ನಗರಸಭೆ ಅಧಿಕಾರಿಲೆಗ್ ಶಾಸಕೆರೆನ ಸೂಚನೆ…

ಪರ್ಪಿನ ನೀರುದ ಸಮರ್ಪಕ ಪೂರೈಕೆಗ್ ಕ್ರಮ ದೆತೊನರೆಗ್ ನಗರಸಭೆ ಅಧಿಕಾರಿಲೆಗ್ ಶಾಸಕೆ ಯಶ್ ಪಾಲ್ ಸುವರ್ಣ ಸೂಚನೆ

ಉಡುಪಿ ನಗರ ಸಭೆತ್ತ ವ್ಯಾಪ್ತಿಡ್ ದುಂಬಗ್ ಬರ್ಸ ಬರಮುಟ್ಟ ಸಮರ್ಪಕ ರೀತಿಡ್ ನೀರು ಪೂರೈಕೆಗ್ ಕ್ರಮ ದೆತೊನರೆಗ್ ನಗರಸಭೆ ಅಧಿಕಾರಿಲೆಗ್ ಶಾಸಕ ಯಶ್ ಪಾಲ್ ಸುವರ್ಣ ಸೂಚನೆ ಕೊರಿಯೆರು.
ಉಡುಪಿ ನಗರ ಸಭೆಕ್ ಭೇಟಿ ಕೊರ್ದ್ ಅಧಿಕಾರಿಲೆನೊಟ್ಟುಗ್ ಸಭೆ ಮಲ್ತೆರು.
ಇತ್ತೆನೇ ತೆರಿಪಾದಿಲೆಕ್ಕ ನೀರು ಪೂರೈಕೆ ರೇಶನಿಂಗ್ ಮುಖೇನ 3 ದಿನೊಕೊರ ನೀರು ಸರಬರಾಜು ಮಲ್ಪರೆಗ್ ಕ್ರಮ ದೆತೊನರೆಗ್ ಪ್ರತಿ ವಾರ್ಡುದ ಬೇಡಿಕೆದಂಚ ಟ್ಯಾಂಕರ್ ಮುಖೇನ ನೀರು ಸರಬರಾಜು ಮಲ್ಪರೆಗ್ ಅಧಿಕಾರಿಲೆಗ್ ಸೂಚನೆ ಕೊರಿಯೆರ್.
ನೀರು ಪೂರೈಕೆದ ಬಗ್ಗೆ ವಾರ್ಡುದ ನಗರ ಸಭಾ ಸದಸ್ಯೆರೆಗ್ ಮಾಹಿತಿ ಕೊರ್ದ್ ಸಾರ್ವಜನಿಕೆರೆಗ್ ಅನುಕೂಲ ಆಪಿನ ಪೊರ್ತುಡ್ ಟ್ಯಾಂಕರ್ ಮುಖೇನ ನೀರು ಸರಬರಾಜು ಮಲ್ಪರೆಗ್ ಪಂಡೆರು.

ದುಂಬುದ ವಾರ ಬರ್ಸದ ಪೂರ್ವ ಸಿದ್ಧತೆಯಾದ್ ಚರಂಡಿ ತೋಡುನವ್ , ಟಾಸ್ಕ್ ಫೋರ್ಸ್ & ಬಾಕಿದ ತುರ್ತು ಕೆಲಸೊಲೆನ ಬಗ್ಗೆ ಅಧಿಕಾರಿಲೆನೊಟ್ಟುಗ್ ಸಭೆ ನಡಪಾದ್ ಪಂಡೆರು.

ಸಭೆಟ್ ನಿಕಟ ಪೂರ್ವ ನಗರ ಸಭಾ ಅಧ್ಯಕ್ಷೆರಾಯಿನ ಶ್ರೀಮತಿ ಸುಮಿತ್ರಾ ನಾಯಕ್, ಉಪಾಧ್ಯಕ್ಷೆರಾಯಿನ ಶ್ರೀಮತಿ ಲಕ್ಷ್ಮೀ ಮಂಜುನಾಥ, ಪೌರಾಯುಕ್ತೆರಾಯಿನ ರಮೇಶ್ ನಾಯ್ಕ್, ನಗರ ಸಭಾ ಸದಸ್ಯೆರು ಬೊಕ್ಕ ಅಧಿಕಾರಿಲು ಉಪಸ್ಥಿತರಿತ್ತೆರು.