ಶಾಂತಾರಾಮ್ ಶೆಟ್ರೆಗ್ ಅವಾರ್ಡ್ ಪ್ರದಾನ

ನ್ಯಾಯವಾದಿ ಶಾಂತಾರಾಮ್ ಶೆಟ್ಟಿಗೆ ಅಲೆವೂರು ಗ್ರೂಪ್ ಆವಾರ್ಡ್ ಪ್ರದಾನ

ಉಡುಪಿ, ಡಿ.23: ಅಲೆವೂರು ಗ್ರೂಪ್ ಫೋರ್ ಎಜ್ಯುಕೇಷನ್ ವತಿಡ್ದ್ ಕೊರ್ಪಿನ 2023ನೇ ಸಾಲುದ ಅಲೆವೂರು ಗ್ರೂಪ್ ಪ್ರಶಸ್ತಿ ನ್ ನ್ಯಾಯವಾದಿ ಎಂ.ಶಾಂತಾರಾಮ್ ಶೆಟ್ರೆಗ್ ಪ್ರದಾನ ಮಲ್ತೆರು.

ಶನಿವಾರ ನಡತಿನ ಅಲೆವೂರುದ ಶಾಂತಿನಿಕೇತನ ಆಂಗ್ಲ ಮಾಧ್ಯಮ ಶಾಲೆದ 19ನೇ ವಾರ್ಷಿಕೋತ್ಸವ ಸಂದರ್ಭಡ್ ಎಲ್ಐಸಿ ಆಫ್ ಇಂಡಿಯಾದ ಉಡುಪಿ ವಿಭಾಗದ ಹಿರಿಯ ವಿಭಾಗೀಯ ಪ್ರಬಂಧಕ ರಾಜೇಶ್ ವಿ. ಮುಧೋಳ್, ಶಾಂತಾರಾಮ್ ಶೆಟ್ರೆಗ್ ಬೊಳ್ಳಿ ಫಲಕ ಸಹಿತ ಪ್ರಶಸ್ತಿ ಪ್ರದಾನ ಮಲ್ತೆರು.

ಬೊಕ್ಕ ಪಾತೆರಿನ ಶಾಂತಾರಾಮ್ ಶೆಟ್ಟಿ, ಇನಿತ ಯಾಂತ್ರಿಕ ಯುಗಟ್ ಜೋಕ್ಲೆನ ಬಾಲ್ಯನ್ ದೆತೊಂಬಿನ ಪ್ರಯತ್ನನ್ ಪೋಷಕೆರು ಮಲ್ತೊಂದುಲ್ಲೆರ್. ಇನಿತ್ತ ಶಿಕ್ಷಣ ವ್ಯವಸ್ಥೆಡಾದ್ ಜೋಕುಲು ತಮ್ಮ ಬಾಲ್ಯದ ಅನುಭವ ಪಡೆಯರೆಗ್ ವಂಚಿತರಾವೊಂದುಲ್ಲೆರ್. ಅಂಚಾದ್ ಪೋಷಕೆರು ತಮ್ಮ ಜೋಕ್ಲೆಗೂ ಪಾಠದಾತೆ ಗೊಬ್ಬರೆಗುಲಾ ಸಮಯ ಕೊರೊಡ್ ಪಂಡುದು ಪಂಡೆರು.

ವಿದ್ಯಾರ್ಥಿಲೆಡ ಕನ, ಕಠಿಣ ಪರಿಶ್ರಮ ಬೊಕ್ಕ ದೇವರೆನ ಬೊಕ್ಕ ಸಮಾಜದ ಆಶೀರ್ವಾದ ಮುಖ್ಯ. ಉಂದುಮೂಜಿ ಇತ್ತುಂಡ ಜೀವನಡ್ ಯಶಸ್ಸು ಸಾಧಿಸಾವರೆಗ್ ಸಾಧ್ಯ ಆಪುಂಡ್ . ದೇವರೆನ ಬಗ್ಗೆ ಭಯ ಇಪ್ಪರೆ ಬಲ್ಲಿ. ಆಂಡ ಅರಿವು ಇಪ್ಪೊಡ್ ಪಂಡುದು ಆರು ಅಭಿಪ್ರಾಯ ಪಟ್ಟಿಯೆರ್.

ಮುಖ್ಯ ಅಥಿತಿಯಾದ್ ಉದ್ಯಮಿ ಕಾರ್ತಿಕ್ ಶೆಟ್ಟಿ ಪಾತೆರಿಯರು. . ಅಲೆವೂರು ಗ್ರೂಪ್ ಫೊರ್ ಎಜುಕೇಶನ್ ಅಧ್ಯಕ್ಷ ಅಲೆವೂರು ಗಣಪತಿ ಕಿಣಿ ಅಧ್ಯಕ್ಷತೆಡಿತ್ತೆರು. ವೇದಿಕೆಡ್ ಆಡಳಿತ ಮಂಡಳಿ ಸದಸ್ಯೆ ಶಾಂತಾ ಕಿಣಿ, ನೀತಾ ಕಿಣಿ ಉಪಸ್ಥಿತರಿತ್ತೆರು.
ಅಲೆವೂರು ಗ್ರೂಪ್ನ ಕಾರ್ಯದರ್ಶಿ ಎ.ದಿನೇಶ್ ಕಿಣಿ ಸ್ವಾಗತ ಮಲ್ತೆರು. ಪ್ರಾಂಶುಪಾಲೆ ರೂಪಾ ಡಿ.ಕಿಣಿ ವಾರ್ಷಿಕ ವರದಿ ವಾಚನ ಮಲ್ತೆರು. ಕೋಶಾಧಿಕಾರಿ ಹರೀಶ್ ಕಿಣಿ ಪ್ರಶಸ್ತಿ ಪುರಸ್ಕೃತರೆನ್ ಪರಿಚಯ ಮಲ್ತೆರು. ಶ್ರುತಿ ಗುರು ಬೊಕ್ಕ ಅನೀಶ್ ಕುಮಾರ್ ಕಾರ್ಯಕ್ರಮ ನಿರೂಪಣೆ ಮಲ್ತೆರು.