ಮೂವಿ ಆಡಿಶನ್

ಕನ್ನಡ  ಜೋಕ್ಲೆನ ಚಿತ್ರೊಗ್  ಕಲಾವಿದೆರೆಗ್  ಸಂದರ್ಶನಗ್ ಆಹ್ವಾನ.  ಆರ್.ಎಸ್.ಬಿ ಭಾಷಿತ ಕೊಂಕಣಿ ಸಿನೇಮಾ ‘ಅಮ್ಚೆ ಸಂಸಾರ್’ ನಿರ್ಮಾಣ ಮಲ್ತಿನ ತಂಡ ‘ಅಮ್ಚೆ ಕ್ರಿಯೇಷನ್ಸ್’ ಬ್ಯಾನೆರ್ ಅಡಿಟ್  2ನೇ ಸಿನೇಮಾ ತಯಾರಿ ಮಲ್ಪರೆಗ್  ಸಜ್ಜಾವೊಂದುಂಡ್. ಈ ಚಿತ್ರ ಜೋಕ್ಲೆನ ಚಿತ್ರವಾದಿತ್ತುದ್  ಈ ಚಿತ್ರಗ್  ಆಡಿಷನ್  ಉಂದುವೇ  ಬರ್ಪಿನ  ಮೇ 5ತಾರೀಕುಗ್  ಬಡಗಬೆಟ್ಟು ಕ್ರೆಡಿಟ್ ಕೋ.ಆಪರೇಟಿವ್ ಸೊಸೈಟಿ., ಲಿ ಉಡುಪಿದ  ಜಗನ್ನಾಥ ಸಭಾಂಗಣಡ್  ಕಾಂಡೆ  10 ಘಂಟೆಡ್ದ್  ನಡಪರೆಗುಂಡ್. ಆಡಿಷನ್‌ ದ ಉದಿಪನನ್  ಸಹಕಾರ ರತ್ನ ಜಯಕರ ಶೆಟ್ಟಿ ಇಂದ್ರಾಳಿ ಮೇರು ಮಲ್ಪರೆಗಿತ್ತುದ್, ಮುಖ್ಯ ಅತಿಥಿಲಾದ್ ಚಲನಚಿತ್ರ ಕಲಾವಿದೆರಾಯಿನ ಶೋಭರಾಜ್ ಪಾವೂರು, ರಾಹುಲ್ ಅಮೀನ್, ವಿನೀತ್ ಕುಮಾರ್, ಮಾನಸಿ ಸುಧೀರ್, ಶೈಲಶ್ರೀ ಮುಲ್ಕಿ ಉಪಸ್ಥಿತರಿಪ್ಪುವೆರ್. ಆಡಿಷನ್ ಜೋಕ್ಲೆನ  ಆಯ್ಕೆನ್  ಖ್ಯಾತ ಚಲನಚಿತ್ರ ನಿರ್ದೇಶಕೆರಾಯಿನ  ಪ್ರಕಾಶ್ ಸುವರ್ಣ ಕಟಪಾಡಿ, ಕ್ಲಿಂಗ್ ಜಾನ್ಸನ್ ಬೊಕ್ಕ  ಕಲಾವಿದೆ ಚಂದ್ರಕಲಾ ರಾವ್ ಮೇರು ನಡಪಾದ್ ಕೊರ್ರೆಗುಲ್ಲೆರ್. ಈ ಆಡಿಶನ್ ಡ್  8ಡ್ದ್  15 ವರ್ಷ ಉಲಾಯಿದ  ಬಾಲ ಕಲಾವಿದೆರು ಬೊಕ್ಕ ಕಲಾವಿದೆರೆನ  ಆಯ್ಕೆ ನಡಪರೆಗಿತ್ತುದ್  ತುಳು ಬೊಕ್ಕ ಕನ್ನಡ ಭಾಷೆ ಕಡ್ಡಾಯ ತೆರಿದಿಪ್ಪೊಡ್.. ಹೆಚ್ಚಿಗೆ ಮಾಹಿತಿಗಾದ್ ದೂರವಾಣಿ ಸಂಖ್ಯೆ 9964006869, 8073975851  ಸಂಪರ್ಕ ಮಲ್ಪೊಲಿ  ಪಂಡುದು ಸಂದೀಪ್ ಕಾಮತ್ ಪ್ರಕಟನೆಡ್  ತೆರಿಪಾದೆರ್.