, ಜು.5: ಕರ್ನಾಟಕ ಕಾರ್ಯನಿರತ ಪತ್ರಕರ್ತೆರೆನ ಸಂಘ ಬೆಂಗಳೂರು, ಉಡುಪಿ ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘ, ರಜತ ಮಹೋತ್ಸವ ಸಮಿತಿ ಬೊಕ್ಕ ಕಸ್ತೂರ್ಬಾ ಆಸ್ಪತ್ರೆ ಮಣಿಪಾಲ ಮೊಕ್ಲೆನ ಸಹ ಯೋಗಡ್ ರಾಜ್ಯದ ಪತ್ರಕರ್ತೆರೆನ ಪ್ರತಿಭಾವಂತ ಜೋಕ್ಲೆಗ್ ಪ್ರತಿಭಾ ಪುರಸ್ಕಾರ -2023 ಕಾರ್ಯಕ್ರಮನ್ ಜು.8ತಾರೀಕುಗ್ ಮಧ್ಯಾಹ್ನ 2 ಗಂಟೆಗ್ ಮಣಿಪಾಲ ಕೆಎಂಸಿ ಆಸ್ಪತ್ರೆದ ಡಾ.ಟಿಎಂಎ ಪೈ ಆಡಿಟೋರಿಯಂಡ್ ಆಯೋಜನೆ ಮಲ್ದುಂಡ್.
ಉಡುಪಿಡ್ ಇನಿ ನಡತಿನ ಸುದ್ದಿಗೋಷ್ಠಿಡ್ ಪಾತೆರಿನ ಉಡುಪಿ ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘ ಅಧ್ಯಕ್ಷ ರಾಜೇಶ್ ಶೆಟ್ಟಿ ಅಲೆವೂರು, ಕಾರ್ಯಕ್ರಮನ್ ಕರ್ನಾಟಕದ ವಿಧಾನಸಭಾಧ್ಯಕ್ಷೆರಾಯಿನ ಯು.ಟಿ.ಖಾದರ್ ಉದಿಪನ ಮಲ್ಪರೆಗುಲ್ಲೆರ್. ಮಹಿಳಾ ಮತ್ತು ಮಕ್ಕಳ ಕಲ್ಯಾಣ ,ಜಿಲ್ಲಾ ಉಸ್ತುವಾರಿ ಸಚಿವೆ ಲಕ್ಷ್ಮೀ ಹೆಬ್ಬಾಳ್ಕರ್ ಪ್ರತಿಭಾ ಪುರಸ್ಕಾರ ಪ್ರದಾನ ಮಲ್ಪರೆಗುಲ್ಲೆರು ಪಂಡೆರು.
ಕರ್ನಾಟಕ ಕಾರ್ಯನಿರತ ಪತ್ರಕರ್ತರ ಸಂಘದ ರಾಜ್ಯಾಧ್ಯಕ್ಷ ಶಿವಾನಂದ ತಗಡೂರು ಗುರ್ಕಾರ್ಮೆಡಿಪ್ಪುವೆರು. ಮುಖ್ಯ ಅತಿಥಿಲಾದ್ ರಾಜ್ಯ ಮೀನುಗಾರಿಕೆ, ಬಂದರು ಬೊಕ್ಕ ಒಳನಾಡು ಜಲಸಾರಿಗೆ ಸಚಿವ ಮಂಕಾಳ ಎಸ್.ವೈದ್ಯ, ಮಣಿಪಾಲ ಮಾಹೆ ಸಹಕುಲಾಧಿಪತಿ ಡಾ.ಎಚ್.ಎಸ್.ಬಲ್ಲಾಳ್ ಉಡುಪಿ ಶಾಸಕ ಯಶ್‌ಪಾಲ್ ಎಸ್.ಸುವರ್ಣ, ಉಡುಪಿ ಜಿಲ್ಲಾಧಿಕಾರಿ ಎಂ. ಕೂರ್ಮರಾವ್, ಮಣಿಪಾಲ ಕೆಎಂಸಿದ ವೈದ್ಯಕೀಯ ಅಧೀಕ್ಷಕ ಡಾ.ಅವಿನಾಶ್ ಶೆಟ್ಟಿ ಪಾಲ್ ಪಡೆಯರೆಗುಲ್ಲೆರ್.
ಸಭಾ ಕಾರ್ಯಕ್ರಮಡ್ ದುಂಬು ಮಧ್ಯಾಹ್ನ 1.30ಗ್ ಕಲಾ ಮಯಂ ತಂಡೊಡ್ದ್ ಜಾನಪದ ಪದರಂಗಿತ ನಡಪರೆಗುಂಡ್. ಈ ಕಾರ್ಯಕ್ರಮಡ್ ಕರ್ನಾಟಕದ ಬೇತೆ ಬೇತೆ ಜಿಲ್ಲೆಲೆಡ್ದ್ ಕರ್ನಾಟಕ ಕಾರ್ಯನಿರತ ಪತ್ರಕರ್ತರ ಸಂಘದ ಸದಸ್ಯರಾದುಪ್ಪುನ ಪತ್ರಕರ್ತೆರೆನ ಜೋಕುಲು, ರಕ್ಷಕೆರ್ , ಜಿಲ್ಲಾ ಘಟಕೊಲೆನ ಪದಾಧಿಕಾರಿಲು ಸೇರಿನಂಚ ಸುಮಾರು 300 ಮಂದಿ ಪ್ರತಿನಿಧಿಲು ಪಾಲ್ ಪಡೆಯರೆಗುಲ್ಲೆರ್..
ಜುಲೈ 8 ತಾರೀಕುಗ್ ಕಾಂಡೆ ಕರ್ನಾಟಕ ಕಾರ್ಯನಿರತ ಪತ್ರಕರ್ತೆರೆನ ಸಂಘದ ಕಾರ್ಯಕಾರಿ ಸಮಿತಿದ ಸಭೆ ಉಡುಪಿ ಜಿಲ್ಲಾ ಸಂಘದ ಆತಿಥ್ಯಡ್ ಉಡುಪಿ ಐಎಂಎ ಭವನಡ್ ನಡಪರೆಗುಂಡ್ ಪಂಡುದು ಆರು ಮಾಹಿತಿ ಕೊರಿಯೆರ್.
ಸಂಘದ ರಜತ ಮಹೋತ್ಸವ ಸಮಿತಿದ ಸಂಚಾಲಕ ಮುಹಮ್ಮದ್ ಶರೀಫ್ ಕಾರ್ಕಳ, ಸಂಘದ ಪ್ರಧಾನ ಕಾರ್ಯದರ್ಶಿ ನಝೀರ್ ಪೊಲ್ಯ, ಕೋಶಾಧಿಕಾರಿ ಉಮೇಶ್ ಮಾರ್ಪಳ್ಳಿ, ಸಮಿತಿದ ಪ್ರಧಾನ ಕಾರ್ಯದರ್ಶಿ ಜಯಕರ ಸುವರ್ಣ, ರಾಜ್ಯ ಸಮಿತಿ ಸದಸ್ಯ ಕಿರಣ್ ಮಂಜನಬೈಲು ಉಪಸ್ಥಿತರಿತ್ತೆರು
by 