ನಾಲ್ ದಿನತ್ತ ಬದುಕುಡ್ ಮಾನವೀಯತೆದ ಸಂಕಲ್ಪ ದೀಯೊಂದ್ ಬದುಕೊಡ್: ಶ್ರೀ ಶಕ್ತಿ ಶಾಂತಾನಂದ ಮಹರ್ಷಿ

ನರಮಾನಿ ನಾಲ್ ದಿನೊತ್ತ ಬದುಕುಡ್ ಪರಸ್ಪರ ಸೌಹಾರ್ದಡ್ ಕುಟುಂಬ ಸಂಕಲ್ಪಡ್ ಮಾತೆರ್ಲಾ ಒಂಜಾದುಪ್ಪೊಡ್ ಪಂಡುದ್ ಬೆಂಗಳೂರು ರಾಮದಾಸ ಆಶ್ರಮದ ಶ್ರೀ ಶ್ರೀ ಶಕ್ತಿ ಶಾಂತಾನಂದ ಮಹರ್ಷಿ ಪಂಡೆರ್.ಆರು ಕೊಡವೂರು ಪಾಳೆಕಟ್ಟೆಡ್ ನಡತಿನ ಕುಟುಂಬ ಪ್ರಭೋಧನ್ ಕಾರ್ಯಕ್ರಮ ಉದಿಪನ ಮಲ್ತುದ್ ಪಾತೆರಿಯೆರ್.

ಪ್ರಧಾನ ಮಂತ್ರಿ ಆವಾಸ್ ಯೋಜನೆ ಬೊಕ್ಕ ಕೊಡವೂರು ಕಾರ್ಯಕರ್ತರ / ಸಂಘ – ಸಂಸ್ಥೆಲೆನ ಸಹಕಾರದೊಟ್ಟುಗ್ ಶ್ರಮದಾನಡಸದ್ ಬಬಿತಾ ಮರೆನ ಇಲ್ಲೊಕ್ಕೆಲ್ 09-07-2023 ತಾರೀಕುದಾನಿ ಪಾಲೆಕಟ್ಟೆ ಹಿರಣ್ಯಧಾಮ ಪರಿಸರಡ್ ನಡತುಂಡ್.

ಕೇಂದ್ರ ಸರಕಾರದ ಅನುದಾನೊಲು ಮಾತೆರೆಗುಲಾ ಮುಟ್ಟೊಡ್ ಪನ್ಪಿನ ನಿಟ್ಟುಡ್ ಕೊಡವೂರು ವಾರ್ಡುಡ್ ಸರ್ವೆ ನಡಪಾದ್.. ಈ ಮೂಲಕ ಕೇಂದ್ರ ಸರ್ಕಾರದ ಯೋಜನೆಲೆನ್ ಕಟ್ಟ ಕಡೆತ್ತ ವ್ಯಕ್ತಿಗ್ ಮುಟ್ಟಾವುನ ಕಾರ್ಯ ಮಲ್ದುಂಡ್. ಪ್ರಧಾನ ಮಂತ್ರಿ ಆವಾಜ್ ಯೋಜನೆ ಬೊಕ್ಕ ರಾಜ್ಯ / ಕೇಂದ್ರ ಸರಕಾರದ ಅನುದಾನಡ್ 23 ಇಲ್ಲ್ ನಿರ್ಮಾಣ ಮಲ್ದುಂಡ್ ಬೊಕ್ಕ ಪರಿಶಿಷ್ಟ ಪಂಗಡದ ಬಬಿತಾ ಮೆರೆಗ್ ಕಾವೇರಿಯಮ್ಮ ಅರೆನ ಇಲ್ಲ್ನ್ ಉದಿಪನ ಮಲ್ತುದ್ ಇಲ್ಲ್ ಹಸ್ತಾಂತರ ಮಲ್ಪುನ ಕಾರ್ಯ ನಡತುಂಡ್.

ಸರಕಾರದ ಅನುದಾನ ಬೊಕ್ಕ ಕಾರ್ಯಕರ್ತೆರೆನ ಶ್ರಮದಾನಡಾದ್ ಅಚ್ಚುಕಟ್ಟಾದ್ ಇಲ್ಲ್ ಕಟ್ಟರೆಗ್ ಸಾಧ್ಯ ಆತುಂಡ್ ಪಂಡುದ್ ಈ ಮುಖೇನ ನರೇಂದ್ರ ಮೋದಿಜಿನ ಸೂರು ಕಲ್ಪನೆ ಬೊಕ್ಕ ಕೇಂದ್ರದ ಮಾತಾ ಯೋಜನೆಲೆನ್ ಜನಕ್ಲೆಗ್ ಮುಟ್ಅವುನ ಜಬಾದಾರಿ ಎಂಕ್ಲೆನವ್ ಪಂಡುದು ನಗರಸಭಾ ಸದಸ್ಯರಾಯಿನ ವಿಜಯ್ ಕೊಡವೂರು ತೆರಿಪಾಯೆರು.

ಈ ಪೊರ್ತುಡ್ ಕಾಪುದ ಪುಗಾರ್ತೆದ ಜ್ಯೋತಿಷೆರಾಯಿನ
ಶ್ರೀ ಪ್ರಕಾಶ್ ಅಮ್ಮಣ್ಣಯ್ಯ. .
ಸುಂದರ್ ಜಲಶಾಂತಿ ಕೊಡವೂರು.,ಹಿಂದೂ ಯುವಸೇನೆದ ಅಧ್ಯಕ್ಷೆರಾಯಿನ
ಅಜಿತ್ ಕುಮಾರ್ ಕೊಡವೂರು.
ವಾರ್ಡ್ ಅಭಿವೃದ್ದಿ ಸಮಿತಿ ಅಧ್ಯಕ್ಷರಾಯಿನ ಅಶೋಕ್ ಶೆಟ್ಟಿಗಾರ್.
ದಿವ್ಯಾಂಗ ರಕ್ಷಣಾ ಸಮಿತಿ,ಕೊಡವೂರುದ ಅಧ್ಯಕ್ಷೆರಾಯಿನ ಹರೀಶ್ ಕೊಪ್ಪಲ್ ತೋಟ,
ಮೋಹನ್ ಕುಂದರ್,
ನಾಗರಾಜ ಆಚಾರ್ಯ, ಶ್ರೀಮತಿ ಬಬಿತಾ ಮೊಕುಲು ಇತ್ತೆರ್… .

ಈ ಪೊರ್ತುಡ್ ದಾನಿಲೆನ ನೆರ‌ವುಡ್ ಪಾಪದಕ್ಲೆಗ್ ವೈದ್ಯಕೀಯ ನೆರವು, ಅಸಹಾಯಕೆರೆಗ್ ಗಾಲಿಕುರ್ಚಿ ವಿತರಣೆ, ಅರಿ ವಿತರಣೆ ಬೊಕ್ಕ 10 ನೇ ಕ್ಲಾಸ್ ಡ್ 90% ಅಂಕೊ ಪಡೆಯಿನ ಪ್ರತೀಕ್ಷಾ ಮೆರೆಗ್ ಮಾನಾದಿಗೆ ನಡತುಂಡ್.

ಯಶೋಧಾ ಕೇಶವ ಕಾರ್ಯಕ್ರಮದ ನಿರೂಪಣೆ ಮಲ್ತೆರ್,
ಪ್ರಭಾತ್ ಕೊಡವೂರು ಮಾತರೆನ್ಲಾ ಎದ್ಕೊನೊಂದ್,ಸೊಲ್ಮೆಸಂದಾಯ್ತ ಮಲ್ತೆರು.