ಉಡುಪಿ, ಸೆ.5: ಮನಸ್ಸುಲೆನೊಟ್ಟುಗ್ ಕೆಲಸ ಮಲ್ಪುನ ಶಿಕ್ಷಕೆರ್ ಸಮಾಜ ಕಟ್ಟುನ ಬೊಕ್ಕ ಬುಲೆಪಾವುನ ಮಹತ್ತರವಾಯಿನ ಜವಾಬ್ದಾರಿ ಇತ್ತಿನಕುಲು. ಆಯಿನೆಡ್ದಡವರ ಜೋಕ್ಲೆಗ್ ಜ್ಞಾನದ ಒಟ್ಟುಡ್ ಕೌಶಲ್ಯ ಬೊಕ್ಕ ವೌಲ್ಯನ್ ಕಲಿಸಾವುನ ಕೆಲಸೊನ್ ಶಿಕ್ಷಕೆರು ಮಲ್ಪೊಡಾತುಂಡ್. ಅತ್ತಾವಂದೆ ಶಿಕ್ಷಕರೆಡ ಅಧ್ಯಯನಶೀಲತೆ ಪನ್ಪಿನವ್ ಬಾರೀ ಮುಖ್ಯವಾದುಪ್ಪೊಡ್ ಪಂಡುದು ಹಿರಿಯ ಚಿಂತಕ, ನಿಕಟಪೂರ್ವ ರಾಜ್ಯ ಎನ್‌ಎಸ್‌ಎಸ್ ಅಧಿಕಾರಿ ಡಾ.ಗಣನಾಥ ಎಕ್ಕಾರು ಪಂಡೆರ್.
ಮಲಬಾರ್ ಗೋಲ್ಡ್ ಆ್ಯಂಡ್ ಡೈಮಂಡ್ಸ್ ಉಡುಪಿ ವತಿಡ್ದ್ ಶಿಕ್ಷಕರ ದಿನಾಚರಣೆದ ಅಂಗವಾದ್ ಮಲಬಾರ್ ಗೋಲ್ಡ್ ಡ್ ಮಂಗಳವಾರ ಆಯೋಜನೆ ಮಲ್ದಿತ್ತಿನ ಶಿಕ್ಷಕೆರೆಗ್ ಸನ್ಮಾನ ಬೊಕ್ಕ ಸಂವಾದ ಕಾರ್ಯಕ್ರಮಡ್ ಮುಖ್ಯ ಅತಿಥಿಯಾದ್ ಪಾಲ್ ಪಡೆದ್ ಆರು ಪಾತೆರಿಯೆರು.
ಸಮಾಜೊಡ್ ಶಿಕ್ಷಕರ ಪಾತ್ರ ಮಹತ್ವವಾಯಿನವ್. ಕಾಲ ಬದಲಾಯಿಲೆಕ್ಕ ಶಿಕ್ಷಣ ಬೊಕ್ಕ ಶಿಕ್ಷಕೆರೆನ ಸ್ವರೂಪಲಾ ಬದಲಾವೊಂದುಂಡ್. ವಿದ್ಯಾರ್ಥಿಲೆನ್ ಸಶಕ್ತವಾದ್ ದುಂಬುದ ಬದುಕುಗ್ ತಯಾರ್ ಮಲ್ಪುನವ್ವೇ ಶಿಕ್ಷಣದ ಕೆಲಸ. ಅವ್ ಸರಿಯಾಯಿನ ಗೇನೊಡ್ ಮಾತ್ರ ಸಾಧ್ಯ ಪಂಡೆರ್. ಕೇವಲ ಪುಸ್ತಕ ಜ್ಞಾನ ಮಾತ್ರ ಅತ್ಯಾವಂದೆ ಜಗತ್ತಿನ ವಿದ್ಯಾಮಾನ, ಸಾಮಾಜಿಕ, ರಾಜಕೀಯ, ಆರ್ಥಿಕ ಜ್ಞಾನ ಕೂಡ ಮುಖ್ಯ ಪಂಡೆರು.
ಕನ್ನಡ ಬೊಕ್ಕ ಸಂಸ್ಕೃತಿ ಇಲಾಖೆದ ಸಹಾಯಕ ನಿರ್ದೇಶಕಿ ಪೂರ್ಣಿಮಾ ಪಾತೆರ್ದ್ , ಪಠ್ಯಪುಸ್ತಕದ ಬೋಧನೆದೊಟ್ಟುಗ್ ಜೋಕ್ಲೆಗ್ ವೌಲ್ಯಯುತ ಶಿಕ್ಷಣ ಕೊರ್ಪಿನವ್ ಇನಿ ಅಗತ್ಯವಾದುಂಡ್. ಜೋಕ್ಲೆಡ ಕಲೆ, ಸಂಸ್ಕೃತಿ, ಭಾಷೆದ ಬಗ್ಗೆ ಅರಿವು ಮೂಡಿಸಾವೊಡ್. ಸಮಾಜೊಡಿತ್ತಿನ ಮನಸ್ಸುಲೆನ್ ಪುಡಪುನ ಬದಲು ಒಟ್ಡು ಮಲ್ಪುನ ಕಾರ್ಯ ಮಲ್ಪೊಡ್. ಈ ಮೂಲಕ ಸೌಹಾರ್ದತಯುತ ಸಮಾಜ ನಿರ್ಮಿಸಾವೊಡ್ ಪಂಡುದು ತೆರಿಪಾಯೆರು.
ಈ ಸಂದರ್ಭಡ್ ಶಿಕ್ಷಕೆರಾಯಿನ ಕರುಣಾಕರ ಬಂಗೇರ, ಅಸ್ಲಾಂ ಹೈಕಾಡಿ, ಕಿರಣ್ ಕುಮಾರ್ ಶೆಟ್ಟಿ, ಶಶಿಕಲಾ, ಎಚ್.ಸಖಾರಾಮ್, ವಸಂತಿ ಅಂಬಲ ಪಾಡಿ ಮೊಕ್ಲೆನ್ ಮಾನಾದಿಗೆ ಮಲ್ತೆರ್. ಉಡುಪಿ ನಗರಸಭೆ ಸದಸ್ಯ ಡಿ.ಬಾಲಕೃಷ್ಣ ಶೆಟ್ಟಿ ಶುಭ ಹಾರೈಸಿಯೆರ್.
ಮಲಬಾರ್ ಗೋಲ್ಡ್‌ನ ಶಾಖಾ ಮುಖ್ಯಸ್ಥ ಹಫೀಝ್ ರೆಹಮಾನ್, ಸ್ಟೋರ್ ಮೆನೇಜರ್ ಪುರಂದರ ತಿಂಗಳಾಯ, ಜಿಆರ್‌ಎಂ ರಾಘವೇಂದ್ರ ನಾಯಕ್, ಎಎಂಎಂ ತಂಝೀಮ್ ಶಿರ್ವ ಉಪಸ್ಥಿತರಿತ್ತೆರು. ವಿಘ್ನೇಶ್ ಸ್ವಾಗತಿಸಿ ಕಾರ್ಯಕ್ರಮ ನಿರೂಪಣೆ ಮಲ್ತೆರು
by 