ಉಡುಪಿಡ್ ನಾರೀ ಶಕ್ತಿ ಸಂಗಮ

ಉಡುಪಿ: ಪೊಂಜೊವೆಳ್ನಾ ಸಮ್ಮೇಳನ, ಉಡುಪಿ ಜಿಲ್ಲೆ ನೆತ್ತ ಆಶ್ರಯಡ್ ಸೇವಾ ಸಂಗಮ ಟ್ರಸ್ಟ್ ಮೊಕ್ಲೆನ ಸಹಕಾರೊಡ್ ‘ನಾರೀ ಶಕ್ತಿ‌ ಸಂಗಮ’ ಪೊಂಜೊವೆಳ್ನಾ ಸಮ್ಮೇಳನೊ ಡಿಸೆಂಬರ್ 3 ಗ್ ಕಾಂಡೆ 9.30 ದ್ ಮಧ್ಯಾಹ್ನ 2 ಗಂಟೆ ಮುಟ ಉಡುಪಿ ಅಮ್ಮಣ್ಣಿ ರಾಮಣ್ಣ ಶೆಟ್ಟಿ ಸಭಾಭವನಡ್ ಆಯೋಜನೆ ಮಲ್ದೆರ್ ಪಂಡುದ್ ಸಮ್ಮೇಳನದ ಸ್ವಾಗತ ಸಮಿತಿ ಅಧ್ಯಕ್ಷೆರ್ ಆಯಿನಾ ಸುಮತ ನಾಯಕ್ ತೆರಿಪಾದೆರ್ .
ಉಡುಪಿಡ್ ಇನಿ ನಡತಿನ ಸುದ್ದಿಗೋಷ್ಠಿಡ್ ಮಾಯಿತಿ ಕೊರಿಯೆರ್. ಪೊಂಜೊವೆಳೆಗ್ ಜಾಗೃತಿ ಪುಟ್ಟಾವುನ ನಿಟ್ಟುಡ್ ಉಂದು ಸಮ್ಮೇಳನೊ ಆಯೋಜನೆ ಮಲ್ದಾ. ರಾಷ್ಟ್ರದ ಚಿಂತನೆ, ಸಾಮಾಜಿಕ ಸಾಮರಸ್ಯ, ಪೊಂಜೊವೆಳ್ನಾ ರಕ್ಷಣೆ ಉಂದು ಮಾತ ವಿಚಾರಡೊ ಸಮ್ಮೇಳನ ಬೊಲ್ಪು ಬೀರ್ರೆ ಉಂಡು. ಅಂದಾಜ್ 1,500 ಪೊಂಜೊವೆರ್ ಸೇರುವೆರ್ ಪಂಡೆರ್.
ಮಾಹೆದ ಯೋಗ ವಿಭಾಗದ ಎಚ್ ಒಡಿ ಪ್ರೊ. ಅನ್ನಪೂರ್ಣ ಕೆ. ಆಚಾರ್ಯ ಸಮ್ಮೇಳನೊ ಉದ್ದೀಪನ ಮಲ್ಪುವೆರ್. ಸಂಜೀವಿನಿ ಸ್ವಸಹಾಯ ಗುಂಪುದ್ ಪೊಂಜೊವುಳ್ ತಯಾರ್ ಮಲ್ದಿನಾ ಬಗೆಬಗೆತ ಉತ್ಪನ್ನೊಳ್, ಬೂಕ್ ದ ಭಂಡಾರ ಬೊಕ್ಕ ಪೆತ್ತೊಲೆನ ಉತ್ಪನ್ನದ ಮಳಿಗೆಳ್ ಇಪ್ಪುಂಡ್ ಪಂದ್ ಮಾಯಿತಿ ಕೊರಿಯೆರ್.
ಸುದ್ದಿಗೋಷ್ಠಿಡ್ ಸ್ವಾಗತ ಸಮಿತಿದ ಪ್ರತಿಭಾ ಎಂ.ಎಲ್. ಸಾಮಗ, ಗೀತಾ ಆನಂದ ಕುಂದರ್, ರೇಷ್ಮಾ ಉದಯ್ ಶೆಟ್ಟಿ, ಸುಬ್ರಹ್ಮಣ್ಯ ಹೊಳ್ಳ, ಶಶಿಕಲಾ ಕೆ. ಹೆಗ್ಡೆ, ಮಿತ್ರಪ್ರಭಾ ಹೆಗ್ಡೆ, ಸಂಧ್ಯಾ ಶೆಣೈ, ಶಿಲ್ಪಾ ಜಿ. ಸುವರ್ಣ, ಸಂಧ್ಯಾ ರಮೇಶ್, ನಳಿನಿ ಪ್ರದೀಪ್ ರಾವ್, ಶಕುಂತಲಾ, ಕಲ್ಪನಾ ಭಾಸ್ಕರ್ ಉಪಸ್ಥಿತರಿತ್ತೆರ್.