ಕಾರ್ ಜಾರ್ದ್  ನೀರ್ ಪಾಲ್.

ಕುಂದಾಪುರ : ಬೆಳ್ವೆ ಗ್ರಾಮದ
ಗುಮ್ಮೋಲದಲ್ಪ  ಸೀತಾನದಿ ಒಳ್ಳೆಹೊಂಡ ಕಿಂಡಿ
ಅಣೆಕಟ್ಟುದಲ್ಪ ಮೀಯರೆಗ್ ಪೋಯಿನ ರಡ್ಡ್ ಜೋಕುಲು
ನೀರುಡ್ ಮುರ್ಕುದ್  ಸೈತಿನ ಘಟನೆ
ನಡೆದುಂಡ್.
ಗುಮ್ಮೋಲ ಹರ್ಗಗುಂಡಿ ರಾಮ ನಾಯ್ಕ, ಕಾವೇರಿ ಬಾಯಿ
ಪುತ್ರ ಜಯಂತ್ ನಾಯ್ಕ 19 ವರ್ಷ ಬೊಕ್ಕ
ಗೋಳಿಯಂಗಡಿ ಶ್ರೀದುರ್ಗಾ ಜುವೇಲರ್ಸ್ ಮಾಲಕ
ಶ್ರೀಧರ ಆಚಾರ್ಯ ಬೆಳ್ವೆ  ಬೊಕ್ಕ ಶ್ರೀಮತಿ
ಆಚಾರ್ಯ ಪುತ್ರ ಶ್ರೀಶ ಆಚಾರ್ಯ 14 ವರ್ಷ
ಇರುವೆರ್ಲ ದೋಸ್ತಿನಕುಲು ಐತಾರ ಮಧ್ಯಾಹ್ನ
ಸುಮಾರು 1 ಗಂಟೆಗ್ ಗುಮ್ಮೋಲದಲ್ಪ  ಸೀತಾನದಿ ಒಳ್ಳೆಹೊಂಡ ಕಿಂಡಿ ಅಣೆಕಟ್ಟುದಲ್ಪ
ಮೀಯರೆಗ್ ಪೋಯಿನಪಗ ಶ್ರೀಶ ಆಚಾರ್ಯ ಕಲ್ಲುದ ಮಿತ್ತುಡ್  ಕಾರು ಜಾರ್ದ್  ನೀರುಗ್ ಬೂರ್ದ್ ಮುರ್ಕುನವ್ವೆನ್ ತೂದ್
ಜಯಂತ್ ನಾಯ್ಕ ಆಯನ್  ರಕ್ಷಣೆ ಮಲ್ಪರೆಗ್
ಪೋಪೆ. ನೀರುಡ್ ಮಿತ್ತ್ ಬರ್ರೆಗ್  ಆವಂದೇ
ಇರುವೆರ್ಲ ನೀರುಡ್ ಮುರ್ಕುದೆರ್.  ಅಲ್ಪನೇ ಇತ್ತಿನ ಬೇತೆ
ಬಾಲಕೆರ್  ನಡತಿನ  ಘಟನೆನ್ ಮಲ್ಲಕ್ಲೆಗ್ ತೆರಿಪಾದೆರ್.
ಸ್ಥಳೀಯೆರು ವಿಷಯ ತೆರಿದು ಬತ್ತುದ್. ನಾಗರಾಜ ನಾಯ್ಕ ಅಲ್ಬಾಡಿ ಬೊಕ್ಕ  ಚೋಣ ನೀರುಗ್ ಜತ್ತುದು ನೀರುಡ್ ಮುರ್ಕೀನ  ಜೋಕ್ಲೆನ್ ಮಿತ್ತ್ ಪಾಡ್ದ್  ರಕ್ಷಣೆ ಮಲ್ಪರೆಗ್
ಪ್ರಯತ್ನ ಮಲ್ತೆರೆಡುಲಾ ದಾಲ ಪ್ರಯೋಜನ ಆವಂದೆ ಇರುವೆರ್ಲ್ ದೇವೆರೆನ ಪಾದ ಸೇರ್ದಿತ್ತೆರ್.
ಜಯಂತ್ ನಾಯ್ಕ ಗುಮ್ಮೋಲ ಯಕ್ಷಗಾನ
ಕಲಾವಿದರಾದಿತೊತುದ್ ಈ ವರ್ಷ ಯಕ್ಷಗಾನ ಮೇಳಗ್
ಪೋವಂದೆ ಊರುಡ್ ಕೆಲಸ ಮಲ್ತೊಂದಿತ್ತೆರು.ಶ್ರೀಶ
ಆಚಾರ್ಯ ಬೆಳ್ವೆ ಈತ ಹೆಬ್ರಿ (ಎಸ್‌ಆರ್‌ಎಸ್) ಖಾಸಗಿ ಶಿಕ್ಷಣ
ಸಂಸ್ಥೆಡ್ 8 ನೇ ತರಗತಿಡ್  ಕಲ್ತೊಂದಿತ್ತೆರ್. ಸರಳ ಸ್ವಭಾವದ ಮೇರ್ ಪರಿಸರದ
ಧಾರ್ಮಿಕ ಕಾರ್ಯಕ್ರಮಲೆಡ್  ಸಕ್ರೀಯವಾದ್
ತೊಡಗಿಸಾವೊಂದ್  ಮಾತೆರೆನ  ಪ್ರೀತಿಗ್  ಪಾತ್ರರಾದಿತ್ತೆರ್.
ಇರುವೆರ್ಲ  ಭಜನಾ ತಂಡಡ್
ದೋಸ್ತಿಲಾದಿತ್ತೆರು.ಮೃತ ಜಯಂತ್ ನಾಯ್ಕ ಮೆರೆಗ್
ಪೊಪ್ಪ ಅಮ್ಮ ,ಮೆಗ್ದಿ ಉಲ್ಲೆರ್. ಮೃತ ಶ್ರೀಶ ಆಚಾರ್ಯ
ಪೊಪ್ಪ ಅಮ್ಮ  ಅಕ್ಕ .ಉಲ್ಲೆರ್.ಘಟನಾ ಜಾಗೆಗ್
ಮಸ್ತ್ ಜನ  ಜನ ಬತ್ತುದ್  ಶೋಕ ವ್ಯಕ್ತಪಡಿಸಾಯೆರು.
ಶಂಕರನಾರಾಯಣ ಠಾಣೆ ಉಪನಿರೀಕ್ಷಕ ನಾಸೀರ್
ಹುಸೇನ್,ಎಸ್‌ಐ ಶಂಭುಲಿಂಗಯ್ಯ ಬೊಕ್ಕ ಪೊಲೀಸೆರು
ಘಟನಾ ಜಾಗೆಗ್ ಬತ್ತುದ್  ಪರಿಶೀಲನೆ  ಮಹಜರು
ಮಲ್ತೆರು.ಬೆಳ್ವೆ ಪ್ರಾಥಮಿಕ ಆರೋಗ್ಯ
ಕೇಂದ್ರಡ್  ಮರಣೋತ್ತರ ಪರೀಕ್ಷೆ ನಡಪಾದ್
ವಾರಸುದಾರೆರೆಗ್   ಕೊರ್ತೆರ್.
ಕುಂದಾಪುರ ಶಾಸಕ ಎ.ಕಿರಣ್‌ಕುಮಾರ್ ಕೊಡ್ಗಿ,ಮಾಜಿ
ಶಾಸಕ ಹಾಲಾಡಿ ಶ್ರೀನಿವಾಸ ಶೆಟ್ಟಿ ಬತ್ತಿತ್ತೆರ್..