ಮೊಗವೀರ ಯುವಸಂಘಟನೆ ಉಡುಪಿ ಜಿಲ್ಲೆ ಹಿರಿಯಡಕ ಘಟಕ ಬೊಕ್ಕ ಜಿ.ಶಂಕರ್ ಫ್ಯಾಮಿಲಿ ಟ್ರಸ್ಟ್ ಅಂಬಲಪಾಡಿ,ಉಡುಪಿದ ವತಿಡ್ದ್ ಮುದ್ದು ಕ್ರಷ್ಣ ವೇಷ ಪಂತೊ ಬೊಕ್ಕ ಸಾಧಕೆರೆಗ್ ಮಾನಾದಿಗೆ ಕಜ್ಜೊ ಹಿರಿಯಡಕ ಮಾಧವ ಮಂಗಲ ಸಭಾಭವನೊಡ್ ಐತಾರದಾನಿ ನಡತುಂಡ್.
ಈ ಪ್ರಯುಕ್ತ ನಡತಿನ ಸಭಾಕಜ್ಜೊಡ್ ಹಿರಿಯಡಕದ ವೈದ್ಯಕೀಯ ಕ್ಷೇತ್ರ, ಕ್ರಷಿ ಕ್ಷೇತ್ರ ಬೊಕ್ಕ ಶಿಕ್ಷಣ ಕ್ಷೇತ್ರೊಡ್ ಸೇವೆ ಮಲ್ತಿನ ಮೂಜಿ ಜನ ಸಾಧಕೆರೆನ್ ಮಾನಾದಿಗೆ ಮಲ್ತೆರ್.ಹಿರಿಯಡಕದ ಪುಗಾರ್ತೆದ ವೈದ್ಯೆರಾಯಿನ ಡಾ.ದೇವದಾಸ್ ಕಾಮತ್ ಬೊಕ್ಕ ಶ್ರೀಮತಿ ಡಾ.ಸುಧಾ ಡಿ.ಕಾಮತ್ ಮೊಕ್ಲೆಗ್ ವೈದ್ಯಕೀಯ ಸೇವೆಗಾದ್, ಶ್ರೀಯುತ ಬಾಬು ಸಫಲಿಗ ಮೆರೆನ ಕ್ರಷಿ ಸೇವೆಗಾದ್, ಶ್ರೀಮತಿ ಬೇಬಿ ವಾಸು ಕಾಂಚಾನ್ ಮೆರೆನ ಶೈಕ್ಷಣಿಕ ಸೇವೆಗಾದ್ ಮಾನಾದಿಗೆ ಮಲ್ತೆರ್.
ಅಂಚೆನೇ ವೇದಿಕೆಡ್ ಮೊಗವೀರ ಯುವಸಂಘಟನೆದ ಜಿಲ್ಲಾ ಉಪಾಧ್ಯಕ್ಷೆರಾಯಿನ ಗುಲಾಬಿ ದೇವದಾಸ್ .ಬಂಗೇರ ಬೊಕ್ಕ ಅಶೋಕ್ ತೆಕ್ಕಟ್ಟೆ ಮೊಕ್ಲೆಗುಲ ಘಟಕದ ವತಿಡ್ದ್ ಮಾನಾದಿಗೆ ಮಲ್ತೆರ್.
ವೇದಿಕೆಡ್ ಮೊಗವೀರ ಯುವಸಂಘಟನೆದ ಜಿಲ್ಲಾಧ್ಯಕ್ಷೆರಾಯಿನ ರಾಜೇಂದ್ರ ಸುವರ್ಣ ಹಿರಿಯಡಕ,ದ.ಕ.ಮೊಗವೀರ ಮಹಾಜನ ಸಂಘದ ಅಧ್ಯಕ್ಷೆರಾಯಿನ ಜಯ ಸಿ.ಕೋಟ್ಯಾನ್, ಮೊಗವೀರ ಯುವಸಂಘಟನೆ ಹಿರಿಯಡಕ ಘಟಕದ ಅಧ್ಯಕ್ಷೆರಾಯಿನ ಮಹೇಶ್ ಪುತ್ರನ್, ನಿಕಟಪೂರ್ವಾಧ್ಯಕ್ಷೆರಾಯಿನ ವಿಜಯ ಮೆಂಡನ್,ಉದ್ಯಮಿ ಪ್ರವೀಣ್ ಪೂಜಾರಿ,ವಿಠ್ಠಲ ಕರ್ಕೇರ ಉಪಸ್ಥಿತರಿತ್ತೆರ್.
ಸುಮಾರ್ 95 ಜೋಕುಲು ಮುದ್ದು ಕ್ರಷ್ಣ ಪಂತೊಡ್ ಪಾಲ್ ಪಡೆಯೆರ್.ಪಾಲ್ ಪಡೆಯಿನ ಮಾತಾ ಜೋಕುಲೆಗುಲಾ ನೆಂಪುದ ಕಾಣಿಕೆ ಕೊರಿಯೆರ್.ಪಂತೊಡ್ ತೀರ್ಪುಗಾರೆರಾದ್ ಶಿಕ್ಷಕಿ ನಳಿನಾಕ್ಷಿ, ವಿದೂಷಿ ಶ್ರಾವ್ಯ ಬೊಕ್ಕ ಕೊರಿಯೋಗ್ರಾಫರ್ ಶ್ರೀನಾಥ್ ಮೊಕುಲು ಸಹಕಾರ ಮಲ್ತೆರ್.ನವೀನ್ ಕೆ. ಶೆಟ್ಟಿಬೆಟ್ಟು ಬೊಕ್ಕ ಬಾಲಕ್ರಷ್ಣ ಬಿ.ಕೆ.ಕಜ್ಜೊದ ನಿರೂಪಣೆ ಮಲ್ತೆರ್.
by 