ನರೇಂದ್ರ ಮೋದಿ ನೇತೃತ್ವದ ಕೇಂದ್ರ ಬೊಕ್ಕ ರಾಜ್ಯದ ಡಬಲ್ ಇಂಜಿನ್ ಸರಕಾರನ್ ಕುಡೊರ ಅಧಿಕಾರಗ್ ಕನವರೆಗ್ ಉಡುಪಿ ವಿಧಾನ ಸಭಾ ಕ್ಷೇತ್ರದ ಜನಕುಲೇ ಸಂಕಲ್ಪ ಮಲ್ತುದೆರ್.
ಉಡುಪಿ ಕ್ಷೇತ್ರಡ್ ಕುಡೊರ ಮತದಾರೆರೆನ ಆಶೀರ್ವಾದ ಬೊಕ್ಕ ಕಾರ್ಯಕರ್ತೆರೆನ ಪರಿಶ್ರಮಡ್ದ್ ಪ್ರಚಂಡ ಗೆಲುವು ಸಾಧಿಸಾವುನ ವಿಶ್ವಾಸ ಉಂಡು ಪಂಡುದು ಬಿಜೆಪಿ ಅಭ್ಯರ್ಥಿ ಯಶ್ ಪಾಲ್ ಸುವರ್ಣ ಪಂಡೆರು.
ಉಡುಪಿ ನಗರ ಸಭೆತ್ತ ಬೇತೆ ಬೇತೆ ವಾರ್ಡ್ ಲೆಡ್ ಮಹಾ ಅಭಿಯಾನದ ಅಂಗವಾದ್ ಶಾಸಕ ರಘುಪತಿ ಭಟ್, ನಗರ ಸಭಾ ಸದಸ್ಯೆರ್ , ಪಕ್ಷದ ಮುಖಂಡೆರು ಬೊಕ್ಕ ಕಾರ್ಯಕರ್ತೆರೆನೊಟ್ಟುಗ್ ಇಲ್ಲ ಇಲ್ಲಗ್ ಭೇಟಿ ಕೊರ್ದ್ ಓಟು ಕೇಂಡಿನ ಪೊರ್ತುಡ್ ಪಾತೆರಿಯೆರು.
ಶಾಸಕ ಕೆ. ರಘುಪತಿ ಭಟ್ ಪಾತೆರ್ದ್ ಉಡುಪಿದ ಸಮಗ್ರ ಅಭಿವೃದ್ಧಿಗ್ ಕುಡಲಾತ್ ಪುಷ್ಟಿ ದಿಂಜಾವುನ ನಿಟ್ಟುಡ್ ಕ್ರಿಯಾಶೀಲ ಅಭ್ಯರ್ಥಿ ಯಶ್ ಪಾಲ್ ಸುವರ್ಣ ರೆನ್ ಗೆಂದಾವರೆಗ್ ಮನವಿ ಮಲ್ತೆರು.
ನಗರ ಸಭಾ ಸದಸ್ಯೆರಾಯಿನ ಶ್ರೀಮತಿ ರಶ್ಮಿ ಸಿ.ಭಟ್, ಟಿ ಜಿ ಹೆಗ್ಡೆ, ಶ್ರೀಮತಿ ಸವಿತಾ ಹರೀಶ್ ರಾಮ್, ಶ್ರೀ ಗಿರೀಶ್ ಅಂಚನ್, ಶ್ರೀಮತಿ ಗೀತಾ ಶೇಟ್, ಶ್ರೀಮತಿ ಭಾರತಿ ಪ್ರಶಾಂತ್, ಪ್ರಭಾಕರ ಪೂಜಾರಿ, ಸಂತೋಷ್ ಜತ್ತನ್, ಬಾಲಕೃಷ್ಣ ಶೆಟ್ಟಿ, ಕಲ್ಪನಾ ಸುಧಾಮ, ವಿಜಯ ಲಕ್ಷ್ಮೀ, ಗಿರಿಧರ ಆಚಾರ್ಯ, ಪಕ್ಷದ ಪದಾಧಿಕಾರಿಲು, ಕಾರ್ಯಕರ್ತೆರು ಉಪಸ್ಥಿತರಿತ್ತೆರು.
by 