ಕಾರ್ಮಿಕ ವರ್ಗದ ಶ್ರಮದ ಫಲವಾದ್ ಇನಿ ಬೃಹತ್ ಕೈಗಾರಿಕೆಲು ಯಶಸ್ವಿಯಾದ್ ಕಾರ್ಯಾಚರಣೆ ನಡಪಾದ್ ದೇಶದ ಆರ್ಥಿಕತೆಗ್ ಶಕ್ತಿ ತುಂಬೊಂದುಂಡ್.
ನರೇಂದ್ರ ಮೋದಿ ನೇತೃತ್ವದ ಕೇಂದ್ರ ಸರಕಾರ ಬೊಕ್ಕ ಬಸವರಾಜ ಬೊಮ್ಮಾಯಿ ನೇತೃತ್ವದ ರಾಜ್ಯ ಸರಕಾರ ಕಾರ್ಮಿಕೆರೆನ ಏಳಿಗೆಗಾದ್ ಕೆಲವು ಯೋಜನೆಲೆನ್ ಅನುಷ್ಠಾನ ಕನಪಿನ ಮುಖೇನ
ಕಾರ್ಮಿಕ ವರ್ಗದ ಹಿತರಕ್ಷಣೆಗ್ ಬಿಜೆಪಿ ಸರ್ಕಾರ ಬದ್ಧತೆ ಮೆರೆದುಂಡ್.
ಉಡುಪಿ ಕ್ಷೇತ್ರೊಡ್ ಪೊಸ ಕೈಗಾರಿಕೆಲೆನ ಸ್ಥಾಪನೆಗ್ ವಿಶೇಷ ಪ್ರೋತ್ಸಾಹ ಕೊರ್ದ್ ಉದ್ಯೋಗ ಸೃಷ್ಟಿ ಮಲ್ಪುಂಡ್ ಪಂಡುದ್ ಬಿಜೆಪಿ ಅಭ್ಯರ್ಥಿ ಯಶ್ ಪಾಲ್ ಸುವರ್ಣ ಪಂಡೆರು.
ಮಣಿಪಾಲ ಭಾಗದ ಬೇತೆ ಬೇತೆ ಗಾರ್ಮೆಂಟ್ಸ್ ಬೊಕ್ಕ ಕೈಗಾರಿಕಾ ಘಟಕೊಲೆಗ್ ಶಾಸಕ ರಘುಪತಿ ಭಟ್ ರೆನೊಟ್ಟುಗ್ ಭೇಟಿ ಕೊರ್ದ್ ಕಾರ್ಮಿಕೆರೆಡ ಮತ ಯಾಚನೆ ಮಲ್ತೆರ್.
ಶಾಸಕ ರಘುಪತಿ ಭಟ್ ಪಾತೆರ್ದ್ ಬಿಜೆಪಿ ಅಭ್ಯರ್ಥಿ ಯಶ್ ಪಾಲ್ ಸುವರ್ಣ ರ!ನ್ ಗೆಂದಾದ್ ಬಿಜೆಪಿ ಸರ್ಕಾರದ ಮುಖೇನ ಕ್ಷೇತ್ರದ ಅಭಿವೃದ್ಧಿಗ್ ಕೈ ಜೋಡಿಸಾವೊಡ್ ಪಂಡುದ್ ಮನವಿ ಮಲ್ತೆರು.
ಈ ಸಂದರ್ಭಡ್ ನಗರ ಸಭಾ ಸದಸ್ಯೆರಾಯಿನ ಮಂಜುನಾಥ್‌ ಮಣಿಪಾಲ್‌ ,ಕಲ್ಪನಾ ಸುಧಾಮ, ಮಾಜಿ ನಗರಸಭಾ ಸದಸ್ಯ ನರಸಿಂಹ ನಾಯಕ್ ,ಡಾ ಬಾಲಕೃಷ್ಣ ಮದ್ದೋಡಿ, ಸತೀಶ್ ಸಾಲ್ಯಾನ್ ,ಆಲ್ವಿನ್ ಡಿಸೋಜ ಮೊಕುಲು ಮಾತಾ ಉಪಸ್ಥಿತರಿತ್ತೆರು.
by 