ಮಣಿಪಾಲ, ಫೆ. 11 : ನಮ್ಮುಲಾಯಿದ ಭಾವನೆ, ಮನಸ್ಸುನ್ ನಮನೇ ನಿಯಂತ್ರಣ ಮಲ್ಪೊಡ್. ನೆತ್ತ ಕೀಲಿ ಕೈ ಕುಡೊರಿಯಗ್ ಕೊರ್ರೆಗ್ ಬಲ್ಲಿ. ಪ್ರತಿ ವಿಷಯಡುಲಾ ವೈಯಕ್ತಿಕವಾದ್ ಸಕಾರಾತ್ಮಕ ಭಾವನೆ ಬುಲೆಪಿವುನ ಮೂಲಕ ಕುಟುಂಬಡುಲಾ ಸಕಾರಾತ್ಮಕತೆ ರೂಪಿಸಾವೊಂದ್ ಪೋವೊಡ್. ಈ ಪ್ರಕ್ರಿಯೆ ದುಂಬರಿಲೆಕ್ಕ ಸಮಾಜಡುಲಾ ಸಕಾರಾತ್ಮಕ ಚಿಂತನೆಲು ಹೆಚ್ಚಾಪುಂಡ್ ಪಂಡುದು ಪ್ರಜಾಪಿತ ಬ್ರಹ್ಮ ಕುಮಾರೀಸ್ ಈಶ್ವರೀಯ ವಿಶ್ವವಿದ್ಯಾಲಯದ ವಾಗ್ಮಿ ಬಿ.ಕೆ. ಶಿವಾನಿ ಪಂಡೆರು.
ಆರು ಮಣಿಪಾಲ ಶಾಖೆದ ವತಿಡ್ದ್ ಐತಾರ ಮಣಿಪಾಲದ ಎಂಜೆಸಿ ಮೈದಾನಡ್ ಆಯೋಜನೆ ಮಲ್ದಿತ್ತಿನ “ಅಪರಿಮಿತ ಸಂತೋಷಕ್ಕಾಗಿ ಪರಮಾತ್ಮನೊಂದಿಗೆ ಮನಸ್ಸನ್ನು ‘ಜೋಡಿಸಿ’ ಪನ್ಪಿನ ಕಾರ್ಯಕ್ರಮಡ್ ಸ್ಫೂರ್ತಿದಾಯಕ ಪ್ರವಚನ ಕೊರಿಯೆರು.
ನಮ ಮಲ್ಪುನ ಕಾರ್ಯಡ್ ಪರಿಪೂರ್ಣ ತೆನ್ ರೂಢಿಸಾವೊಡ್. ಪರಿಪೂರ್ಣತೆಯಿತ್ತಿನಾತ್ ಸಕಾರಾತ್ಮಕ ಚಿಂತನೆಲು ನಮ್ಮೆಂಚಿ ಬರ್ಪುಂಡ್. ಕುಡೊರಿಯನ ಕಾರಣಡಾದ್ ನಮ್ಮುಲಾಯಿ ನಮ ಒತ್ತಡ ಕನವರೆಗ್ ಬಲ್ಲಿ. ಕುಡೊರಿಯಗ್ ನಮಲಾ ಒತ್ತಡ ಕೊರ್ರೆಗ್ ಬಲ್ಲಿ. ನಿತ್ಯ ಜೀವನದ ವ್ಯವಹಾರಿಕ ವಿಷಯಲು ನಮ್ಮ ಒತ್ತಡ ಹೆಚ್ಚ ಮಲ್ಪಂದಿಲೆಕ್ಕ ತೂವೊನೊಡ್. ಮಾತಾ ಕಾಯಿಲೆನ್ ಬಗೆಹರಿಸಾವರೆಗ್ ವೈದ್ಯೆರು ಸಿಕ್ಕುವೆರ್. ಆಂಡ, ನಮ್ಮುಲಾಯಿಡ್ ಭಾವನಾತ್ಮಕವಾದ್ ಸುದೃಢ ಆರೋಗ್ಯ ಕಾತೊನರೆಗ್ ನಮನೇ ವೈದ್ಯೆರಾವೊಡ್. ನಮ್ಮ ಗುರಿತ್ತ ಬಗ್ಗೆ ಸ್ಪಷ್ಟತೆ ಇಪ್ಪೊಡ್. ಸಾಗೊಂದುಪ್ಪುನ ಮಾರ್ಗ ಸರಿ ಇಜ್ಜಿ ಪಂಡುದ್ ಎನ್ನಿನಪಗ ಕೂಡಲೇ ಯು- ಟರ್ನ್ ದೆತೊಂದ್ ಸರಿಯಾಯಿನ ಮಾರ್ಗಡ್ ಸಾಗೊಡ್ ಪಃಡೆರು.
ಪರೀಕ್ಷೆಡ್ ದೆಪ್ಪುನ ಅಂಕದ ಕಾರಣಗ್ ಮಾತಲಾ ಸಾಧ್ಯ ಆಪುಂಡ್ ಪಂಡುದ್ ದಾಲಜ್ಜಿ.. ಅಂಚ ಪಂಡುದ್ ಅಂಕದ ಮಿತ್ತ್ ಗಮನ ಮಲ್ಪಂದೇ ಅಯಿಟೇ ಪರೀಕ್ಷೆ ಭಯ ದೂರ ಮಲ್ಪೊಡ್. ವೃತ್ತಿಪರ ಏಳ್ಗೆದ ಒಟ್ಟುಡ್ ವೈಯಕ್ತಿಕ ಎಳ್ಗೆಲಾ ಮುಖ್ಯ. ವೈಯಕ್ತಿಕವಾದ್ ನಮ ಬುಲೆಯೊಡಾಂಡ ಬೌದ್ಧಿಕವಾದ್ ಬುಲೆಯೊಡ್. ಜೋಕ್ಲೆಡ ಸಕಾರಾತ್ಮಕ ಬೌದ್ಧಿಕತೆ/ ಚಿಂತನೆ ತುಂಬೊಡ್ ಪಂಡುದು ಸಲಹೆ ಕೊರಿಯೆರು.
ಶಾಸಕ ಯಶ್‌ಪಾಲ್ ಎ. ಸುವರ್ಣ, ಐಎಂಎ ಉಡುಪಿ ಶಾಖೆ ಅಧ್ಯಕ್ಷೆ ಡಾ| ರಾಜಲಕ್ಷ್ಮೀ, ಮನೋವೈದ್ಯ ವಿರೂಪಾಕ್ಷ ದೇವರಮನೆ, ಎಂಎಂಎನ್‌ಎಲ್‌ ನ ವನಿತಾ ಜಿ. ಪೈ, ಆಭರಣ ಸಮೂಹ ಸಂಸ್ಥೆದ ಸಂಧ್ಯಾ ಕಾಮತ್, ಉದ್ಯಮಿಲಾಯಿನ ಅಜಯ್ ಪಿ. ಶೆಟ್ಟಿ, ರಮೇಶ್ ಬಂಗೇರ, ಬ್ರಹ್ಮಕುಮಾರೀಸ್ ಮಣಿಪಾಲ ಶಾಖೆದ ಸಂಚಾಲಕಿ ಬಿ.ಕೆ.ಸೌರಭಾ, ಬಿ.ಕೆ. ಸುಜಾತಾ ಉಪಸ್ಥಿತರಿದತ್ತೆರು. ಶ್ರೀನಿಧಿ ನಿರೂಪಣೆ ಮಲ್ತೆರು.
by 