ಈ ಲೋಕ ಅಗತಿನ ಮಾಜಿ ಶಾಸಕೆ ವಸಂತ ಬಂಗೇರ

ದ. ಕ. ಜಿಲ್ಲೆದ ಕಾಂಗ್ರೆಸ್ ಮುಖಂಡೆರಾಯಿನ ಬೆಳ್ತಂಗಡಿಡ್ ಐನ್ ಸರ್ತಿ ಶಾಸಕೆರಾದಿತ್ತಿನ ಕೆ. ವಸಂತ ಬಂಗೇರ(79) ಇನಿ ಬಯ್ಯಗ್ ಬೆಂಗಳೂರುದ ಖಾಸಗಿ ಆಸ್ಪತ್ರೆಡ್ ತೀರಿಯೆರ್.ಕೇದೆ ಸುಬ್ದ ಪೂಜಾರಿ ಬೊಕ್ಕ ದೇವಕಿ ದಂಪತಿಲೆನ ಸುರುತ್ತ ಮಗೆ.1946 ಜ.15 ತಾರೀಕುದಾನಿ ಪುಟ್ಟುದಿನ ವಸಂತ ಬಂಗೇರ ಮೇರು ಪಂಚಾಯತ್ ಸದಸ್ಯೆರಾದ್, ಅಧ್ಯಕ್ಷೆರಾದ್, ಸೇವೆ ಮಲ್ತುದ್ ಐನ್ ಸರ್ತಿ ಶಾಸಕೆರಾದ್ ಆಡಳಿತ ಮಲ್ದಿನಾರ್. ಇಂಚಪ್ಪೊಗ್ ಅರೆನ ಆರೋಗ್ಯ ಸರಿ ಇಜ್ಜಾಂದೆ ಬೆಂಗಳೂರುದ ಆಸ್ಪತ್ರೆಡ್ ಚಿಕಿತ್ಸೆಡಿತ್ತೆರ್. ಇನಿ ದೇವೆರೆನ ಪಾದ ಸೇರಿನ ಶಾಸಕೆರೆನ ಪುನ ಮೇ.9 ತಾರೀಕುಗ್ ಎಲ್ಲೆ ಬೆಳ್ತಂಗಡಿಗ್ ಬರ್ಪುಂಡುಂದ್ ಕುಟುಂಬದ ಮೂಲದಕುಲು ತೆರಿಪಾದೆರ್.