ಮಲಬಾರ್ ಗೋಲ್ಡ್‌  ಮಹಿಳಾ ಸಾಧಕೆರೆಗ್ ಸನ್ಮಾನ

ಉಡುಪಿ, ಮಾ.8: ಮಲಬಾರ್ ಗೋಲ್ಡ್ ಆ್ಯಂಡ್ ಡೈಮಂಡ್ಸ್ ವತಿಡ್ದ್  ವಿಶ್ವ ಮಹಿಳಾ ದಿನಾಚರಣೆ ಅಂಗವಾದ್  ಮಹಿಳಾ ಸಾಧಕೆರೆಗ್ ಸನ್ಮಾನ ಕಾರ್ಯಕ್ರಮ ಶುಕ್ರವಾರ ಉಡುಪಿ ಮಳಿಗೆಡ್ ನಡತುಂಡ್.

ಬೇತೆ ಬೇತೆ  ಕ್ಷೇತ್ರೊಡ್  ಸಾಧಕೆರಾಯಿನ ಡಾ.ವೀಣಾ ಕುಮಾರಿ(ವೈದ್ಯಕೀಯ), ಅಸ್ಮಾ ಬಾನು(ಕೃಷಿ), ಸಂಧ್ಯಾ ಉದಯ್(ಸಂಘಟಕಿ), ಯಶೋಧಾ ಕೇಶವ್ (ಮಾಧ್ಯಮ) ಮೊಕ್ಲೆನ್  ಕುಂದಾಪುರ ವಿಭಾಗದ ಸಹಾಯಕ ಆಯುಕ್ತೆ ರಶ್ಮಿ ಎಸ್.ಆರ್. ಸನ್ಮಾನ ಮಲ್ತೆರು.

ಬೊಕ್ಕ  ಪಾತೆರಿನ  ಸಹಾಯಕ ಆಯುಕ್ತೆ ರಶ್ಮಿ ಎಸ್.ಆರ್., ಪೊಂಜೊವುನಕ್ಲೆಗ್  ತನಡುಪ್ಪುನ ಸಾಮರ್ಥ್ಯದ ಅರಿವು ಇಪ್ಪುಜಿ. ಅಯಿಕ್ ಪ್ರೋತ್ಸಾಹ ತಿಕ್ಕುಂಡ  ಪೊಂಜೊವುನಕುಲು ಒವ್ವೇ  ಕ್ಷೇತ್ರಡುಲಾ ಸಾಧನೆ ಮಲ್ಪರೆಗ್  ಸಾಧ್ಯ ಆಪುಂಡ್. ಅಂಚೆನೇ ಪೊಂಜೊವುನಕುಲು ಮುತ್ತುದಲೆಕ್ಕ ತೆಲಿಕೆ, ವಜ್ರದಲೆಕ್ಕ ಗಟ್ಟಿ, ಬಂಗಾರ್ದಲೆಕ್ಕ ಮಿನ್ಕೊಂದುಪ್ಪೊಡ್ ಪಂಡುದ್ ಅಭಿಪ್ರಾಯ ತೆರಿಪಾಯೆರು.
ಮುಖ್ಯ ಅತಿಥಿಲಾದ್  ಹಾಸ್ಯ ಭಾಷಣಕಾರ್ತಿ ಸಂಧ್ಯಾ ಶೆಣೈ ಮೇರ್  ತನ್ನ ಹಾಸ್ಯ ಪಟಾಕಿಡ್ ಮಾತೆರೆನುಲ ಬಂಜಿನಿಲಿಕೆ ತೆಲಿಪಾದ್ ಪೊಂಜೊವುನಕ್ಲೆಗ್ ಎಡ್ಡೆಪ್ಪು ಬಯಕಿಯೆರ್. ಕೈಮಗ್ಗ ಸೀರೆದ  ರೂಪದರ್ಶಿ ವಿದ್ಯಾ ಸರಸ್ವತಿ ಪಾತೆರ್ದ್ ಮಾತಾ ಕ್ಷೇತ್ರೊಡ್   ಸಾಧನೆ  ಮಲ್ತೊಂದುಪ್ಪುನ ಪೊಂಜೊವುನಕುಲೆನ್ ಗುರುತೀಸಾದ್ ಮಾನಾದಿಗೆ ಮಲ್ತಿನ ಮಲಬಾರ್ ಸಂಸ್ಥೆಗ್ ಅಭಿನಂದನೆ ತೆರಿಪಾಯೆ   ರು. ಉಡುಪಿ ಶಾಖೆದ  ಮುಖ್ಯಸ್ಥೆರಾಯಿನ ಹಫೀಝ್ ರೆಮಹನ್, ಸ್ಟೋರ್ ಮೆನೇಜರ್ ಪುರಂದರ ತಿಂಗಳಾಯ, ಜಿಆರ್‌ಎಂ ರಾಘವೇಂದ್ರ ನಾಯಕ್, ಮಾರ್ಕೆಟಿಂಗ್ ಮೆನೇಜರ್ ತಂಝೀಮ್ ಶಿರ್ವ ಮೊಕುಲು ಉಪಸ್ಥಿತರಿತ್ತೆರು. ವಿಘ್ನೇಶ್ ಸ್ವಾಗತ ಮಲ್ತುದ್  ಕಾರ್ಯಕ್ರಮ ನಿರೂಪಣೆ ಮಲ್ತೆರು.

ಈ ಪೊರ್ತುಡ್ ರೂಪದರ್ಶಿ ವಿದ್ಯಾ ಸರಸ್ವತಿ ಮೆರೆನ ಕ್ಯಾಲೆಂಡರ್  ನ್  ಬಿನ್ನೆರೆಗ್  ಕೊರಿಯೆರ್.