ಸಮಾನ ನಾಗರಿಕ ಸಂಹಿತೆ ದಾಯೆಗ್?

“ಭಾರತೊಡ್ ಸಮಾನ ನಾಗರಿಕ ಸಂಹಿತೆ ದಾಯೆಗ್ ಜಾರಿ ಬರೊಡ್?” ಪನ್ಪಿನ ವಿಚಾರೊಡ್ ವಿಶೇಷ ಉಪನ್ಯಾಸ ಬೊಕ್ಕ ಸಂವಾದ ಕಾರ್ಯಕ್ರಮ ಉಡುಪಿದ ಪೂರ್ಣಪ್ರಜ್ಞ ಸಭಾಂಗಣಡ್ ನಡಪರೆಗುಂಡ್. ಅದಮಾರು ಮಠದ ಕಿರಿಯ ಯತಿಕುಲಾಯಿನ ಶ್ರೀ ಶ್ರೀ ಈಶಪ್ರಿಯ ತೀರ್ಥೆರೆನ ದಿವ್ಯಾನುಗ್ರಹದೊಟ್ಟುಗ್, ಶ್ರೀ ಕೃಷ್ಣ ಸೇವಾ ಬಳಗ , ಶ್ರೀಅದಮಾರು ಮಠದ ಆಶ್ರಯೊಡ್ ‘ವಿಶ್ವಾರ್ಪಣಂ’ ಕಾರ್ಯಕ್ರಮದ ಭಾಗವಾದ್ ಆಗಸ್ಟ್ 10ತಾರೀಕುಗ್ ಈ ಉಪನ್ಯಾಸ ಕಾರ್ಯಕ್ರಮ ನಡಪರೆಗುಂಡ್.
ಪ್ರಜ್ಞಾ ಪ್ರವಾಹದ ರಾಷ್ಟ್ರೀಯ ಸಂಯೋಜಕೆರು ಆದುಪ್ಪುನ ಶ್ರೀ ಜೆ ನಂದಕುಮಾರ್ ಮೇರ್ ಮುಖ್ಯ ವಕ್ತಾರೆರಾದ್ ಬರ್ಪೆರ್. ಉಡುಪಿದ ಪೂರ್ಣಪ್ರಜ್ಞಾ ಸಭಾಂಗಣಡ್ ಮಧ್ಯಾಹ್ನ 3:30ಗಂಟೆಗ್ ಸರಿಯಾದ್ ಸುರುವಾಪಿನ ಈ ಕಾರ್ಯಕ್ರಮಡ್ ರಾಷ್ಟ್ರ ಭಕ್ತ ಬಂಧುಲು ಹೆಚ್ಚಿಗೆ ಸಂಖ್ಯೆಡ್ ಉಪಸ್ಥಿತರಿಪ್ಪೊಡ್ ಪಂಡುದ್ ಬಿನ್ನಪ ಮಲ್ದೆರ್.