ಅಮ್ಮೆರೆನ ಪಾತೆರ ಒರಿಪಾಯಿನ ತ್ರಪ್ತಿ ಉಂಡು: ನವೀನ್ ರಾವ್

ಕರಿನ 40 ವರ್ಷಡಿಂಚ KMC ಡ್ ಉದ್ಯೋಗಿಯಾದಿತ್ತುದ್ ಇನಿ ನಿವೃತಿಯಾಯಿನ ಬಿ ನವೀನ್ ರಾವ್ ಮೆರೆನ ಬೀಳ್ಕೊಡಿಗೆ ಸಮಾರಂಭ ಇನಿ ಮಣಿಪಾಲದ ಕೆ ಎಂ ಸಿ ದ ಇಂಟೆರೆಕ್ಟ್ ಲೆಕ್ಚರ್ ಹಾಲ್ ಡ್ ಗೌಜಿಡ್ ನಡತುಂಡ್.

ತನ್ನ ನಿವೃತಿ ಬಾಕಿದಕ್ಲೆಗ್ ಮಾದರಿಯಾವಡ್ ಪಂಡುದು, ಕರಿನ ಒಂಜಿ ತಿಂಗಳುಡಿಂಚಿ ಸ್ವಯಂ ಪ್ರೇರಿತ ರಕ್ತದಾನ ಶಿಬಿರನ್ ಮಲ್ತುದ್ ಇನಿ ತನ್ನ ಉದ್ಯೋಗ ನಿವೃತ್ತಿದಾನಿ ಸಮಾರೋಪ ಸಮಾರಂಭ ಮಲ್ತುದ್ ಬಾಕಿದ ಉದ್ಯೋಗಿಲೆಗ್ ಮಾದರಿಯಾತೆರ್.

ಈ ಸಂದರ್ಭಡ್ ಪಾತೆರಿನ ಆರು ನವೀನ್ ರಾವ್ ಪೈ ಅರೆನೊಟ್ಟುಗ್ ಅವಿನಭಾವ ಸಂಬಂಧ ಇತ್ತಿನ ಎನ್ನ ಅಮ್ಮೆರ್ ಮಣಿಪಾಲ ಹೆಲ್ತ್ ಕೇರ್ ಯೋಜನೆನ್ ಪ್ರಾರಂಭ ಮಲ್ಪರೆಗ್ ಕಾರಣೀಬೂತ ರಾತೆರು. ಅರೆನ ಆಶಯದಂಚ ಎನ್ನ ಸೇವೆಡ್ ಸುಮಾರು 4 ಡ್ದ್ 5000 ಕ್ ಲಾ ಮೀರ್ದ್ ರೋಗಿಲೆಗ್ ಸಕಾಯ ಮಲ್ತುದ್ ಅಮ್ಮೆರೆನ ಪಾತೆರೊನ್ ಒರಿಪಾಯಿನ ತೃಪ್ತಿ ಎಂಕುಂಡ್, ದುಂಬಗುಲಾ ಎನ್ನ ಸಮಾಜ ಸೇವೆನ್ ದುಂಬರಿಪುವೆ ಪಂಡುದು ಭಾವುಕರಾದ್ ಪಂಡೆರು.

ಈ ಸಂದರ್ಭಡ್ ಕೆಎಂಸಿ ದ ಡಾ. ಪದ್ಮರಾಜ್ ಹೆಗ್ಡೆ, ಡಾ ಶರತ್ ರಾವ್, ಉದ್ಯಮಿ ಪುರಷೋತ್ತಮ್ ಶೆಟ್ಟಿ, ಮಹೇಶ್ ಠಾಕೂರ್, ದೇವಿಚರಣ್ ಕಾವ, ಪೊಲೀಸ್ ಅಧಿಕಾರಿ ವಾಲೆಂಟನ್ ಡಿ ಸೋಜಾ, ಕಕ್ಕುಂಜೆ ವಾಸುದೇವ ಆಚಾರ್ಯ ಬೊಕ್ಕ ಸಂಘ ಸಂಸ್ಥೆದಕುಲು ಉಪಸ್ಥಿತರಿತ್ತೆರು.