ಅಖಿಲ ಭಾರತೀಯ ವಿದ್ಯಾರ್ಥಿ ಪರಿಷತ್ ಉಡುಪಿ ನಗರ ವತಿಡ್ದ್ ಛತ್ರಪತಿ ಶಿವಾಜಿ ಮಹಾರಾಜೆರೆನ ಪಟ್ಟಾಭಿಷೇಕ ಮಹೋತ್ಸವದ 350ನೇ ವರ್ಧಂತಿದಾನಿ ನಗರದ ಬೇತೆ ಬೇತೆ ವಿದ್ಯಾರ್ಥಿ ನಿಲಯಡ್ ವಿಶೇಷ ಉಪನ್ಯಾಸ ಬೊಕ್ಕ ಪುಷ್ಪಾರ್ಚನೆ ಕಾರ್ಯಕ್ರಮನ್ ಆಯೋಜನೆ ಮಲ್ದಿತ್ತೆರ್.
ಎಂಜಿಎಂ ಕಾಲೇಜಿದ ವಿದ್ಯಾರ್ಥಿನಿ ನಿಲಯಡ್ ಕಾರ್ಯಕ್ರಮನ್ ಉದ್ದೇಶಿಸಾದ್ ಪಾತೆರಿನ ಎಬಿವಿಪಿ ಉಡುಪಿ ನಗರ ಕಾರ್ಯದರ್ಶಿ ಶ್ರೀವತ್ಸ ಡಿ ಗಾಂವ್ಸ್‌ಕರ್ ಇನಿತ ದಿನ ಪ್ರಪಂಚದ ಬಲಿಷ್ಠ ನೌಕಾದಳಟ್ ಭಾರತ ಉಂಡು ಪಂಡ ಅಯಿಕ್ ಮುಖ್ಯ ಕಾರಣ ಶಿವಾಜಿ ಮಹಾರಾಜೆರು. ಆನಿದ ದಿನೊಟ್ ಪೋರ್ಚುಗಿಸೆರೆನ್ ಎದುರಿಸಾವರೆಗ್ ನೌಕಾದಳದ ಅವಶ್ಯಕತೆನ್ ತೆರಿನ ಮೇರು ನೌಕದಳಕ್ ಜಾಸ್ತಿ ಮಹತ್ವನ್ ಕೊರ್ದ್ ಇಂಡಿಯಾನಾ ದಿನ ಭಾರತೀಯ ನೌಕಾದಳದ ಪಿತಾಮಹ ಪಂಡುದೇ ಪುಗಾರ್ತೆನ್ ಪಡೆದೆರ್. ಅತ್ತಾವಂದೆ ಮೇರು ಕಿನ್ನ ಸೈನ್ಯಲೆಡ್ ಗೆರಿಲ್ಲಾ ಮಾದರಿದ ವಿಶೇಷ ಯುದ್ಧ ತಂತ್ರದ ಮುಖೇನ ಬಲಿಷ್ಠ ಪರಕೀಯ ಸೈನ್ಯಲೆನ್ ಗಿಡತುದೆರ್.
ಯುದ್ಧ ಮಾತ್ರ ಅತ್ತಾವಂದೆ ಎಡ್ಡೆ ಆಡಳಿತಗಾರೆ ಮೇರು ರೈತೆರು, ಬಡವೆರು ಬೊಕ್ಕ ಸಮಾಜದ ಮಾತಾ ವರ್ಗದಕ್ಲೆನ್ ಸಮಾನವಾದ್ ತೂತೆರ್ ಬೊಕ್ಕ ಕಲೆ, ಸಂಸ್ಕೃತಿ, ಸಾಹಿತ್ಯ, ಇಂಚ ಸರ್ವತೋಮುಖ ಅಭಿವೃದ್ಧಿಗ್ ಮಹತ್ವ ಕೊರ್ತೆರು ಪಂಡೆರು. ಚಾಣಾಕ್ಷತೆಡ್ ಔರಂಗಜೇಬನ ಆಸ್ಥಾನಡ್ ಪಿದಾಯಿಬತ್ತಿನ ಮೇರು ಕಾಶಿದ 350 ವರ್ಷ ಪಿರ 1674ಡ್ 44ನೇ ವಯಸ್ಸುಗ್ ಗಾಗಭಟ್ಟರೆಡ್ದ್ ಶಾಸ್ಟ್ರೋಕ್ತವಾದ್ ಶಿವಾಜಿ ಮಹಾರಾಜೆರ ಪಟ್ಟಾಭಿಷೇಕ ಆಪುಂಡ್ ಬೊಕ್ಕ ರಾಯಗಡನ್ ಪೊಸ ರಾಜಧಾನಿಯಾದ್ ಘೋಷಣೆ ಮಲ್ಪುವೆರ್ ಬೊಕ್ಕ ಸ್ವಾತಂತ್ರ್ಯ ಹಿಂದೂ ಚಕ್ರವರ್ತಿ ಬಿರುದುನ್ ಪಡೆದೆರ್. .
ಬೇತೆ ಬೇತೆ ಕಡೆಟ್ ನಡತಿನ ಕಾರ್ಯಕ್ರಮಡ್ ಎಬಿವಿಪಿ ತಾಲೂಕು ಸಂಚಾಲಕೆರಾಯಿನ ಅಜಿತ್ ಜೋಗಿ, ರಾಜ್ಯ ಕಾರ್ಯಕಾರಿಣಿ ಸದಸ್ಯೆ ಸಂಹಿತಾ ಕೆ. ನಗರ ಹಾಸ್ಟೆಲ್ ಪ್ರಮುಖರಾಯಿನ ನವೀನ್ ಸಹ ಪ್ರಮುಖರಾಯಿನ ಧನ್ಯ ಬೊಕ್ಕ ಕಾರ್ಯಕಾರಿಣಿ ಸದಸ್ಯರಾಯಿನ ನಾಗರತ್ನ ಬೊಕ್ಕ ಲ್ಯಾರಿ ಉಪಸ್ಥಿತರಿತ್ತೆರು.
by 