ಕೇಂದ್ರ ಸರಕಾರಡ್ದ್ ನಾಡದೋಣಿ ಮೀನುಗಾರಿಕೆ 1488 ಕೆ ಎಲ್ ಸೀಮೆಎಣ್ಣೆ ಬಿಡುಗಡೆ : ಯಶ್ ಪಾಲ್ ಸುವರ್ಣ ಅಭಿನಂದನೆ
ಕರಾವಳಿ ಜಿಲ್ಲೆದ ನಾಡದೋಣಿ ಮೀನುಗಾರೆರೆನ ಮನವಿಗ್ ಸ್ಪಂದಿಸಾದ್ 1488 ಕಿಲೋ ಲೀಟರ್ ಬುಡುಗಡೆ ಮಲ್ತಿನ ಕೇಂದ್ರ ಸರಕಾರಗ್ ಸಮಸ್ತ ಮೀನುಗಾರೆರೆನ ಪರವಾದ್ ದಕ್ಷಿಣ ಕನ್ನಡ & ಉಡುಪಿ ಜಿಲ್ಲಾ ಮೀನು ಮಾರಾಟ ಫೆಡರೇಶನ್ ಅಧ್ಯಕ್ಷರಾಯಿನ ಯಶ್ ಪಾಲ್ ಸುವರ್ಣ ಅಭಿನಂದನೆ ಸಲ್ಲಿಸಾದೆರ್.
ಮೀನುಗಾರಿಕೆ ಇಲಾಖೆ ಕರಿನ ಸಾಲುಡ್ ನಾಡದೋಣಿ ಮೀನುಗಾರಿಕೆಗ್ ಚಿಮಿಣಿಎಣ್ಣೆನ್ 150 ಲೀಟರ್ ಡ್ದ್ 300 ಲೀಟರ್ ಗ್ ಜಾಸ್ತಿ ಮಲ್ಪರೆಗ್ ನಿರಾಕರಣೆ ಮಲ್ದಿತ್ತುದ್, ಇತ್ತೆ ಕೇಂದ್ರ ಸರಕಾರ ಸೀಮೆ ಎಣ್ಣೆನ್ ಬುಡುಗಡೆ ಮಲ್ಪುನ ಮುಖೇನ ನಾಡದೋಣಿ ಮೀನುಗಾರಿಕೆಗ್ ಸಹಕಾರ ಕೊರ್ತುಂಡ್.
ಕೇಂದ್ರ ಸರಕಾರದ ಮುಖೇನ ಸೀಮೆಎಣ್ಣೆ ಬಿಡುಗಡೆಗ್ ವಿಶೇಷ
ಮುತುವರ್ಜಿ ವಹಿಸದ್ ಕೇಂದ್ರ ಪೆಟ್ರೋಲಿಯಂ ಸಚಿವೆರಯಿನ ಶ್ರೀ ಹರ್ದೀಪ್ ಸಿಂಗ್ ಪುರಿ, ಮುಖ್ಯ ಮಂತ್ರಿ ಬಸವರಾಜ ಬೊಮ್ಮಾಯಿ,
ಕೇಂದ್ರ ಕೃಷಿ ಖಾತೆ ರಾಜ್ಯ ಸಚಿವೆರಾಯಿನ ಶೋಭಾ ಕರಂದ್ಲಾಜೆ, ಬಿಜೆಪಿ ರಾಜ್ಯಾಧ್ಯಕ್ಷರಾಯಿನ ನಳಿನ್ ಕುಮಾರ್ ಕಟೀಲ್, ಸಂಸದರಾಯಿನ ಬಿ. ವೈ ರಾಘವೇಂದ್ರ ಬೊಕ್ಕ ಕರಾವಳಿ ಜಿಲ್ಲೆದ ಮಾತಾ ಶಾಸಕರೆಗ್ ಮೀನುಗಾರೆರೆನ ಪರವಾದ್ ಧನ್ಯವಾದ ಪಂಡುದ್ ಪ್ರಕಟಣೆಡ್ ತೆರಿಪಾದೆರ್.
by 