ಶ್ರೀ ಕ್ಷೇತ್ರ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆ ಬಿ.ಸಿ. ಟ್ರಸ್ಟ್(ರಿ.) ಬೊಕ್ಕ ಅಖಿಲ ಕರ್ನಾಟಕ ಜನ ಜಾಗೃತಿ ವೇದಿಕೆ ಸ್ವಾಸ್ತ್ಯ ಸಂಕಲ್ಪ ಕಾರ್ಯಕ್ರಮದ ಮೂಲಕ ವಿದ್ಯಾರ್ಥಿಲೆಗ್ ಮಾದಕ ವಸ್ತುಗಳ ದುಷ್ಪರಿಣಾಮೊಲೆನ ಬಗೆಟ್ ಜಾಗೃತಿ ಪುಟ್ಟಾದ್ ಆರೋಗ್ಯವಂತ ಜೀವನ ರೂಪಿಸಾವರೆಗ್ ಸಾಕಾರಿಯಾತುಂಡ್ . ವಿದ್ಯಾರ್ಥಿಲು ಪಡೆಯಿನ ಮಾಹಿತಿನ್ ತನ್ನ ಜೀವನಡ್ ಅಳವಡಿಸಾವುನ ಮುಖೇನ ಸ್ವಸ್ಥ ಸಮಾಜ ನಿರ್ಮಾಣದ ರೂವಾರಿಲಾವೊಡ್ ಪಂಡುದು ಶ್ರೀ ಕ್ಷೇತ್ರ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆ ಬಿ.ಸಿ. ಟ್ರಸ್ಟ್(ರಿ.) ದ ಉಡುಪಿ ಜಿಲ್ಲಾ ನಿರ್ದೇಶಕ ಶಿವರಾಯ ಪ್ರಭು ಲೆಪ್ಪು ಕೊರಿಯೆರು.
ಆರು ಶ್ರೀ ಕ್ಷೇತ್ರ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆ ಬಿ.ಸಿ. ಟ್ರಸ್ಟ್(ರಿ.) ಬೊಕ್ಕ ಅಖಿಲ ಕರ್ನಾಟಕ ಜನ ಜಾಗೃತಿ ವೇದಿಕೆ ಉಡುಪಿ ತಾಲೂಕು ಬೊಕ್ಕ ಅಂಬಲಪಾಡಿ ವಲಯದ ಆಶ್ರಯಡ್ ಮಲ್ಪೆ ಫಿಷರೀಸ್ ಸರಕಾರಿ ಪ್ರೌಢ ಶಾಲೆಡ್ ಅಂತರಾಷ್ಟ್ರೀಯ ಮಾದಕ ವಸ್ತು ವಿರೋಧಿ ದಿನಾಚರಣೆದ ಅಂಗವಾದ್ ನಡತಿನ ಸ್ವಾಸ್ತ್ಯ ಸಂಕಲ್ಪ ಕಾರ್ಯಕ್ರಮೊನ್ ಉದಿಪನ ಮಲ್ತುದ್ ಪಾತೆರಿಯೆರು.
ಅಖಿಲ ಕರ್ನಾಟಕ ಜನ ಜಾಗೃತಿ ವೇದಿಕೆದ ಜಿಲ್ಲಾ ಸಮಿತಿ ಸದಸ್ಯ ಎ.ಶಿವಕುಮಾರ್ ಅಂಬಲಪಾಡಿ ಕಾರ್ಯಕ್ರಮದ ಅಧ್ಯಕ್ಷತೆಡಿತ್ತೆರ್.
ಅಖಿಲ ಕರ್ನಾಟಕ ಜನಜಾಗೃತಿ ವೇದಿಕೆದ ಉಡುಪಿ ಪ್ರಾದೇಶಿಕ ಯೋಜನಾಧಿಕಾರಿ ಗಣೇಶ್ ಆಚಾರ್ಯ ಸಂಪನ್ಮೂಲ ವ್ಯಕ್ತಿಯಾದ್ ಸಮಗ್ರ ಮಾಹಿತಿನ್ ಕೊರ್ದ್ ವಿದ್ಯಾರ್ಥಿಲೆಗ್ ಪ್ರತಿಜ್ಞಾ ವಿಧಿನ್ ಬೋಧಿಸಾಯೆರು.
ಮಲ್ಲ ಬಿನ್ನೆರಾದ್ ಅಖಿಲ ಕರ್ನಾಟಕ ಜನ ಜಾಗೃತಿ ವೇದಿಕೆದ ಉಡುಪಿ ತಾಲೂಕು ಅಧ್ಯಕ್ಷ ಸತ್ಯಾನಂದ ನಾಯಕ್, ಉಡುಪಿ ತಾಲೂಕು ಯೋಜನಾಧಿಕಾರಿ ರಾಮ ಎಮ್., ಶಾಲಾ ಮುಖ್ಯೋಪಾಧ್ಯಾಯಿನಿ ಸಂಧ್ಯಾ, ಶಾಲಾಭಿವೃದ್ಧಿ ಸಮಿತಿದ ಅಧ್ಯಕ್ಷ ಜಗದೀಶ್ ಸಾಲ್ಯಾನ್, ಕಲ್ಮಾಡಿ ಸಮೃದ್ಧಿ ಒಕ್ಕೂಟದ ಅಧ್ಯಕ್ಷೆ ಇಂದಿರಾ ವಾಸು, ಶಿಕ್ಷಕ ವೃಂದ, ಪ್ರೌಢ ಶಾಲಾ ವಿದ್ಯಾರ್ಥಿಲು, ಸೇವಾ ಪ್ರತಿನಿಧಿಲು, ಒಕ್ಕೂಟದ ಪದಾಧಿಕಾರಿಲು ಬೊಕ್ಕ ಸದಸ್ಯೆರು ಉಪಸ್ಥಿತರಿತ್ತೆರು.
ಯೋಜನೆದ ಅಂಬಲಪಾಡಿ ವಲಯ ಮೇಲ್ವಿಚಾರಕಿ ಪ್ರೇಮಾ ಕಾರ್ಯಕ್ರಮ ನಿರೂಪಿಸಾದ್, ಸೇವಾ ಪ್ರತಿನಿಧಿ ಗೀತಾ ಹರೀಶ್ ಪಾಲನ್ ವಂದಿಸಾಯೆರು.
by 