ವಿಕಲಚೇತನೆರಾಯಿನ ಜಯ ಪೂಜಾರಿಗ್ ಮಾನಾದಿಗೆ.

ನಾಡೋಜ ಡಾ.ಜಿ.ಶಂಕರ್ ಮೆರೆನ 68 ನೇ ಪುಟ್ಟುಪರ್ಬದ ಪ್ರಯುಕ್ತ ಉಡುಪಿ ಜಿಲ್ಲಾ ಮೊಗವೀರ ಯುವ ಸಂಘಟನೆದ ಮಾತಾ ಘಟಕದ ವತಿಡ್ದ್ ಸಾಮಾಜಿಕ ಸೇವಾ ಕಾರ್ಯೊಲೆನ್ ಆಯೋಜನೆ ಮಲ್ದಿತ್ತುದ್, ಮಲ್ಪೆ ಘಟಕದ ವತಿಡ್ದ್ ವಿಕಲಚೇತನ ಸ್ವ ಉದ್ಯೋಗಿ ಜಯ ಪೂಜಾರಿ ಕಲ್ಮಾಡಿ ಮೆರೆಗ್ ಗೌರವ ಸನ್ಮಾನದ ಕಾರ್ಯಕ್ರಮನ್ ಆಯೋಜನೆ ಮಲ್ದಿತ್ತುಂಡ್. ತಾರಾಯಿದ ಮರಟ್ ತಾರಾಯಿ ಕೊಯ್ಯನಗ ಬೂರ್ದ್ ತನ್ನ ಬೆರಿತಕೋಲು ಪೊಲ್ಲಿದ್ 13 ವರ್ಷ ಜೇದಿನಲ್ಪನೇ ಇತ್ತಿನ ಜಯಪೂಜಾರಿ ಮೇರ್ ಬೆಂಗಳೂರುದ ವಿಕಲಚೇತನೆರೆನ ಪುನಶ್ಚೇತನ ಕೇಂದ್ರೊಗ್ ಪೋದ್ ಅಲ್ಪ ಪುನಶ್ಛೇತನೆರಾದ್ ಪಿರ ಬತ್ತಿನಾರ್, ಒಂಜಿ ಸ್ವಂತ ಗಾಡಿಡ್ ಬೊಂಡ ಮಾರೊಂದ್ ಎರೆಗುಲಾ ಪುದೆ ಆವಂದೆ, ತನ್ನ ಸ್ವಾವಲಂಬಿ ಬದುಕುನ್ ಸುರು ಮಲ್ತೆರ್. ಮೆರೆನ ಈ ಸ್ವಾವಲಂಬಿ ಬದುಕುದೊಟ್ಟುಗ್ ಸಮಾಜೊಗ್ ತನಡ ಆಪಿನ ಸೇವೆನುಲಾ ಮಲ್ತೊಂದ್ ಬರೊಂದುಲ್ಲೆರ್.ಮೆರೆನ ಈ ಕಾರ್ಯೊನ್ ಮೆಚ್ಚಿದ್ ಮೊಗವೀರ ಸಂಘಟನೆ ಮಲ್ಪೆ ಘಟಕದ ವತಿಡ್ದ್ ಸಮಾಜಸೇವಕೆ, ಮೊಗವೀರ ತಿಲಕೆ ನಾಡೋಜ ಡಾ.ಜಿ.ಶಂಕರ್ ಮೆರೆನ ಪುಟ್ಟು ಪರ್ಬದ ದಿನತ್ತಾನಿ ಜಯಪೂಜಾರಿಗ್ ಮಾನಾದಿಗೆ ಮಲ್ತೆರ್. ..ಈ ಸಂದರ್ಭಡ್ ಸಂಘಟನೆದ ಜಿಲ್ಲಾಧ್ಯಕ್ಷೆರಾಯಿನ ರಾಜೇಂದ್ರ ಸುವರ್ಣ ಹಿರಿಯಡಕ,ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ರವೀಶ್ ಕೊರವಡಿ, ಜಿಲ್ಲಾ ಸಮಿತಿದ ಪದಾಧಿಕಾರಿಯಾಯಿನ ವಿಶಾಲಾಕ್ಷಿ ರಮೇಶ್,ಮಲ್ಪೆ ಮಹಿಳಾ ಸಂಘಟನೆದ ಶ್ರೀಲತಾ ಜೀವನ್,ನಿಕಡಪೂರ್ವ ಅಧ್ಯಕ್ಷೆರಾಯಿನ ಯಶೋದ ಕೇಶವ್,ಕಾರ್ಯದರ್ಶಿ ಭವ್ಯಾ ರವಿ, ಸದಸ್ಯೆರಾಯಿನ ಶಶಿಕಲಾ ಸುಂದರ್,ಲಲಿತಾ, ಚಂದ್ರಪ್ರಭಾ, ನಿರಂಜಿನಿ,ಸಂಗೀತಾ, ಸಂಪ್ರೀತ,ಶಾಲಿನಿ,ಯಶೋದ ಜಗದೀಶ್,ಪುಷ್ಪಾ ಸುರೇಶ್ ಮೊಕುಲು ಉಪಸ್ಥಿತರಿತ್ತೆರು.ಜಿಲ್ಲಾ ಸಮಿತಿದ ಸದಸ್ಯೆರಾಯಿನ ನವೀನ್ ಶೆಟ್ಟಿಬೆಟ್ಟು ಕಾರ್ಯಕ್ರಮ ನಿರೂಪಣೆ ಮಲ್ತೆರು..