ಜ್ಞಾನಾರ್ಜನೆದ ಒರುಟು ಸಮಾಜಗ್ ಮಾದರಿಯಾಲೆ.

ಜೂನ್ 16, 2024: ಕರ್ನಾಟಕ ರಾಜ್ಯ ದೇವಾಡಿಗರ ಸಂಘ (ರಿ.) ಮಂಗಳೂರುದ  ಅಧ್ಯಕ್ಷೆರಾಯಿನ ಕೆ, ಶ್ರೀಧರ ಮೊಯ್ಲಿ ಮೇರು ಹಿರಿಯಡ್ಕ ಉಪಸಂಘಡ್ ನಡತಿನ  ಶ್ರೀ ಸತ್ಯ ನಾರಾಯಣ ಪೂಜೆ, ವಿದ್ಯಾರ್ಥಿ ವೇತನ, ಸನ್ಮಾನ ಬೊಕ್ಕ  ಪುಸ್ತಕ ವಿತರಣಾ ಕಾರ್ಯಕ್ರಮ  ಉದಿಪನ ಮಲ್ತುದ್  ಸಂಘ ಸಂಸ್ಥೆಲು ಕೊರ್ಪಿನ   ಶೈಕ್ಷಣಿಕ ಸೌಲಭ್ಯಲೆನ್  ಪಡೆತುದು ಜ್ಞಾನಾರ್ಜನೆದ  ಮೂಲಕ ಸಮಾಜಗ್  ಮಾದರಿ ಪ್ರಜೆಯಾದ್  ನಮ್ಮ ಸಂಸ್ಕೃತಿನ್ ಬುಲೆಪಾದ್  ಒರಿಪಾವೊಡ್  ಪಂಡೆರು.

ಉಪಸಂಘದ ಅಧ್ಯಕ್ಷರಾಯಿನ  ಶ್ರೀ ರಾಜೇಂದ್ರ ಕುಮಾರ್ ದೇವಾಡಿಗ ಅಧ್ಯಕ್ಷತೆಡ್  ನಡತಿನ  ಈ ಕಾರ್ಯಕ್ರಮಡ್  ಮುಖ್ಯ ಅತಿಥಿಲಾಯಿನ  ಶ್ರೀ ಅಶೋಕ್ ಮೊಯ್ಲಿ ಉದ್ಯಮಿ ಮಂಗಳೂರು, ಶ್ರೀ ಬಿ ಜಿ ಲಕ್ಷ್ಮಿಕಾಂತ್ ಬೆಸ್ಕೂರ್ ಮಾಲಕರು ಕೃಷ್ಣ ಪೆಟ್ರೋಲಿಯಂ ಕಡಿಯಾಳಿ, ಗೌರವ ಅತಿಥಿಲಾದ್  ಶ್ರೀ H ಮೊಹಿದಿನ್ ಎಚ್ ಎಂ ಬ್ರದರ್ಸ್ ಹಿರಿಯಡ್ಕ ಬೊಕ್ಕ  ಶ್ರೀ ಸುಧಾಕರ ಕುಲಾಲ್ ಪಟ್ಲಾ ಕಾರ್ಯನಿವಹಣಾಧಿಕಾರಿ ಕುಂಬಾರ ಗುಡಿಕೈಗಾರಿಕೆ ಸಹಕಾರ ಸಂಘ ಪೆರ್ಡೂರು ಮೊಕುಲು  ಪಾಲ್ ಪಡೆಯೆರು.

ಕಾರ್ಯಕ್ರಮಡ್  ಬೇತೆ ಬೇತೆ  ಕ್ಷೇತ್ರಲೆಡ್  ಸಾಧನೆ ಮಲ್ದಿನ ಸಮಾಜದ ಗಣ್ಯೆರೆಗ್ ಸನ್ಮಾನ, ವಿದ್ಯಾರ್ಥಿಲೆಗ್ ಶಾಲಾ ಪುಸ್ತಕ  ಬೊಕ್ಕ  ಪ್ರತಿಭಾವಂತ ವಿದ್ಯಾರ್ಥಿಲೆಗ್  ವಿದ್ಯಾರ್ಥಿ ವೇತನ, ವೈದ್ಯಕೀಯ ನೆರವು ವಿತರಣೆ ಮಲ್ತೆರ್.. ಬೊಕ್ಕ ಮಯೂರ ತಂಡದಕ್ಲೆನ  ನೃತ್ಯ ಬೊಕ್ಕ  ಕೃಷ್ಣ ತಂಡದಕ್ಲೆನ ಆರ್ಕೆಷ್ಟ್ರಾ ಕಾರ್ಯಕ್ರಮ ನಡತುಂಡ್..

ಶ್ರೀಮತಿ ಲತಾ, ಕು| ರಚನಾ  ಸುಗಿಪುದೊಟ್ಟುಗ್  . ಪ್ರಾರಂಭವಾಯಿನ  ಈ ಕಾರ್ಯಕ್ರಮಡ್  ಎಚ್ ಗಣೇಶ್ ಸೇರಿಗಾರ್ ಮೇರು ಪ್ರಾಸ್ತಾವಿಕ ಭಾಷಣ  ಮಲ್ತುದ್, ಕಾರ್ಯದರ್ಶಿ ಶ್ರೀ ರಮೇಶ್ ಸೇರಿಗಾರ್ ಧನ್ಯವಾದ ಮಲ್ತೆರು.

ಪೂರ್ಣಿಮಾ ದಿನೇಶ್  ಬೊಕ್ಕ  ಶತ ದೇವಾಡಿಗ ಮೊಕುಲು ಕಾರ್ಯಕ್ರಮ ನಿರೂಪಣೆ ಮಲ್ತುದ್, ಜ್ಯೋತಿ ಕುಮಾರ್, ಆಶಾ ರಮೇಶ್, M ಕುಸುಮ ಸದಾಶಿವ್ ಮೊಕುಲು ಸಹಕಾರ ಮಲ್ತೆರು.