ಖ್ಯಾತ ಸಾಹಿತಿ, ತುಳುನಾಡುದ ಮಲ್ಲ ಆಸ್ತಿ, ಸಜ್ಜನಿಕೆದ ಸಾಕಾರ ಮೂರ್ತಿ ಅಮ್ರತಸೋಮೇಶ್ವರ್ ಇನಿ ದೇವೆರೆನ ಪಾದ ಸೇರಿಯೆರು ಪಂಡುದ್ ಸುದ್ದಿ ತೆರಿದ್ ಬೈದುಂಡ್..
ತುಳುನಾಡುದ ಪುಗಾರ್ತೆದ ಸಾಹಿತಿ. ಹಿರಿಯ ಜಾನಪದ ವಿದ್ವಾಂಸೆರ್ ಕಾವ್ಯ,ಕಿನ್ನ ಕತೆ, ನಾಟಕ, ಯಕ್ಷಗಾನ, ವಿಮರ್ಶೆ ಬೊಕ್ಕ ಜಾನಪದ ಕ್ಷೇತ್ರೊಡ್ ವಿಶೇಷವಾದ್ ಕೆಲಸ ಮಲ್ತಿನಾರು.
.ಡಾ.ಅಮೃತ ಸೋಮೇಶ್ವರ ತುಳು ಸಾಹಿತಿಲು ಜಾನಪದ ವಿದ್ವಾಂಸೆರ್, ಯಕ್ಷಗಾನ ಕರ್ತುಲು, ವಿಮರ್ಶಕೆರ್, ನಿವೃತ್ತ ಕನ್ನಡ ಪ್ರಾಧ್ಯಾಪಕೆರ್[ ತುಳು-ಕನ್ನಡ ರಡ್ಡ್ ಬಾಸೆಡ್ಲ ಸಾಹಿತ್ಯ ರಚನೆ ಮಲ್ತ್‌ದ್ ಪುಗರ್ತೆ ಪಡೆಯಿನಾರ್. ಅಮೃತೆರೆನ ಅಪ್ಪೆಬಾಸೆ ಮೋಯ ಮಲಯಾಳ. ಬರವು ಕನ್ನಡೊಡು. ಆಂಡ ತುಳುತ್ತ ಮಿತ್ತ್ ಎಚ್ಚಮೋಕೆ. ಒಂತೆ ಸಮಯ ಮುಂಬಯಿಡ್ ಇತ್ತೆರ್. ಬೊಕ್ಕ ಕನ್ನಡೊಡು ಎಂ.ಎ. ಪದವಿ ಪಡೆದ್ ಕುಡ್ಲದ ಸಂತ ಅಲೋಶಿಯಸ್ ಕಾಲೇಜ್ಡ್ ಉಪನ್ಯಾಸಕೆರಾದ್ ವೃತ್ತಿಜೀವನ ಸುರು ಮಲ್ತೆರ್. ಅವೆಡ್ದ್ ಬೊಕ್ಕ ಪುತ್ತೂರುದ ವಿವೇಕಾನಂದ ಕಾಲೇಜ್ಡ್ ಉಪನ್ಯಾಸಕೆರಾದ್ ಕೆಲಸೊಗು ಸೇರಿಯೆರ್. ಸುಮಾರ್ ಮುಪ್ಪ ವರ್ಸೊ ಕಾಲ ವಿಭಾಗೊದ ಮುಕ್ಯಸ್ತೆರಾದ್ ಪ್ರಾಧ್ಯಾಪಕೆರಾದ್ ಕನ್ನಡದ ಬೇಲೆ ಒಟ್ಟುಗು ತುಳುತ್ತ ಬೇಲೆಲಾ ಮಲ್ತ್ ನಾರ್. ಆಯಿರ್ದ್ ಬೊಕ್ಕ ಕೆಲವು ವರ್ಷ ಮಂಗಳೂರು ವಿಶ್ವವಿದ್ಯಾನಿಲಯದ ಕನ್ನಡ ಅಧ್ಯಯನ ಸಂಸ್ಥೆಡ್ ಸಂದರ್ಶಕ ಪ್ರಾಧ್ಯಾಪಕೆರಾದ್,ಯಕ್ಷಗಾನ ಅಧ್ಯಯನ ಕೇಂದ್ರ‍ದ ನಿರ್ದೇಶಕೆರಾದ್ ಬೇಲೆ ಬೆಂತಿನಾರ್.
by 