ಕರ್ನಾಟಕ ಕಾರ್ಯನಿರತ ಪತ್ರಕರ್ತೆರೆನ ಸಂಘದ ಆಶ್ರಯಡ್ ಉಡುಪಿ ಜಿಲ್ಲಾ ಕಾರ್ಯನಿರತ ಪತ್ರಕರ್ತೆರೆನ ಸಂಘದ ಆತಿಥ್ಯೊಡ್ ಜು.8 ತಾರೀಕುಗ್ ನಡತಿನ ಪತ್ರಕರ್ತೆರೆನ ಜೋಕ್ಲೆಗಾದ್ ರಾಜ್ಯಮಟ್ಟದ ಪ್ರತಿಭಾ ಪುರಸ್ಕಾರ ಕಾರ್ಯಕ್ರಮದ ಯಶಸ್ಸುಗ್ ಸಹಕಾರ ಕೊರಿನ ದಾನಿಲು ಬೊಕ್ಕ ಕಾರ್ಯಕ್ರಮೊಗ್ ಸಹಕಾರ ಮಲ್ತಿನ ಸಂಘದ ಸದಸ್ಯೆರೆಗ್ ಮಾನಾದಿಗೆದ ಕಜ್ಜೊ ಅಂಗಾರೆದಾನಿ ಉಡುಪಿ ಪತ್ರಿಕಾ ಭವನೊಡ್ ಆಯೋಜನೆ ಮಲ್ದಿತ್ತುಂಡ್.
ಸಮಾಜ ಸೇವಕ, ಉದ್ಯಮಿ ಕೃಷ್ಣಮೂರ್ತಿ ಆಚಾರ್ಯ, ಪುತ್ತಿಗೆ ಮಠದ ಮಹಿತೋಷ್ ಆಚಾರ್ಯ, ಉಡುಪಿ ಕೃಷ್ಣ ಮಠದ ಪರ್ಯಾಯ ಸ್ವಾಗತ ಸಮಿತಿದ ಕಾರ್ಯದರ್ಶಿ ವಿಷ್ಣುಪ್ರಸಾದ್ ಪಾಡಿಗಾರ್, ಐಎಂಎ ಉಡುಪಿ ಕರಾವಳಿ ಶಾಖೆಯ ಪ್ರಧಾನ ಕಾರ್ಯದರ್ಶಿ ಡಾ.ಕೇಶವ ನಾಯಕ್, ಉಡುಪಿ ಜಿಲ್ಲಾ ಮುದ್ರಣಾಲಯ ಮಾಲಕರ ಸಂಘದ ಪ್ರಧಾನ ಕಾರ್ಯದರ್ಶಿ ಜಿ.ಎಂ.ಶರೀಫ್, ಉದ್
, ಪದ್ಮಶಾಲಿ ಪ್ರತಿಷ್ಠಾನದ ಅಧ್ಯಕ್ಷ ರತ್ನಾಕರ ಇಂದ್ರಾಳಿ ಮೊಕ್ಲೆಗ್ ಮಾನಾದಿಗೆ ನಡತುಂಡ್.
ಈ ಪೊರ್ತುಡ್ ಸಂಘದ ಪದಾಧಿಕಾರಿಲು, ತಾಲೂಕು ಅಧ್ಯಕ್ಷೆರ್ ಬೊಕ್ಕ ಪ್ರಧಾನ ಕಾರ್ಯದರ್ಶಿಲು ಬೊಕ್ಕ ಪದುಕೆರೆನ್ ಮಾನಾದಿಗೆ ಮಲ್ತೆರ್. ಸಂಘದ ಜಿಲ್ಲಾಧ್ಯಕ್ಷ ರಾಜೇಶ್ ಶೆಟ್ಟಿ ಅಲೆವೂರು ಸಹಕಾರ ಕೊರಿನಕ್ಲೆಗ್ ಸೊಲ್ಮೆ ಸಂದಾಯ್ತ ಮಲ್ತೆರ್. ದಾನಿಲೆನ ಪರವಾದ್ ಕೃಷ್ಣಮೂರ್ತಿ ಆಚಾರ್ಯ ಬೊಕ್ಕ ಸದಸ್ಯರೆನ ಪರವಾದ್ ಶಶಿಧರ ಮಾಸ್ತಿಬೈಲು ಬೊಕ್ಕ ರಾಕೇಶ್ ಕುಂಜೂರು ಅನಿಸಿಕೆ ಪಂಡೆರ್.
ಸಂಘದ ರಜತ ಮಹೋತ್ಸವ ಸಮಿತಿದ
ಸಂಚಾಲಕೆ ಮುಹಮ್ಮದ್ ಶರೀಫ್ ಕಾರ್ಕಳ ಸ್ವಾಗತ ಮಲ್ತೆರ್. ಪ್ರಧಾನ ಕಾರ್ಯದರ್ಶಿ ಜಯಕರ ಸುವರ್ಣ ಉಪಸ್ಥಿತರಿತ್ತೆರ್. ಸಂಘದ ಪ್ರಧಾನ ಕಾರ್ಯದರ್ಶಿ ನಝೀರ್ ಪೊಲ್ಯ ದಾನಿಲೆನ ಪಟ್ಟಿ ಓದಿಯೆರು. ಕೋಶಾಧಿಕಾರಿ ಉಮೇಶ್ ಮಾರ್ಪಳ್ಳಿ ಸೊಲ್ಮೆ ಸಂದಾಯ್ತ ಮಲ್ತೆರ್. ಕಾರ್ಯದರ್ಶಿ ರಹೀಂ ಉಜಿರೆ ಕಾರ್ಯಕ್ರಮ ನಿರೂಪಣೆ ಮಲ್ತೆರು.
by 