ಕಾಂಗ್ರೆಸ್ ಪಕ್ಷ ಪ್ರಣಾಳಿಕೆಡ್ ಘೋಷಿಸಾದಿಲೆಕ್ಕ ತಾಕತ್ತ್ ಇತ್ತುಂಡ ಭಜರಂಗದಳನ್ ನಿಷೇಧಿಸಾವಡ್ ಪಂಡುದು ಉಡುಪಿ ಜಿಲ್ಲಾ ಭಜರಂಗ ದಳದ ಮಾಜಿ ಸಂಚಾಲಕ, ಉಡುಪಿ ಕ್ಷೇತ್ರದ ಬಿಜೆಪಿ ಅಭ್ಯರ್ಥಿ ಯಶ್ ಪಾಲ್ ಸುವರ್ಣ ಆಕ್ರೋಶ ವ್ಯಕ್ತಪಡಿಸಾದೆರ್..
ಹಿಂದುತ್ವದ ವಿಚಾರಧಾರೆದೊಟ್ಟುಗ್ ರಾಷ್ಟ್ರ ವಿರೋಧಿಲೆಗ್ ಸಿಂಹ ಸ್ವಪ್ನ ಸಂಘಟನೆಯಾದ್ ಗೋ ಕಳ್ಳೆರೆನ ಬೊಕ್ಕ ಲವ್ ಜಿಹಾದಿಲೆನ ವಿರುಧ್ದ ಕಠಿಣ ನಿಲುವು ದೆತೊಂದಿನ ದೇಶ ಭಕ್ತ ಹಿಂದೂ ಸಂಘಟನೆನ್ ದಮನ ಮಲ್ಪುನ ಯತ್ನದ ಮುಖೇನ ರಾಜ್ಯ ಕಾಂಗ್ರೆಸ್ ಪಕ್ಷ ಅಲ್ಪ ಸಂಖ್ಯಾತರ ಓಲೈಕೆಗ್ ದುಂಬಾತುಂಡ್.
ದುಂಬುಲಾ ಇಂಚೆನೇ ಏಪೊಲಾ ಹಿಂದೂ ವಿರೋಧಿ ನಿಲುವುದ ಸರಕಾರ ನಡಪಾದಿನ ಸಿದ್ದರಾಮಯ್ಯ ಇತ್ತೆನೇ ಗೋ ಹತ್ಯೆ ನಿಷೇಧ ಕಾಯಿದೆ ಬೊಕ್ಕ ಮತಾಂತರ ನಿಷೇಧ ಕಾಯ್ದೆನ್ ಪಿರ ಪಡೆಯುನ ಬಗ್ಗೆ ಬೊಕ್ಕ ಟಿಪ್ಪು ಜಯಂತಿ ಆಚರಣೆ ಮಲ್ಪರೆಗ್ ದುಂಬು ಬೈದಿನ ಮುಖೇನ ಹಿಂದೂ ಸಂಘಟನೆದ ಕಾರ್ಯಕರ್ತೆರೆನ ತಾಳ್ಮೆ ಪರೀಕ್ಷೆಗ್ ದುಂಬಾತೆರ್.
ಕೇಸರಿ ಶಾಲು ಪಾಡ್ದ್ ಇಲ್ಲ ಇಲ್ಲಗ್ ಭೇಟಿ ಕೊರ್ದ್ ನಕಲಿ ಹಿಂದುತ್ವದ ಮುಖವಾಡ ಧರಿಸಾದಿನ ಕಾಂಗ್ರೆಸ್ ಪಕ್ಷದ ಅಭ್ಯರ್ಥಿಲು ಭಜರಂಗ ದಳ ನಿಷೇಧದ ಬಗ್ಗೆ ತನ್ನ ನಿಲುವು ಸ್ಪಷ್ಟ ಪಡಿಸಾವಡ್. ಕಾಂಗ್ರೆಸ್ ಪಕ್ಷದ ಈ ಹಿಂದೂ ವಿರೋಧಿ ಮನಸ್ಥಿತಿಗ್
ಸಮಸ್ತ ಹಿಂದೂ ಸಮಾಜ ತಕ್ಕ ಉತ್ತರ ದುಂಬುದ ಚುನಾವಣೆಡ್ ಕೊರಿಯರೆಗುಂಡ್ ಪಂಡುದು ಪ್ರಕಟಣೆಡ್ ತೆರಿಪಾದೆರ್.
by 