ಬಂಟರ ಸಂಘ ಪೆರ್ಡೂರು ಲೋಕಾರ್ಪಣೆ

ಬಂಟರ ಸಂಘ (ರಿ)ಪೆರ್ಡೂರು ಮಂಡಲ
ಶ್ರೀಮತಿ ಸವಾ೯ಣಿ ಪಳ್ಳಿ ಶ್ರೀನಿವಾಸ ಹೆಗ್ಡೆ
ಸಮುದಾಯ ಭವನ
ಉದಿಪನಾ ಸಮಾರಂಭ
: 11-02-2024 ಜಾಗೆ : ಪೆರ್ಡೂರು

ಉಡುಪಿ ಆಗುಂಬೆ ರಾಷ್ಟ್ರೀಯ ಹೆದ್ದಾರಿ 169(ಎ)ಗ್ ತಾಗುದ್ ಕದಳೀಪ್ರಿಯ ಶ್ರೀ ಅನಂತಪದ್ಮನಾಭನ ಕ್ಷೇತ್ರವಾಯಿನ ಪೆರ್ಡೂರುದ ಪಚ್ಚ ಪೖರ್ ಪರಿಸರದ ನಡುಟ್ 3.5 ಎಕರೆ ವಿಶಾಲವಾಯಿನ ಪ್ರದೇಶಡ್ ಬೃಹತ್ ಸಮುದಾಯ ಭವನ ನಿರ್ಮಾಣವಾದಿತ್ತುದ್ ಫೆ.11ಗ್ ಆದ್ದೂರಿ ಕಾರ್ಯಕ್ರಮದೊಟ್ಟುಗ್ ಲೋಕಾರ್ಪಣೆ ಆವರೆಗುಂಡ್.
ಪೆರ್ಡೂರು,ಬೈರಂಪಳ್ಳಿ,41ನೇ ಶಿರೂರು,ಬೆಳ್ಳರ್ಪಾಡಿ ಗ್ರಾಮೊಲುಪ್ಪುನ ಪೆರ್ಡೂರು ಬಂಟ ಸಂಘದ ಅಧ್ಯಕ್ಷರಾಯಿನ ಶಾಂತರಾಮ ಸೂಡ ಕೆ. ಬೊಕ್ಕ ಕಾರ್ಯಕಾರಿ ಸಮಿತಿದ ಸದಸ್ಯೆರೆನ ಪ್ರಯತ್ನ,ಮಾತಾ ಸದಸ್ಯೆರೆನ ನಿರಂತರ ಪರಿಶ್ರಮ ಬೊಕ್ಕ ದಾನಿಲೆನ ನೆರವುಡ್ ಇನಿ ಗ್ರಾಮೀಣ ಪ್ರದೇಶದವಾಯಿನ ಪೆರ್ಡೂರುಡ್ ಭವ್ಯವಾಯಿನ ಸಮುದಾಯ ಭವನ ತರೆ ದೆರ್ತುದ್ ಉಂತುದುಂಡ್.2022 ಮೇ 8 ಗ್ ಮಣಿಪಾಲ ಮಾಹೆದ ಉಪಕುಲಪತಿ ಎಚ್ .ಎಸ್ .ಬಲ್ಲಾಳೆರೆನ ಅಮೃತ ಹಸ್ತಡ್ ಶಿಲಾನ್ಯಾಸ ವಾಯಿನ ಕಟ್ಟಡ ಪರಿಸರ ಪೂರಕವಾದ್ ನಿಮಾ೯ಣ ಆತುಂಡ್.
ಉಡುಪಿ ತಾಲೂಕುದ ಗ್ರಾಮೀಣ ಬಂಟರ ಸಂಘಲೆಡ್ ಒಂಜಾದುಪ್ಪುನ ಪೆರ್ಡೂರು ಬಂಟರ ಸಂಘ ತೀರ ಗ್ರಾಮೀಣ ಪ್ರದೇಶಡಿತ್ತುದ್ ಮದ್ಯಮ ಬೊಕ್ಕ ಬಡಕುಟುಂಬದ ಬಂಟೆರು ಹೆಚ್ಚಾತೆರ್. ಆಂಡ ಶಾಂತರಾಮ ಸೂಡ ಅರೆನ ತಂಡ ಇನಿ ಮಲ್ಲ ಸಾಧನೆ ಮಲ್ತುದ್ ಉಡುಪಿ ಜಿಲ್ಲೆಡೇ ಅತ್ಯಾಕರ್ಷಕ ಸಮುದಾಯ ಭವನ ನಿರ್ಮಾಣ ಮಲ್ತುದ್ ರಾಜ್ಯನೇ ಗಮನ ಮಲ್ಪುಲೆಕ್ಕ ಮಲ್ದುಂಡ್. ಪೆರ್ಡೂರು ಬೊಕ್ಕ ಸುತ್ತಮುತ್ತಲುದ ಜನತೆಗ್ ದೂರದ ಪಟ್ಟಣದ ಸೊಬಗು ಆತ್ಯಾಧುನಿಕ ವ್ಯವಸ್ಥೆದ ಸಭಾಭವನನ್ ತನ್ನೂರುಡೇ ಸಂಭ್ರಮಿಸಾವುನ ಸುವರ್ಣ ಅವಕಾಶ ಇನಿ ಪೆರ್ಡೂರು ಬಂಟ ಸಂಘ ಮಲ್ದುಂಡ್.
ಸಮಾಜಮುಖಿ ಚಿಂತನೆ : ಪೆರ್ಡೂರು ಬಂಟರ ಸಂಘ ದೂರದರ್ಶಿತ್ವ ಬೊಕ್ಕ ಸಮಾಜಮುಖಿ ಚಿಂತನೆಡ್ ಸಮಾಜದ ಪ್ರತಿಯೊರಿಲಾ ಆರ್ಥಿಕವಾದ್ ಸದೃಡರಾಯಿನಪಖ ಸಮಾಜ ಬಲಿಷ್ಠ ಆವರೆಗ್ ಸಾಧ್ಯ ಪನ್ಪಿನ ಉದ್ದೇಶನ್ ದೀಯೊಂದ್ ಬಂಟ ಸಮಾಜಡೇ ಸುರುತ್ತ ಸರ್ತಿಷ ಬಂಟರ ಸಹಕಾರಿ ಸಂಘನ್ ಸ್ಥಾಪನೆ ಮಲ್ತುದ್ ಮಾದರಿಯಾತುಂಡ್. ಪೆರ್ಡೂರು ಬಂಟರ ಸೌಹಾರ್ದ ಸಹಕಾರಿ ನಿಯಮಿತ ಪನ್ಪಿನ ಪುದರುಡ್ ಸ್ಥಾಪಿತವಾಯಿನ ಸಹಕಾರಿಡ್ ಪ್ರತಿ ವರ್ಷ ಸಂಘದ ಲಾಭಾಂಶಡ್ ಲಕ್ಷಾಂತರ ರೂಪಾಯಿನ್ ಸಂಘದ ವ್ಯಾಪ್ತಿದ ಸಮಾಜದ ವಿದ್ಯಾರ್ಥಿಲೆಗ್ ವಿದ್ಯಾರ್ಥಿ ವೇತನ ,ಅನಾರೋಗ್ಯ ಪೀಡತೆರು ಬೊಕ್ಕ ಅಸಕ್ತರೆಗ್ ಸಹಾಯಧನ ವಿತರಣೆ ಮಲ್ತುದ್ ಸಮಾಜದ ಮೆಚ್ಚುಗೆ ಪಾತ್ರವಾತುಂಡ್. ಸಮಾಜ ಭಾಂದವರೆಗ್ ಮಾತ್ರ ಅತ್ತಾವಂದೆ ಬಾಕಿದಕ್ಲೆಗ್ ಲ್ ಸಹಾಯ ಹಸ್ತ ಕೊರ್ತುಂಡ್. ಸಮಾಜಗ್ ದಾದಾಂಡಲಾ ಎಡ್ಡೆ ಮಲ್ಪೊಡ್ ಪನ್ಪಿನ ಸಂಘದ ತುಡಿತಗ್ ಪಳ್ಳಿ ಶ್ರೀನಿವಾಸ ಹೆಗ್ಡೆ ಕುಟುಂಬ ಬೊಕ್ಕ ಸಮಾಜ ಭಾಂಧವೆರೆನ ಸಹಕಾರ ದಾನಿಲೆನ ಪ್ರೋತ್ಸಾಹದ ಫಲನೇ ಇನಿ ಗ್ರಾಮೀಣ ಪ್ರದೇಶಡ್ ಭವ್ಯ ಸಮುದಾಯ ಭವನ ಲೋಕಾರ್ಪಣೆಗ್ ಸಿದ್ದ ಆತುಂಡ್.
ಸಮುದಾಯ ಭವನದ ವೈಶಿಷ್ಯ್ಭತೆ
• ಪಚ್ಚೆ ವಾತಾವರಣಡ್ ಹೈವೆ ಬದಿಟ್ ಅತ್ಯಾಕರ್ಷಕ ಒಳಾಂಗಣ ವಿನ್ಯಾಸದ ಭವ್ಯ ಸಮುದಾಯ ಭವನ
• ಸುಮಾರು 9೦೦ಕ್ ಲಾ ಮೀರ್ದ್ ಜನ ಕುಲ್ಲುನ ಹವಾನಿಯಂತ್ರಿತ ಸಭಾಭವನ
• 6೦೦ಕ್ ಲಾ ಮೀರ್ದ್ ಜನಕ್ಲೆಗ್ ಆಸನ ವ್ಯವಸ್ಥೆದ
• ವಿಶಾಲವಾಯಿನ ವೇದಿಕೆ,ಬೃಹತ್ ಗ್ರೀನ್ ರೂಮ್
• ಸಸ್ಯಹಾರ ಬೊಕ್ಕ ಮಾಂಸಹಾರಗ್ ಪ್ರತ್ಯೇಕ ಅತ್ಯಾಕರ್ಷಕ ಕಿಚನ್ ಹಾಲ್
• ಕುಲ್ಲರೆಗ್ ಯೋಗ್ಯವಾಯಿನ ಆಧುನಿಕ ಹವಾನಿಯಂತ್ರಿತ ಅತಿಥಿಗೃಹ
• ದಿನದ 24ಗಂಟೆ ಲಿಫ್ಟ್ ಬೊಕ್ಕ ನೀರುದ ವ್ಯವಸ್ಥೆ
• ಪೆರ್ಡೂರು ಬಂಟರ ಸೌಹಾರ್ದ ಸಹಕಾರಿದ ಮುಖ್ಯ ಕಚೇರಿ
• ಭದ್ರತಾ ಸಿಬ್ಬಂದಿ ಯೊಟ್ಟುಗ್ ವಿಶಾಲವಾಯಿನ ಪಾರ್ಕಿಂಗ್ ವ್ಯವಸ್ಥೆ

ಪೆಡೂ೯ರು ಬಂಟರ ಸಂಘದ ಸಾಧನೆದ ಮೈಲಿಗಲ್ಲು
• 2019ರಲ್ಲಿ ಪೆಡೂ೯ರು ಬಂಟರ ಸೌಹಾರ್ದ ಸಹಕಾರ ನಿಯಮಿತ ಸ್ಥಾಪನೆ,ನಿರಂತರವಾದ್ ಅಭಿವೃದ್ಧಿ ಆವೊಂದ್ 4ವಷ೯ಲೆಡ್ 50 ಕೋಟಿ ರೂಪಾಯಿ ವಹಿವಾಟು
• ಪ್ರತಿ ವಷ೯ ಸಂಘದ ವ್ಯಾಪ್ತಿದ ವಿದ್ಯಾರ್ಥಿಲೆಗ್ 7ಲಕ್ಷ ವಿದ್ಯಾರ್ಥಿ ವೇತನ ವಿತರಣೆ
• ಬಂಟರ ಯಾನೆ ನಾಡವರ ಮಾತೃಸಂಘ (ರಿ) ಮಂಗಳೂರು ಬೊಕ್ಕ ಉಡುಪಿ ತಾಲೂಕು ಸಮಿತಿ ಬೊಕ್ಕ ಬಂಟ ಸಮಾಜದ ಮಹಾನೀಯರ ನಿರಂತರ ಸಹಕಾರದೊಟ್ಟುಗ್ ಬಡವೆರೆಗ್ ಬೊಕ್ಕ ಅನಾರೋಗ್ಯ ಪೀಡಿತೆರೆಗ್ ನೆರವು ಹಸ್ತಾಂತರ
• 5 ಕೋಟಿ ರೂಪಾಯಿ ಚರಾಸ್ತಿ ಬೊಕ್ಕ 9ಕೋಟಿ ಮೊತ್ತದ ಸ್ಥಿರಾಸ್ತಿ
• ನಿರಂತರವಾದ್ ಸಮಾಜ ಸೇವಾ ಚಟುವಟಿಕೆದೊಟ್ಟುಗ್ ಸಮಾಜ ಅಸಕ್ತರೆನ್ ಮುಖ್ಯವಾಹಿನಿಗ್ ಕನಪಿನ ಪ್ರಯತ್ನ
ಬಂಟರ ಸಂಘ ಪೆಡೂ೯ರು ಮಂಡಲ ಬದಲಾಯಿನ ಕಥೆ.
ಒಂಜಿ ಸಲ ಮಂಡಲ ಪಂಚಾಯತ್ ವ್ಯವಸ್ಥೆ ಜಾರಿಯಾಯಿನಪಗ ಬೈರಂಪಳ್ಳಿ ,41ನೇ ಶೀರೂರು,ಬೆಳ್ಳಪಾ೯ಡಿ ಪೆಡೂ೯ರು ಗ್ರಾಮೊಲು ಸೇರ್ದ್ ಪೆಡೂ೯ರು ಮಂಡಲ ಪಂಚಾಯತ್ ಆಂಡ್.ಬೊಕ್ಕ ಕುಡೊರ ಪುನಃ ಸುರುತ್ತಲೆಕ್ಕ ಪಂಚಾಯತ್ ವ್ಯವಸ್ಥೆ ಜಾರಿಯಾದ್ ಮೂಜಿ ಗ್ರಾಮೊಲು ಸೇರ್ದ್ ಬೈರಂಪಳ್ಳಿ ಗ್ರಾಮ ಪಂಚಾಯತ್ ಬೊಕ್ಕ ಪೆಡೂ೯ರು ಗ್ರಾಮ ಪಂಚಾಯತ್ ಆದ್ ಪ್ರತ್ಯೇಕ ಆಂಡ್.ಆಂಡ ಹಿರಿಯೆರು ಪೆಡೂ೯ರುಡ್ 1991ರಲ್ಲಿ ಬಂಟೆರೆನ ಸಂಘನ್ ಪ್ರಾರಂಭ ಮಲ್ತಿನಪಗ ಸುರುತಲೆಕ್ಕ 4 ಗ್ರಾಮೊಲೆನ್ ಸೇರ್ಪಿವೊಂದ್ ಬಂಟೆರೆನ ಸಂಘ ಪೆಡೂ೯ರು ಮಂಡಲ ಪಂಡುದು ನಾಮಕರಣ ಮಲ್ತೆರು.

ಕೆ.ಶಾಂತರಾಮ ಸೂಡ ಶ್ರೀಧರ ಕೆ. ಶೆಟ್ಟಿ ಕುತ್ಯಾರುಬೀಡು ಪ್ರಮೋದ್ ರೈ ಪಳಜೆ
ಅಧ್ಯಕ್ಷೆರು ಪ್ರಧಾನ ಕಾಯ೯ದಶಿ೯ ಕೋಶಾಧಿಕಾರಿ

ಉಪಾಧ್ಯಕ್ಷೆರು ,ಗೌರವ ಸಲಹೆಗಾರರು ,ಕಾಯ೯ಕಾರಿ ಸಮಿತಿ ಸದಸ್ಯೆರು ಬೊಕ್ಕ ಸವ೯ಸದಸ್ಯೆರು
ಬಂಟರ ಸಂಘ(ರಿ) ಪೆಡೂ೯ರು ಮಂಡಲ

ಈ ಸಂದರ್ಭಡ್ ಸಂಘದ ಅಧ್ಯಕ್ಷ ಕೆ.ಶಾಂತರಾಮ ಸೂಡ ಕೋಶಾಧಿಕಾರಿ ಪ್ರಮೋದ್ ರೈ ಪಳಜೆ, ಉಪಾಧ್ಯಕ್ಷರಾಯಿನ ದಿನೇಶ್ಚಂದ್ರ ಶೆಟ್ಟಿ ಬಜ್ಜಾಲು, ಮಹೇಶ್ ಶೆಟ್ಟಿ ಪೈಬೆಟ್ಟು,ರಾಜಕುಮಾರ್ ಶೆಟ್ಟಿ ದೊಡ್ಮನೆ ,ಶಿವರಾಮ ಶೆಟ್ಟಿ ಬೆಳ್ಳಪಾ೯ಡಿ ಮೊಕುಲು ಉಪಸ್ಥಿತರಿತ್ತೆರು.ಸಂಘದ ಪ್ರಧಾನ ಕಾಯ೯ದಶಿ೯ ಶ್ರೀಧರ ಕೆ.ಶೆಟ್ಟಿ ಕುತ್ಯಾರು ಬೀಡು ಸ್ವಾಗತ ಮಲ್ತುದ್,ಕಾಯ೯ಕ್ರಮ ನಿರೂಪಣೆ ಮಲ್ತುದ್,ವಂದಿಸಾಯೆರು.