ಮೊಗವೀರ ಸಂಘಟನೆ ಪೊಸ ಸಮಿತಿ.

ಉಡುಪಿ ಜಿಲ್ಲಾ ಮೊಗವೀರ ಯುವಸಂಘಟನೆದ ಪೊಸ ಜಿಲ್ಲಾಧ್ಯಕ್ಷೆರಾದ್ ಜಯಂತ್ ಕುಮಾರ್ ಕೋಡಿ ಆಯ್ಕೆ ಆತೆರ್. ಪ್ರಧಾನ ಕಾರ್ಯಂತೆರಾದ್ ರವೀಂದ್ರ ಪುತ್ರನ್ ಬೆಳ್ಳಂಪಳ್ಳಿ, ಮಹಿಳಾ ಉಪಾಧ್ಯಕ್ಷೆರಾದ್ ಪ್ರೇಮ ಬಂಗೇರ, ಕೋಶಾಧಿಕಾರಿಯಾದ್ ಕೋಟೇಶ್ವರದ ಸುನೀಲ್ ಜಿ. ನಾಯ್ಕ್ ಮೊಕುಲು ಆಯ್ಕೆ ಆತೆರ್. ಕೋಡೆ ಅಂಬಲಪಾಡಿದ ಶ್ಯಾಮಿಲಿ ಸಭಾಂಗಣೊಡ್ ನಡತಿನ ಜಿಲ್ಲಾ ಸಂಘಟನೆದ ಮಹಾಸಭೆಟ್ ಪೊಸ ಅಧ್ಯಕ್ಷೆರ್, ಕಾರ್ಯದರ್ಶಿ ಬೊಕ್ಕ ಮಹಿಳಾ ಉಪಾಧ್ಯಕ್ಷೆರೆನ ಆಯ್ಕೆ ನಡತುಂಡ್. ಬಾಕಿದ ಪದಾಧಿಕಾರಿಲೆನ ಆಯ್ಕೆ ದುಂಬುದ ಸಭೆಟ್ ನಡಪರೆಗುಂಡ್.

ಮಹಾಸಭೆಟ್ ಸಂಘಟನೆದ ಮಾರ್ಗದರ್ಶಕೆರಾಯಿನ ನಾಡೋಜ ಡಾ. ಜಿ. ಶಂಕರ್, ಉಡುಪಿ ಶಾಸಕೆರಾಯಿನ ಯಶ್ ಪಾಲ್ ಸುವರ್ಣ, ದ. ಕ. ಮೊಗವೀರ ಮಹಾಜನ ಸಂಘದ ಅಧ್ಯಕ್ಷೆರಾಯಿನ ಜಯ ಸಿ. ಕೋಟ್ಯಾನ್, ಸಂಘಟನೆದ ನಿಕಟಪೂರ್ವ ಅಧ್ಯಕ್ಷೆರಾಯಿನ ರಾಜೇಂದ್ರ ಸುವರ್ಣ ಹಿರಿಯಡಕ, ಸ್ಥಾಪಕಾಧ್ಯಕ್ಷೆರಾಯಿನ ಸತೀಶ್ ಅಮಿನ್ ಪಡುಕೆರೆ, ಬಾರ್ಕೂರು ಸಂಯುಕ್ತ ಸಭಾದ ಅಧ್ಯಕ್ಷೆರಾಯಿನ ಸತೀಶ್ ಅಮಿನ್ ಬಾರ್ಕೂರು, ಬಗ್ವಾಡಿ ಹೋಬಳಿದ ಅಧ್ಯಕ್ಷೆರಾಯಿನ ಉದಯ್ ಕುಮಾರ್ ಹಟ್ಟಿಯಂಗಡಿ, ರವೀಶ್ ಕೊರವಡಿ,ಶೇಖರ್ ತೋಳಾರ್, ಶಿವರಾಮ್ ಕೋಟ, ಗಣೇಶ್ ಕಾಂಚನ್, ಸದಾನಂದ ಬಳ್ಕೂರ್, ವಿನಯ ಕರ್ಕೇರ ಉಪಸ್ಥಿತರಿತ್ತೆರ್. ಅಶೋಕ್ ತೆಕ್ಕಟ್ಟೆ ನಿರೂಪಣೆ ಮಲ್ತೆರ್.