“ಮೊಗವೀರೆರ್ನ ಸಾಂಸ್ಕೃತಿಕ ಬದ್ ಕ್ ಬೊಕ್ಕ ಆರ್ಥಿಕ ಚಿಂತನೆ” ಗ್ರಂಥ ಲೋಕಾರ್ಪಣೆ..

ಡಾ.ವಿ.ಕೆ.ಯಾದವ್ ಸಸಿಹಿತ್ಲು ಬರೆದ್ ತುಳುಟ್ ಅಚ್ಚಾಯಿನ ಕಡೀರ್ದ ಪಿ.ಎಚ್.ಡಿ.ಅಧ್ಯಯನ “ಮೊಗವೀರೆರ್ನ ಸಾಂಸ್ಕೃತಿಕ ಬದುಕ್ ಬೊಕ್ಕ ಆರ್ಥಿಕ ಚಿಂತನೆ” ಗ್ರಂಥದ ಲೋಕಾರ್ಪಣೆದ ಲೇಸ್ ಉಂದುವೇ ಬರ್ಪಿನ ಸೋನದ ಪತ್ತೊಂಜಿ ಪೋಪಿನಾನಿ (27.8.2023) ಪೊರ್ತು ಮದ್ಯಾನ 2.45 ಡ್ದ್ 5 ಗಂಟೆಮುಟ್ಟ ಬಪ್ಪನಾಡು ಶ್ರೀ ದುರ್ಗಾಪರಮೇಶ್ವರಿ ದೇವಸ್ಥಾನದ ಅನ್ನಪೂರ್ಣ ಸಭಾಂಗಣೊಡ್ ನಡಪರೆಗುಂಡ್.

ಈ ಕಜ್ಜೊದ ಉದಿಪನನ್ ಮೊಗವೀರ ರತ್ನ ನಾಡೋಜ ಡಾ.ಜಿ.ಶಂಕರ್ ಮೇರ್ ಮಲ್ಪರೆಗುಲ್ಲೆರ್.ಬೆದ್ರ ಆಳ್ವಾಸ್ ಪ್ರತಿಷ್ಠಾನದ ಗುರ್ಕಾರೆರಾಯಿನ ಡಾ.ಎಮ್ ಮೋಹನ್ ಆಳ್ವ ಗ್ರಂಥ ಬುಡುಗಡೆ ಮಲ್ಪರೆಗುಲ್ಲೆರ್.ಮೂಲ್ಕಿ ಅರಮನೆತ್ತ ಅರಸು ಶ್ರೀ ದುಗ್ಗಣ್ಣ ಸಾವಂತೆರ್ ಕಜ್ಜೊಡ್ ಗುರ್ಕಾರ್ಮೆ ಡುಪ್ಪುವೆರ್.ಶ್ರೀ ಭಗವತೀ ದೇವಸ್ಥಾನ ಸಸಿಹಿತ್ಲುದ ಅನುವಂಶಿಕ ಆಡಳಿತ ಮುಕ್ತೇಸರೆರಾಯಿನ ಶ್ರೀ ಶ್ರೀನಿವಾಸ ಯಾನೆ ಅಪ್ಪು ಪೂಜಾರಿ ಸೇಸೆದ ಮದಿಪು ಕೊರ್ರೆಗುಲ್ಲೆರ್.ಸಂತ ಅಲೋಶಿಯಸ್ ಕಾಲೇಜ್ ಕುಡ್ಲದ ಪ್ರಾಧ್ಯಾಪಕೆರಾಯಿನ ಡಾ.ಮಹಾಲಿಂಗ ಭಟ್.ಕೆ.ಗ್ರಂಥದ ಪೊಲಬು ಕೊರ್ರೆಗುಲ್ಲೆರ್.

ಲೇಸ್ ದ ದುಂಬತ್ತ ಶ್ರೀ ನಿರಂಜನಸ್ವಾಮಿ ಪದವಿಪೂರ್ವ ಕಾಲೇಜ್,ಸುಂಕದಕಟ್ಟೆ ಬಜ್ಪೆದ ಪ್ರಾಂಶುಪಾಲೆರಾಯಿನ ಶ್ರೀ ಸುಧಾಕರ್ ಶೆಟ್ಟಿ ಮೆರೆನ ಗುರ್ಕಾರ್ಮೆಡ್ ತುಳುಕವಿಗೋಷ್ಠಿ ನಡಪರೆಗುಂಡ್.