಮಗ್ರ ಮೂಲಭೂತ ಸೌಕರ್ಯಲೆನ್ ಒದಗಿಸಾವುನ ನಿಟ್ಟುಡ್ ವೈಜ್ಞಾನಿಕ ರೀತಿಡ್ ಬಸ್ ನಿಲ್ದಾಣ, ಫುಟ್ ಪಾತ್, ಬೀದಿ ದೀಪ ವ್ಯವಸ್ಥೆ ಬೊಕ್ಕ ಅಪರಾಧ ಚಟುವಟಿಕೆಲೆನ ನಿಯಂತ್ರಣದ ಬಗ್ಗೆ ನಿಗಾವಹಿಸಾವುನ ಪೊಲೀಸ್ ಇಲಾಖೆ ಬೊಕ್ಕ ನಗರಸಭೆತ್ತ ಮುಖೇನ ಸ್ಥಳೀಯ ರಿಕ್ಷಾ, ಟ್ಯಾಕ್ಸಿ, ಬಸ್ ಸಂಘೊಲು ಬೊಕ್ಕ ವ್ಯಾಪಾರಸ್ಥೆರೆನ ಸಲಹೆ ಸೂಚನೆಲೆನ್ ಪಡೆತುದು ಯೋಜನೆ ರೂಪಿಸಾವರೆಗ್ ಅಧಿಕಾರಿಲೆಗ್ ಪಂಡೆರು.

ಈ ಸಂದರ್ಭಡ್ ನಗರಸಭೆ ಪೌರಾಯುಕ್ತರಾಯಿನ ಶ್ರೀ ರಮೇಶ್ ನಾಯ್ಕ್, ಎ ಇ ಇ ಶ್ರೀ ಯಶವಂತ ಪ್ರಭು, ಮಣಿಪಾಲ ಪೊಲೀಸ್ ಉಪನಿರೀಕ್ಷಕ ಶ್ರೀ ಖಾದರ್, ನಗರಸಭಾ ಸದಸ್ಯರಾಯಿನ ಶ್ರೀ ಮಂಜುನಾಥ ಮಣಿಪಾಲ, ಶ್ರೀಮತಿ ಕಲ್ಪನಾ ಸುಧಾಮ, ಪ್ರಮುಖರಾಯಿನ ಸುಬ್ಬಣ್ಣ ಪೈ, ಪ್ರಶಾಂತ್ ಭಟ್ ಪೆರಂಪಳ್ಳಿ ಮೊಕುಲು ಮಾತಾ ಉಪಸ್ಥಿತರಿತ್ತೆರು.