ಹಿಜಾಬ್ ನಿಷೇದ ವಾಪಾಸ್ ಶ್ರೀರಾಮಸೇನೆ ಆಕ್ರೋಶ.

ಹಿಜಾಬ್ ನಿಷೇದ ವಾಪಸು ದೆತೊಂಬಿನ ಮುಖ್ಯಮಂತ್ರಿ ಸಿದ್ದರಾಮಯ್ಯ ಹೇಳಿಕೆ ಕೊರ್ಪಿನವ್ವೆನ್ ಉಡುಪಿ ಜಿಲ್ಲಾ ಶ್ರೀರಾಮ ಸೇನೆ ತೀವ್ರವಾದ್ ಖಂಡಿಸಾವುಂಡ್.
ಪಿರಾವುದ ಸರಕಾರ ನಿಷೇದ ಮಲ್ದಿನ ವಿಷಯನ್ ಕುಡೊರ ಆರಂಭ ಮಲ್ಪುನ ಮೂಲಕ ಸಿದ್ದರಾಮಯ್ಯೆರು ಜೋಕ್ಲೃನ ಮುಗ್ದ ಮನಸ್ಸು ಡ್ ಜಾತಿ ಬೇಧ ಬೊಕ್ಕ ತಾರತಮ್ಯದ ವಿಷ ಬೀಜೊನ್ ಬಿತ್ತರೆಗೊ ಪಿದಾಡಿನವ್ ನಾಚಿಕೆಗೇಡುದ ಸಂಗತಿಯಾದುಂಡ್. ಸರಕಾರ ಶಿಕ್ಷಣ ಕ್ಷೇತ್ರಡುಲಾ ರಾಜಕೀಯ ಮಲ್ಪರೆಗ್ ಪಿದಾಡಿನ ಸ್ಪಷ್ಟವಾದುಂಡ್.. ಕಾಂಗ್ರೆಸ್ ಸರಕಾರ ತನ್ನ ಓಲೈಕೆ ರಾಜಕೀಯ ಲಾಭಗಾದ್ ಶಿಕ್ಷಣ ಕ್ಷೇತ್ರೊನ್ ಕಲುಷಿತ ಮಲ್ತೋಂದುಪ್ಪುನವ್ ಶೋಚನಿಯ..ಹಿಂದೂಲೆನ ಭಾವನೆಗ್ ಬೆಲೆ ಇಪ್ಪಂದಿನ ಈ ಸರಕಾರಡ್ ಕುಡೊರ ಹಿಜಾಬ್ ಗ್ಅವಕಾಶ ಕೊರುಂಡ ಶ್ರೀರಾಮ ಸೇನೆ ರಾಜ್ಯದಾದ್ಯ oತ “ಕೇಸರಿ ಶಿಕ್ಷಣ” ಅಭಿಯಾನನ್ ಮಲ್ಪರೆಗ್ ನಿರ್ಧಾರ ಮಲ್ಪೊಡಾಪುಂಡ್ಡುಂದ್ ಉಗ್ರ ಹೋರಾಟದ ಎಚ್ಚರಿಕೆನ್ ಉಡುಪಿ ಜಿಲ್ಲಾ ಶ್ರೀರಾಮಸೇನೆ ಪ್ರಕಟಣೆಡ್ ಕೊರ್ತುಂಡ್.