ಉಡುಪಿ ಎಂ. ಜಿ. ಎಂ : ಭೌತಶಾಸ್ತ್ರ ವಿಭಾಗ – ರಾಷ್ಟ್ರೀಯ ವಿಚಾರ ಸಂಕಿರಣ

ಉಡುಪಿದ ಮಹಾತ್ಮ ಗಾಂಧಿ ಮೆಮೋರಿಯಲ್ ಕಾಲೇಜು ತನ್ನ ಅಮೃತ ಮಹೋತ್ಸವದ ಗೌಜಿದ  ಅಂಗವಾದ್ ಕಾಲೇಜಿದ ಭೌತಶಾಸ್ತ್ರ ವಿಭಾಗ , ಮಾರ್ಚ್ 21 ಗ್, “Frontiers in Astronomy” ಪನ್ಪಿನ ವಿಷಯಡ್ ರಾಷ್ಟ್ರಮಟ್ಟದ ವಿಚಾರ ಸಂಕಿರಣವನ್ನು ಆಯೋಜನೆ ಮಲ್ದುಂಡ್.

ಈ ವಿಚಾರ ಸಂಕಿರಣಡ್ ರಾಜ್ಯ ಬೊಕ್ಕ ಪರ ರಾಜ್ಯದ ಉಪನ್ಯಾಸಕೆರು, ವಿದ್ಯಾರ್ಥಿಲು ಪಾಲ್ ಪಡೆಯರೆಗುಲ್ಲೆರ್. ಈ ಕಾರ್ಯಕ್ರಮಗ್ ಅಲ್ಪನೇ ನೋಂದಣಿ ಮಲ್ಪುನ ಅವಕಾಶವಿತ್ತುದ್ದು, ಆಸಕ್ತೆರು, ಮಾರ್ಚ್ 21 ಕಾಂಡೆ 9.30ಕ್ ಪುದರ್  ನೊಂದಾವಣೆ ಮಲ್ಪೊಲಿ.

ಈ ವಿಚಾರ ಸಂಕಿರಣನ್  ಎಂ. ಐ. ಟಿ, ಸಿವಿಲ್ ಇಂಜಿನಿಯರ್ ವಿಭಾಗದ ಪ್ರೊ. ಡಾ. ವೆಂಕಟ ರಾಮ್ ಪೈ ಮೇರು ಉದಿಪನ ಮಲ್ಪುವೆರ್., ಅಕಾಡೆಮಿ ಆಫ್ ಜನರಲ್ ಎಜುಕೇಶನ್ ದ  ಕಾರ್ಯದರ್ಶಿ  ಶ್ರೀ ಬಿ. ಪಿ ವರದರಾಯ ಪೈ,  ಅಧ್ಯಕ್ಷತೆ ಡಿಪ್ಪುವೆರ್. ಈ ವಿಚಾರ ಸಂಕಿರಣಡ್ ಟಿ. ಐ. ಎಫ್. ಆರ್ ಬೊಕ್ಕ  ಇಸ್ರೋ ದ ವಿಜ್ಞಾನಿಲು ಉಪನ್ಯಾಸ  ಕೊರ್ರೆಗುಲ್ಲೆರ್ ಪಂಡುದು ಎಂ. ಜಿ. ಎಂ ಕಾಲೇಜಿದ  ಪ್ರಾಂಶುಪಾಲೆರು ಬೊಕ್ಕ ಭೌತಶಾಸ್ತ್ರ ವಿಭಾಗದ ಮುಖ್ಯಸ್ಥೆ ಪ್ರೊ. ಶೈಲಜಾ ಹೆಚ್, ಮೇರು ಪತ್ರಿಕಾ ಪ್ರಕಟಣೆಡ್  ತೆರಿಪಾದೆರ್.