ಟ್ಯಾಕ್ಸಿಲೆಗ್ ಸಬ್ಸಿಡಿ ಕೊರ್ಲೆ

ಟ್ಯಾಕ್ಸಿಗಳಿಗೆ ಸಬ್ಸಿಡಿ ಕೊರ್ಲೆ, ಸರಕಾರಗ್  ಶ್ರೀರಾಮಸೇನೆ ಅಗ್ರಹ

ಪ್ರತೀ ಸರ್ತಿ ತೆರಿಗೆ ವಿಷಯ ಬತ್ತಿನಪಗ  ಟ್ಯಾಕ್ಸಿಲೆನ  ಮಿತ್ತ್ ದಾಯೆಗ್  ಪುದೆ ಪಾಡುವರ್? ಬೊಕ್ಕ  ಸರಕಾರ ಟ್ಯಾಕ್ಸಿದಕ್ಲೆಗ್  ದಾದ ಕೊರ್ತುಂಡ್?

ಇತ್ತೆನೇ  ರಾಜ್ಯ ಸರಕಾರದ ಕೆಲವು ತೆರಿಗೆ ನಿಯಮಡಾದ್ ಟ್ಯಾಕ್ಸಿ ಮಾಲಕೆರು ಹತಾಶರಾತೆರ್.
ಪ್ರತೀ ಸರ್ತಿಲಾ  ಚುನಾವಣೆ ಬೊಕ್ಕ  ಬಾಕಿದ ಬೇಲೆದಪಗ ಸರಕಾರದ ಕೆಲಸಗ್  ಟ್ಯಾಕ್ಸಿಲು  ಬೋಡು. ಆಂಡ ಸರಕಾರದ ಬೇಲೆ ಆಯಿಬೊಕ್ಕ  ಟ್ಯಾಕ್ಸಿಲೆನ್ ಕಡೆಗಣಿಸಾವುನವ್  ರಾಜ್ಯ ಸರಕಾರಗ್  ಅಯಿಟುಲಾ  ಇತ್ತೆದ  ಮುಖ್ಯಮಂತ್ರಿಲೆನ  ಜಾಯಮಾನ ಆತುಂಡ್.

ಕರ್ನಾಟಕದ ತೆರಿಗೆ ಏರ್ಪಾದ್ , ಪರ ರಾಜ್ಯದ ಪ್ರವಾಸಿಲು  ಈ ರಾಜ್ಯಗ್  ಬರಂದಿಲೆಕ್ಕ  ಮಲ್ತುದೆರ್ . ಉಂದೆಟಾದ್  ಹೈರಾಣಾತಿನ  ಟ್ಯಾಕ್ಸಿಲೆಗ್  ಬೊಕ್ಕ  ಡೀಸೆಲ್ ಪೆಟ್ರೋಲ್ ದರ 3.00/3.50 ರೂ ಏರ್ಪಾವುನ  ಮೂಲಕ ಬರೆ ಒಯ್ದೆರ್.
ಈ ತೈಲ ಏರಿಕೆಡಾದ್  ಜನ ಸಾಮಾನ್ಯರೆನ  ಪಾಡು ದಾದ?
ನಿಕಲ್ನ  ಗ್ಯಾರಂಟಿ ಯೋಜನೆಡಾದ್  ತೈಲ ಏರಿಕೆ ಮಲ್ದರ್ ಪನ್ಪಿನವ್  ನಗ್ನ ಸತ್ಯ,

ಆಂಡ  ನಿಕಲ್ನ  ಗ್ಯಾರಂಟಿಲೆಡಾದ್  ಕುಡಲಾತ್  ಕುಟುಂಬಲೆನ್  ಬಲಿ ಕೊರೊಡ್ಚಿ. ನಿಕಲ್ನ ಗ್ಯಾರಂಟಿಲೆಗ್ ಪಕ್ಷದ  ಕಾಸ್ ನ್  ಗಲಸುಲೆ.
ಕೂಡಲೇ ಡೀಸೆಲ್ ದರ ಕಡಮೆ ಮಲ್ಪುಲೆ ಇಜ್ಜಾಂಡ ಟ್ಯಾಕ್ಸಿಲೆಗ್ ಡೀಸೆಲ್ ಸಬ್ಸಿಡಿ ಕೊರ್ಲೆ. ಇಜ್ಜಾಂಡ ಒವ್ವೇ ಸರಕಾರಿ ಕಾರ್ಯಕ್ರಮಗ್  ಟ್ಯಾಕ್ಸಿಲೆನ್  ಗಲಸೊಡ್ಚಿ.

ತೈಲ ಬೆಲೆ ಏರಿಕೆ ವಿಷಯಡ್ ರಾಜ್ಯ ಶ್ರೀರಾಮಸೇನೆ ಟ್ಯಾಕ್ಸಿ ಪರವಾದ್ ಉಂತುಂಡ್  ಪಂಡುದು ಸಂಘಟನೆದ  ರಾಜ್ಯ ಕಾರ್ಯಕಾರಿಣಿ ಸದಸ್ಯ, ಬೊಕ್ಕ ಉಡುಪಿ ಜಿಲ್ಲಾಧ್ಯಕ್ಷೆರಾಯಿನ  ಜಯರಾಂ ಅಂಬೆಕಲ್ಲು ಸರಕಾರಗ್ ಅಗ್ರಹ ಮಲ್ತುದ್, ಎಚ್ಚರಿಕೆ ಕೊರ್ತೆರ್ ಪಂಡುದು ಜಿಲ್ಲಾ ವಕ್ತಾರ ಶರತ್. ಕೆ ಮಣಿಪಾಲ ತೆರಿಪಾದೆರ್.