ಅಖಿಲ ಭಾರತೀಯ ವಿದ್ಯಾರ್ಥಿ ಪರಿಷತ್ತುದ ಅಮೃತ ಮಹೋತ್ಸವದ ಅಂಗವಾದ್ ನಡತಿನ 69ನೇ ರಾಷ್ಟ್ರೀಯ ಅಧಿವೇಶನ ದೆಹಲಿದ ಇಂದ್ರಪ್ರಸ್ಥ ನಗರಡ್ 7,8,9 ,10ತಾರೀಕುಗ್ ವಿಶೇಷವಾದ್ ನಡತುಂಡ್. ಅಧಿವೇಶನನ್ ಉದಿಪನ ಮಲ್ತುದ್ ಪಾತೆರಿನ ಭಾರತದ ಗೃಹ ಸಚಿವೆರಾಯಿನ ಅಮಿತ್ ಶಾ, ಯಾನು ಎಬಿವಿಪಿದ ಆರ್ಗಾನಿಕ್ ಪ್ರೊಡಕ್ಟ್ (ಸಾವಯವ ಉತ್ಪನ್ನ) ಪಂಡುದು ಪಂಡೆರು. ಬೊಕ್ಕ ವಿದ್ಯಾರ್ಥಿ ಪರಿಷತ್ ರಾಷ್ಟ್ರದ ಒವ್ವೇ ಸಮಸ್ಯೆದ ವಿರುದ್ಧ ಹಿಮಾಲಯದಲೆಕ್ಕ ತದೆಗೋಡೆಯಾದುಪ್ಪುಂಡ್. ಅಯಿಕ್ ತಾರ್ಕಿಕ ಅಂತ್ಯನ್ ವದಗಿಸಾವುನ ಕೆಲಸೊನ್ ಮಲ್ಪುಂಡ್ ಪಂಡೆರು.
ಪ್ರತಿ ವರ್ಷ ಒರಿಯಗ್ ಪ್ರೋತ್ಸಾಹ ಕೊರ್ಪಿನ ಪ್ರೊ| ಯಶ್ವಂತ್ ರಾವ್ ಕೇಲ್ಕರ್ ಯುವ ಪ್ರಶಸ್ತಿನ್ ಈ ಬಾರಿ ಮೂರು ಜನ ಸಾಧಕರೆಗ್ ಕೊರಿಯೆರ್. ಬಡ ಬೊಕ್ಕ ಹಿಂದುಳಿದ ವರ್ಗಲೆನ ವಿದ್ಯಾರ್ಥಿಲೆಗ್ ಜಾಗತಿಕ ಮಟ್ಟದ ಶಿಕ್ಷಣನ್ ಪಡೆಯರೆಗ್ ಪ್ರೋತ್ಸಾಹ ಮಲ್ತೊಂದುಪ್ಪುನ ಶ್ರೀ ಶರದ್ ವಿವೇಕ್ ಸಾಗರ್, ಸಿರಿ ಧಾನ್ಯದ ಉತ್ಪಾದನೆ ಬೊಕ್ಕ ಸಂರಕ್ಷಣೆದ ಮಹತ್ಕಾರ್ಯ ಮಲ್ತೊಂದುಪ್ಪುನ ಬಾಜ್ರ ಕ್ವೀನ್ ಸುಶ್ರೀ ಲಹರಿ ಭಾಯಿ ಪಡಿಯಾ, ವಿಕಲಚೇತನರ ಜೀವನಡ್ ಬೊಲ್ಪುನ್ ಬೀರೊಂದುಪ್ಪುನ ಡಾ| ವೈಭವ್ ಭಂಡಾರಿ ಮೆರೆಗ್ ಯುವ ಪ್ರಶಸ್ತಿ 2023ನ್ನು ಖ್ಯಾತ ಪತ್ರಕರ್ತೆರು ಬೊಕ್ಕ ಇಂಡಿಯಾ ಟಿವಿದ ಮುಖ್ಯಸ್ಥರಾಯಿನ ರಜತ್ ಶರ್ಮಾ ಮೆರೆನ ಮುಖಾಂತರ ಕೊರಿಯೆರ್.
ನಾಲ್ ದಿನ ನಡತಿನ ಈ ಅಧಿವೇಶನಡ್ ಉಡುಪಿ ಜಿಲ್ಲೆದ 12 ಪ್ರತಿನಿಧಿಲೆನ್ ಸೇರ್ದ್ ದೇಶದ ಮಾತಾ ಜಿಲ್ಲೆಡ್ದ್ 8000 ಪ್ರತಿನಿಧಿಲು ಪಾಲ್ ಪಡೆಯೆರು.
6
by 