ಕೆಮ್ತೂರು ನಾಟಕ ಪಂತೊದ ಮುಗಿತಲದ ಲೇಸ್..

ತುಳುಕೂಟ ಉಡುಪಿ (ರಿ.)ಆಯೋಜನೆಡ್ ಇರ್ವತ್ತರಡ್ಡನೇ ವರ್ಷದ ಕೆಮ್ತೂರು ತುಳುನಾಟಕ ಪಂತೊದ ಇನಾಮು ಪಟ್ಟುನ ಲೇಸ್ ಜನವರಿ 28 ತಾರೀಕುದಾನಿ ಐತಾರ ಬಯ್ಯಗ್ 5.30ಗಂಟೆಗ್ ಉಡುಪಿ ಎಮ್.ಜಿ.ಎಮ್.ಕಾಲೇಜಿದ ಮುದ್ದಣ ಮಂಟಪೊಡ್ ನಡಪರೆಗುಂಡ್.ಕಾಪು ವಿಧಾನಸಭಾ ಕ್ಷೇತ್ರದ ಶಾಸಕೆರಾಯಿನ ಗುರ್ಮೆ ಸುರೇಶ್ ಶೆಟ್ಟಿ, ಉಡುಪಿದ ಮಾಜಿ ಶಾಸಕೆರಾಯಿನ ಕೆ.ರಘುಪತಿ ಭಟ್,ಉದ್ಯಮಿ ಪ್ರಸಾದ್ ರಾಜ್ ಕಾಂಚನ್,ಉದ್ಯಮಿ ಮುನಿಯಾಲು ಉದಯ್ ಕುಮಾರ್ ಶೆಟ್ಟಿ,ಎಂ.ಜಿ.ಎಮ್.ಕಾಲೇಜಿದ ಪ್ರಾಂಶುಪಾಲೆರಾಯಿನ ಪ್ರೊ.ಲಕ್ಷ್ಮೀನಾರಾಯಣ ಕಾರಂತ ಮೊಕುಲು ಗೆಂದಿನಕ್ಲೆಗ್ ಇನಾಮು ಪಟ್ಟರೆಗುಲ್ಲೆರ್.

ಕಜ್ಜೊಡ್ ಪೆರಿಯ ರಂಗ ಕಲಾವಿದೆರಾಯಿನ ಶ್ರೀ ದಯಾನಂದ ಶೆಟ್ಟಿ ಹೇರೂರು ಮೆರೆಗ್ ಮಾನಾದಿಗೆ ನಡಪರೆಗುಂಡ್.ಸಭಾಕಜ್ಜೊಡ್ ಬೊಕ್ಕ ಕೆಮ್ತೂರು ತುಳುನಾಟಕ ಪ್ರಶಸ್ತಿ-2024 ಗೆಂದಿನ ಸಂಗಮ ಕಲಾವಿದೆರ್,ಮಣಿಪಾಲ (ರಿ) ಮೊಕ್ಲೆಡ್ದ್ “ಮರಣ ಗೆಂದಿನಾಯೆ” ನಾಟಕದ ಪ್ರದರ್ಶನ ನಡಪರೆಗುಂಡ್.