ಶ್ರೀರಾಮಸೇನೆಡ್ದ್ ಮದಿಮೆ ನೋಂದಾಣಾಧಿಕಾರಿಗ್ ಮನವಿ

ಶ್ರೀರಾಮಸೇನೆಯಿಂದ ವಿವಾಹ ನೋಂದಣಾಧಿಕಾರಿಲೆಗ್ ಮನವಿ

ಕರ್ನಾಟಕದ ಇತಿಹಾಸದಡೇ  ಪ್ರಪ್ರಥಮವಾದ್ ಲವ್ ಜಿಹಾದ್ ವಿರುದ್ಧ ಹಿಂದೂ ಸಹೋದರಿಯೆರೆನ ರಕ್ಷಣೆಗಾದ್ ಶ್ರೀರಾಮ ಸೇನೆ  ಐತಿಹಾಸಿಕ ಪಜ್ಜೆ ದೀಯೊಂದಿತ್ತುದ್, ಸಂತ್ರಸ್ತೆರೆನ ಧ್ವನಿಯಾದ್ 24× 7 ಕಾರ್ಯ ನಿರ್ವಹಣೆ ಮಲ್ಪುನ ” ಸಹಾಯ ವಾಣಿ” ಉದಿಪನ ಉಂದುವೆ  ಮೇ 29 ಗ್ ಹುಬ್ಬಳ್ಳಿ ಕೇಂದ್ರೀಕೃತವಾದ್  ರಾಜ್ಯದ 6 ಕಡೆಟ್ ಉದಿಪನ ಆವರೆಗುಂಡ್.ಉಂದೆತ ಪೂರ್ವಭಾವಿಯಾದ್, ಅಂತರ ಧರ್ಮದ ಮದಿಮೆ ಕೋಮು ಸ್ವರೂಪ ಪಡೆಯೊಂದಿತ್ತುದ್ ಗಲಭೆ, ಸಾಮರಸ್ಯ ಹಾಳು ಮಲ್ತೊಂದುಪ್ಪುನ ಘಟನೆಲು ರಾಜ್ಯಡ್ ನಡತೊಂದುಂಡ್. ಕೆಲವು ವಿವಾಹ ನೋಂದಣಿ ಕಚೇರಿಲೆಡ್ ಸರಿಯಾಯಿನ ಕ್ರಮಟ್ ದಾಖಲೆನ್ ಪರಿಶೀಲನೆ ಮಲ್ಪಂದೆ, ನೋಟೀಸ್ ಬೋರ್ಡ್ಗ್ ಪ್ರತಿ ಪಾಡಂದೆ ಮದಿಮೆ ಮಲ್ಪುನ ಬಗ್ಗೆ ದೂರುಲು ಇತ್ತುದ್ ನೆತ್ತ ಸಲುವಾದ್ ವಿವಾಹ ನೋಂದಣಿ ಕಚೇರಿಡ್ ಮತಾಂತರ ತಡೆ -2022 ಆಕ್ಟ್ ಸೇರಿನಂಚ ಒವ್ವೇ ಕಾನೂನುದ ಲೋಪಲು ನಡಪಂದಿಲೆಕ್ಕ ಜಾಗ್ರತೆಡ್ ಕೋಮು ಸೂಕ್ಷ್ಮ ಈ ವಿಷಯನ್ ಗಂಭೀರವಾದ್ ಪರಿಗಣಿಸಾದ್ ಆಗ್ರಹಿಸಾದ್ ಜಿಲ್ಲಾ ಹಿರಿಯ ವಿವಾಹ ನೋಂದಣಾಧಿಕಾರಿ ಶ್ರೀ ಪಣೀಂದ್ರ ಮೆರೆಗ್ ಉಡುಪಿ ಜಿಲ್ಲಾ ಶ್ರೀರಾಮಸೇನೆ ವತಿಡ್ದ್ಷ ಮನವಿ ಕೊರಿಯೆರ್.

ಈ ಸಂಧರ್ಭಡ್  ಸಂಘಟನೆದ  ಜಿಲ್ಲಾಧ್ಯಕ್ಷ ಜಯರಾಂ ಅಂಬೆಕಲ್ಲು, ಜಿಲ್ಲಾ ವಕ್ತಾರ ಶರತ್ ಮಣಿಪಾಲ, ಪ್ರ. ಕಾರ್ಯದರ್ಶಿ ಸುಧರ್ಶನ್ ಕಪ್ಪೆಟ್ಟು, ಕಾರ್ಯದರ್ಶಿ ವಿಕ್ರಂ ವಿ, ಜಿಲ್ಲಾ ಸಂಪರ್ಕ ಪ್ರಮುಖ್ ಸುಜಿತ್ ನಿಟ್ಟೂರು, ನಗರ ಅಧ್ಯಕ್ಷ ಸುದೀಪ್ ಪೂಜಾರಿ ಮೊಕುಲು ಉಪಸ್ಥಿತರಿತ್ತೆರು.