ಉಡುಪಿ, ಫೆ.7: ಉಡುಪಿ ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದ ರಜತ ಮಹೋತ್ಸವದ ಪ್ರಯುಕ್ತ ಸಂಘದ ಸದಸ್ಯರೆಗ್ ಅನಾರೋಗ್ಯ, ಅಪಘಾತ ಸಹಿತ ಒವ್ವೇ ಅವಘಡ ಸಂಭವಿಸಿನಪಗ ನೆರವು ಕೊರ್ರೆಗ್ ಸ್ಥಾಪನೆ ಮಲ್ದಿನ ಪತ್ರಕರ್ತೆರೆನ ಕ್ಷೇಮಾಭಿವೃದ್ಧಿ ನಿಧಿಕ್ ಮಣಿಪಾಲ ಅಕಾಡೆಮಿ ಆಫ್ ಹೈಯರ್ ಏಜ್ಯುಕೇಶನ್(ಮಾಹೆ) ವತಿಡ್ದ್ 5ಲಕ್ಷ ರೂ. ದೇಣಿಗೆನ್ ಬುಧವಾರ ಹಸ್ತಾಂತರ ಮಲ್ತೆರ್.
ಮಣಿಪಾಲ ಮಾಹೆದ ಎಜ್ಯು ಬಿಲ್ಡಿಂಗ್‌ ಡ್ ನಡತಿನ ಕಾರ್ಯಕ್ರಮಡ್ ಮಾಹೆ ಸಹಕುಲಾಧಿಪತಿ ಡಾ.ಎಚ್.ಎಸ್.ಬಲ್ಲಾಳ್ ಬೊಕ್ಕ ಉಪ ಕುಲಪತಿ ಲೆ.ಜ.ಡಾ.ಎಂ.ಡಿ.ವೆಂಕಟೇಶ್ ಪತ್ರಕರ್ತರ ಸಂಘದ ಪದಾಧಿಕಾರಿಲೆಗ್ 5ಲಕ್ಷ ರೂ. ದ ಚೆಕ್‌ನ್ ಹಸ್ತಾಂತರ ಮಲ್ತೆರು. ಮಾಹೆ ಆರೋಗ್ಯ ವಿಜ್ಞಾನ ವಿಭಾಗದ ಸಹ ಉಪಕುಲಪತಿ ಡಾ.ಶರತ್ ರಾವ್ ಇತ್ತೆರು.
ಈ ಸಂದರ್ಭಡ್ ಮಾಹೆ ಸಹಕುಲಾಧಿಪತಿ ಡಾ.ಎಚ್.ಎಸ್.ಬಲ್ಲಾಳ್ ಬೊಕ್ಕ ಉಪ ಕುಲಪತಿ ಲೆ.ಜ.ಡಾ.ಎಂ.ಡಿ.ವೆಂಕಟೇಶ್ ಅರೆನ್ ಸಂಘದ ವತಿಡ್ದ್ ಮಾನಾದಿಗೆ ಮಲ್ತೆರ್. ಸಂಘದ ಅಧ್ಯಕ್ಷ ರಾಜೇಶ್ ಶೆಟ್ಟಿ ಅಲೆವೂರು, ಪ್ರಧಾನ ಕಾರ್ಯದರ್ಶಿ ನಝೀರ್ ಪೊಲ್ಯ, ರಾಜ್ಯ ಸಂಘದ ಸದಸ್ಯ ಕಿರಣ್ ಮಂಜನಬೈಲು, ರಜತ ಮಹೋತ್ಸವ ಸಮಿತಿದ ಪ್ರಧಾನ ಕಾರ್ಯದರ್ಶಿ ಜಯಕರ ಸುವರ್ಣ, ಕೋಶಾಧಿಕಾರಿ ಉಮೇಶ್ ಮಾರ್ಪಳ್ಳಿ, ಉಡುಪಿ ಪತ್ರಿಕಾ ಭವನ ಸಂಚಾಲಕ ಅಜಿತ್ ಅರಾಡಿ ಉಪಸ್ಥಿತರಿತ್ತೆರು
by 