ಅ.8: ಉಡುಪಿ ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದ ವತಿಡ್ದ್ ರಜತ ಮಹೋತ್ಸವ ಸುಸಂದರ್ಭಡ್ ಮಾಜಿ ಸಚಿವ ಪ್ರಮೋದ್ ಮಧ್ವರಾಜ್ ಪ್ರಾಯೋಜಕತ್ವಡ್ ನಿರ್ಮಾಣ ಮಲ್ದಿನ ಉಡುಪಿ ಪತ್ರಿಕಾ ಭವನದ ಪೊಸ ಪಾರ್ಕಿಂಗ್ ಬೊಕ್ಕ ರೂಫಿಂಗ್ ವ್ಯವಸ್ಥೆದ ಉದಿಪನ ಕಾರ್ಯಕ್ರಮ ಇನಿ ನಡತುಂಡ್.
ಪೊಸ ಪಾರ್ಕಿಂಗ್ ಬೊಕ್ಕ ರೂಫಿಂಗ್ ವ್ಯವಸ್ಥೆನ್‌ ಮಾಜಿ ಸಚಿವೆರಾಯಿನ ಪ್ರಮೋದ್ ಮಧ್ವರಾಜ್ ಉದಿಪನ ಮಲ್ತೆರ್. ಬೊಕ್ಕ ಅರೆನೊಟ್ಟುಗ್ ಸಂವಾದ ಕಾರ್ಯಕ್ರಮ ನಡತುಂಡ್. ಸಂಘದ ಅಧ್ಯಕ್ಷ ರಾಜೇಶ್ ಶೆಟ್ಟಿ ಅಲೆವೂರು ಅಧ್ಯಕ್ಷತೆಡಿತ್ತೆರ್
ಉಂದುವೇ ಸಂದರ್ಭಡ್ ಪತ್ರಿಕಾ ಭವನಗ್ ಪರಿಕರ ಕೊಡುಗೆ ಕೊರಿನ ಸಾಲಿಡಾರಿಟಿ ಯೂತ್ ಮೂವ್ಮೆಂಟ್ನ ಜಿಲ್ಲಾಧ್ಯಕ್ಷ ನಬೀಲ್ ಗುಜ್ಜರಬೆಟ್ಟು ಅರೆಗ್ ಗೌರವ ಮಾನಾದಿಗೆ ಕೊರಿಯೆರ್.. ವೇದಿಕೆಡ್ ಸಂಘದ ರಜತ ಮಹೋತ್ಸವ ಸಮಿತಿದ ಸಂಚಾಲಕ ಮುಹಮ್ಮದ್ ಶರೀಫ್, ಪತ್ರಿಕಾ ಭವನದ ಸಂಚಾಲಕ ಅಜಿತ್ ಅರಾಡಿ ಉಪಸ್ಥಿತರಿತ್ತೆರು.
ಸಂಘದ ಪ್ರಧಾನ ಕಾರ್ಯದರ್ಶಿ ನಝೀರ್ ಪೊಲ್ಯ ಸ್ವಾಗತ ಮಲ್ತದ್ . ಕೋಶಾಧಿಕಾರಿ ಉಮೇಶ್ ಮಾರ್ಪಳ್ಳಿ ಸೊಲ್ಮೆ ಸಂದಾಯ್ತ ಮಲ್ತೆರ್. ಪತ್ರಕರ್ತ ಪ್ರಕಾಶ್ ಸುವರ್ಣ ಕಾರ್ಯಕ್ರಮ ನಿರೂಪಣೆ ಮಲ್ತೆರು
by 