ಎಬಿವಿಪಿ ಪ್ರತಿಭಟನೆಗ್ ಸಂದಿನ ಗೇಲು

ಎಬಿವಿಪಿ ಆಗ್ರಹಗ್  ಸುರುತ ಹಂತದ ಸ್ಪಂದನೆ: ಆಜ್ರಿಡ್ದ್ ಕುಂದಾಪುರಗ್  ಪೊಸ ಬಸ್

ಅಖಿಲ ಭಾರತೀಯ ವಿದ್ಯಾರ್ಥಿ ಪರಿಷತ್ ಕುಂದಾಪುರ ವತಿಡ್ದ್  ಗ್ರಾಮಾಂತರ ಭಾಗಲೆಡ್ದ್ ಕುಂದಾಪುರ ನಗರಗ್ ವಿದ್ಯಾಭ್ಯಾಸಕ್ಕಾದ್  ಬರ್ಪಿನ ವಿದ್ಯಾರ್ಥಿಲೆಗ್ ಬಸ್ ಸಮಸ್ಯೆನ್  ಬಗೆಹರಿಸಾವರೆಗ್  ಆಗ್ರಹಿಸಾದ್ ಐನ್  ದಿನ  ಪಿರ ( 8-6-2024) ಶಾಸ್ತ್ರಿ ಸರ್ಕಲ್ ಡ್ದ್  ತಾಲೂಕು ಆಫೀಸ್ ಮುಟ್ಟ  ಬೃಹತ್ ಪ್ರತಿಭಟನಾ ಜಾಥಾ ನಡಪಾದ್ , ಕುಂದಾಪುರ ತಹಶೀಲ್ದಾರ, ಕೆಎಸ್ಆರ್ಟಿಸಿ ಡಿಪೋ ಮ್ಯಾನೇಜರ್ ಸೇರಿನಂಚ, ಕುಂದಾಪುರ ಬೊಕ್ಕ ಬೈಂದೂರು ವಿಧಾನ ಸಭಾ ಕ್ಷೇತ್ರದ ಶಾಸಕೆರೆಗ್ ಆಗ್ರಹನ್ ದೀದ್  ಎಚ್ಚರ ಮಲ್ತೆರು ನೆತ್ತ  ಪರಿಣಾಮ ಸುರುತ್ತ  ಹಂತೊಡೇ  ಎಬಿವಿಪಿ ಬೇಡಿಕೆದಂಚ  ಆಜ್ರಿಡ್ದ್  ಕುಂದಾಪುರಗ್  ಬಸ್ ಬುಡ್ತಿನವ್ ಶ್ಲಾಘನೀಯ.

ಆಜ್ರಿಡ್ದ್  ನೇರಳಕಟ್ಟೆ ತಲ್ಲೂರು ಮಾರ್ಗವಾದ್ ಕುಂದಾಪುರಗ್  ಮಲ್ತಿನ  ಬಸ್ ವ್ಯವಸ್ಥೆಡಾದ್  ಕಾಲಿ ವಿದ್ಯಾರ್ಥಿಲೆಗ್ ಮಾತ್ರ ಅತ್ತ್ ಸಾರ್ವಜನಿಕೆರೆಗುಲಾ  ಸಹಾಯಕವಾಗಿದೆ. ಅನೇಕ ಸಮಯದಿಂದ ಈ ಮಾರ್ಗಕ್ಕೆ ಬಸ್ ನ ಬೇಡಿಕೆ ಇತ್ತುಂಡಲಾ  ಅಧಿಕಾರಿಲೆಗ್  ಬೇತೆ ಬೇತೆ ರೀತಿಡ್  ಮನವಿ ಸಲ್ಲಿಸಾಂಡಲಾ  ಸಮರ್ಪಕ ಬಸ್ ವ್ಯವಸ್ಥೆ ಮಲ್ಪಂದಿನ  ಅಧಿಕಾರಿಲು  ಹೋರಾಟ  ಮಲ್ತಿನ ಐನ್  ದಿನತ್ತ  ಉಲಾಯಿ  ಬಸ್ ಬುಡ್ತಿನವ್  ವಿದ್ಯಾರ್ಥಿಲೆನ    ಗಟ್ಟಿ ಧ್ವನಿತ್ತ  ಬೆಲೆನ್  ಸಾರುಂಡ್.

ನನಲಾ  ಸುಮಾರು 15 ಗುಲಾ  ಜಾಸ್ತಿ  ಮಾರ್ಗಲೆಡ್ ಬಸ್ ವ್ಯವಸ್ಥೆ ಮಲ್ಪುನ  ಅವಶ್ಯಕತೆ ಇತ್ತುದ್  ಆಯಿನಾತ್ ಬೇಗ  ಆಪಿಲೆಕ್ಕ  ಮಾರ್ಗದ ಅವಶ್ಯಕತೆದ  ಬಗೆಟ್  ಇತ್ತೆನೇ ಎಬಿವಿಪಿ ವಿದ್ಯಾರ್ಥಿಲೆನ ಆಗ್ರಹದ ಧ್ವನಿಯಾದ್ ಅಧಿಕಾರಿಲೆನೊಟ್ಟುಗ್  ಚರ್ಚೆ ಮಲ್ತೊಂದುಂಡ್. ದುಂಬು ಬರ್ಪಿನ 15 ದಿನತ್ತ  ಉಲಾಯಿ  ಮಾತಾ ಮಾರ್ಗಲೆಗ್ ಬಸ್ ವ್ಯವಸ್ಥೆ ಆಪಿನ  ಭರವಸೆಲಾ ಉಂಡು.