ಐಕಳ ಹರೀಶ್ ಶೆಟ್ಟಿ ಸಾರಥ್ಯೊಡ್ ನಡಪುನ ಬಂಟೆರೆನ ಸಮ್ಮೇಳನ..

ಜಾಗತಿಕ ಬಂಟೆರೆನ ಸಂಘೊಲೆನ ಒಕ್ಕೂಟದ ವತಿಡ್ದ್ ಅಧ್ಯಕ್ಷ ಶ್ರೀ ಐಕಳ ಹರೀಶ್ ಶೆಟ್ಟಿ ಮೆರೆನ ಸಮರ್ಥ ಸಾರಥ್ಯಡ್ ವಿಶ್ವ ಬಂಟರ ಸಮ್ಮೇಳನದ ಪ್ರಯುಕ್ತ ಉಡುಪಿದ ಅಜ್ಜರಕಾಡು ಮೈದಾನಡ್ ದಿನಾಂಕ 28.10.2023ತಾರೀಕುಗ್ “ಶ್ರೀಮತಿ ನಳಿನ ಭೋಜ ಶೆಟ್ಟಿ ವೇದಿಕೆ”ಡ್ ನಡಪರೆಗುಪ್ಪುನ “ವಿಶ್ವ ಬಂಟರ ಕ್ರೀಡಾ ಕೂಟ” ಬೊಕ್ಕ 29.10.2023 ತಾರೀಕುಗ್ “ಶ್ರೀ ಕನ್ಯಾನ ಸದಾಶಿವ ಶೆಟ್ಟಿ ವೇದಿಕೆ”ಡ್ ನಡಪರೆಗುಪ್ಪುನ “ವಿಶ್ವ ಬಂಟೆರೆನ ಸಾಂಸ್ಕೃತಿಕ ವೈಭವ” ಕಾರ್ಯಕ್ರಮೊಲೆನ ಬಗೆಟ್ ಆಜನೇ ಪೂರ್ವಭಾವಿ ಸಭೆ ಇನಿ ಬಯ್ಯಗ್ 5 ಗಂಟೆಗ್ ಉಡುಪಿದ ಓಷನ್ ಪರ್ಲ್ ಹೋಟೆಲುದ ಸಭಾಂಗಣಡ್ ನಡತುಂಡ್.
ಸಭೆಟ್ ಅಧ್ಯಕ್ಷೆರಾಯಿನ ಶ್ರೀ ಐಕಳ ಹರೀಶ್ ಶೆಟ್ಟಿ ಮೇರ್ , ಉಪಾಧ್ಯಕ್ಷೆರಾಯಿನ ಶ್ರೀ ಕರ್ನಿರೆ ವಿಶ್ವನಾಥ್ ಶೆಟ್ಟಿ,, ಗೌರವ ಕಾರ್ಯದರ್ಶಿ ಶ್ರೀ ಜಯಕರ್ ಶೆಟ್ಟಿ ಇಂದ್ರಾಳಿ, ಜೊತೆ ಕಾರ್ಯದರ್ಶಿ ಬೊಕ್ಕ ಸಾಂಸ್ಕೃತಿಕ ಸಮಿತಿದ ಸಂಚಾಲಕೆರಾಯಿನ ಶ್ರೀ ಚಂದ್ರಹಾಸ್ ಡಿ. ಶೆಟ್ಟಿ ರಂಗೋಲಿ, ಕ್ರೀಡಾ ಸಮಿತಿದ ಸಹಸಂಚಾಲಕೆರಾಯಿನ ಶ್ರೀ ರೋಷನ್ ಕುಮಾರ್ ಶೆಟ್ಟಿ ಬೊಕ್ಕ ಬಾಕಿದ ಸಮಿತಿಲೆನ ಮಾತಾ ಸಂಚಾಲಕೆರು ಬೊಕ್ಕ ಸಹ ಸಂಚಾಲಕೆರು ಉಪಸ್ಥಿತರಿತರಿತ್ತೆರು.
ಸಭೆಟ್ ವಿಶ್ವ ಬಂಟರ ಸಮ್ಮೇಳನದ ಪ್ರಯುಕ್ತ ನಡಪರೆಗುಪ್ಪುನ ಕಾರ್ಯಕ್ರಮದ ತಯಾರಿದ ಬಗೆಟ್ ಚರ್ಚೆ ನಡತುಂಡ್.ಸಮಿತಿದ ಸಂಚಾಲಕೆರು ಬೊಕ್ಕ ಸಹಸಂಚಾಲಕೆರು ಕಾರ್ಯಕ್ರಮೊಲೆನ್ ನಡಪಾವುನ ಬಗ್ಗೆ ಅಕ್ಲೆನಕ್ಲೆನ ಅಭಿಪ್ರಾಯೊನ್ ಪಟ್ಟೊಂಡೆರ್.
ಸಭೆತ್ತ ಅಕೇರಿಡ್ ವಿಶ್ವ ಬಂಟರ ಸಮ್ಮೇಳನ ನಡಪರೆಗುಪ್ಪುನ ಉಡುಪಿ ಅಜ್ಜರಕಾಡು ಮೈದಾನದ ಜಾಗೆನ್ ತೂದ್ ಕಜ್ಜೊದ ತಯಾರಿ ಎಂಚ ಮಲ್ಪೊಲಿ ಪಂಡುದ್ ಚರ್ಚೆ ಮಲ್ತೆರ್.