ರಂಗಭೂಮಿ (ರಿ) ಉಡುಪಿ ,ಸಂಸ್ಥೆ ದ ವತಿರ್ದ್, ಅಕ್ಟೋಬರ್ 13,14,ಬೊಕ್ಕ 15ನೇ ತಾರೀಕ್, ಗ್ ಉಡುಪಿ ದ ಎಂ.ಜಿ.ಎಂ ಕಾಲೇಜಿ ದ ನೂತನ ರವೀಂದ್ರ ಮಂಟಪೊಡು , ಪೆರಿಯಾಕ್ಲೆನ ನೆಂಪುಡು ರಂಗೋತ್ಸವ “ರಂಗ ನಮನ” ಪನ್ಪಿನ ವಿಶೇಷ ಲೇಸ್ ನಡಪರೆಗುಂಡು.
ಮೂಜಿ ದಿನ ನಡಪುನಂಚಿನ ಈ ಲೇಸ್ ಡ್,
ನಾಡ್, ನುಡಿ, ಸಂಸ್ಕೃತಿ, ಕಲೆ, ಸಾಹಿತ್ಯ, ರಂಗಭೂಮಿ ದ ಕ್ಷೇತ್ರೊಡು ಸೇವೆನ್ ಸಂದೈತ ಮಲ್ತ್ ದ್ , ರಂಗಭೂಮಿಗ್ ವಿಶೇಷವಾಯಿನ ಕೊಡುಗೆನ್ ಕೊರ್ದು,ಇನಿಕಾನಗ ನಮನ್ ಅಗತ್ ದ್ ಮದೆಯಾಯಿನ 6 ಜನ ಪೆರಿಯ ರಂಗ ಚೇತನೊಲೆನ ಸ್ಮರಣಾರ್ಥವಾದ್, 6 ಜನ ಸಾಧಕ ಸಾಹಿತಿಲು, ಕಲಾವಿದೆರೆನ್ ಗುರುತಿಸಾದ್ ಅಕ್ಲೆಗ್ ರಂಗ ಸಮ್ಮಾನ ಮಲ್ಪುನ ಕಾರ್ಯಕ್ರಮೊಲ ನಡಪರೆಗುಂಡು.
ವಿಶೇಷವಾದ್ ರಂಗಭೂಮಿ ಉಡುಪಿ ಬೊಕ್ಕ ತುಳುಕೂಟ ದ ಕಾರ್ಯಕಾರಿ ಸಮಿತಿ ಡ್ ಇತ್ತ್ ದ್, ರಂಗಭೂಮಿ ಸಂಸ್ಥೆದ ಒತ್ತು ಗುರ್ಕಾರೆರ್ಲಾ ಆದ್ ಸೇವೆ ಸಂದಾದಿನ ಪೆರಿಯ ಕಲಾ ಸಂಘಟಕೆರ್ , ದಿ.ಎಂ. ನಂದಕುಮಾರ್ ಮೆರೆನ ಸ್ಮರಣಾರ್ಥವಾದ್ ಕೊರ್ಪಿನ ಮಾನಾದಿಗೆಗ್ ,ತುಳುಕೂಟ (ರಿ)ಉಡುಪಿ ದ ಪೆರ್ಮೆದ ಕಾರ್ಯಂತೆರ್,ಕವಿ,ಸಂಘಟಕೆರ್,ಸಾಹಿತಿ,ಕಾದಂಬರಿಕಾರೆರ್ ,ನಾಟಕಕಾರೆರ್, ರಂಗಭೂಮಿ ಕಲಾವಿದೆರ್ರ್ಲಾ ಆದಿಪ್ಪುನ ,ಶ್ರೀಯುತ ಗಂಗಾಧರ್ ಕಿದಿಯೂರ್ ಮೇರ್ ಆಯ್ಕೆಯಾತೆರ್.
ಅಕ್ಟೋಬರ್ 13,14,15 ತಾರೀಕ್ ಮೂಜಿ ದಿನೊಲ ನಡಪುನಂಚಿನ , ಸಭಾಕಾರ್ಯಕ್ರಮ, ರಂಗ ನಮನ-ರಂಗ ಸಮ್ಮಾನ,ಸಾಂಸ್ಕೃತಿಕ ಕಾರ್ಯಕ್ರಮೊತ ಅಂಗವಾದ್ ಪುಗಾರ್ತೆದ ಕಲಾ ತಂಡೊಲೆನ ನಾಟಕ ಪ್ರದರ್ಶನ, ಏಕವ್ಯಕ್ತಿ ರಂಗಪ್ರಯೋಗ, ಯಕ್ಷ ರೂಪಕ ನಡಪರೆಗುಂಡ್.
by 