ದಾಂತಿ ಪುರಸ್ಕಾರಗ್ ವಿನಿಶಾ ರಾಡ್ರಿಗಸ್ ಆಯ್ಕೆ.

ಉಡುಪಿ: ಕಥೊಲಿಕ್ ಸಭಾ ಉಡುಪಿ ಪ್ರದೇಶ ಮೊಕುಲು ಕನ್ನಡ ಭಾಶೆಡ್  ಕ್ರೈಸ್ತ ಸಾಹಿತಿಲು  ಬರೆತಿನ  ಪುಸ್ತಕಲೆಗ್ ವರ್ಷಪ್ರತಿ ಕೊರ್ಪಿನ  ದಿವಗಂತ ದಾಂತಿ ಪುರಸ್ಕಾರಗ್ 2023 ನೇ ಸಾಲುಗ್  ವಿನಿಶಾ ರೊಡ್ರಿಗಸ್ ಮೇರು ಬರೆತಿನ ಎತ್ತಿನಗಾಡಿ ಎಕ್ಸ್ ಪ್ರೆಸ್ – 2 ಪುಸ್ತಕ ಆಯ್ಕೆಯಾತುಂಡ್..ನೆತ್ತ  ಸುರುತ್ತ  ಭಾಗ 2015 ಡ್ ಪ್ರಕಟ ಆತುಂಡ್.
ಇಂಗ್ಲಿಷ್ ಸಾಹಿತ್ಯಡ್  ಎಮ್ ಎ ಪದವಿ ಪಡೆದಿನ ವಿನಿಶಾ ಪ್ರಸ್ತುತ ಬೆಂಗಳೂರುಡ್ ಪ್ರಾಧ್ಯಾಪಕಿಯಾದ್ ಸೇವೆ ಮಲ್ತೊಂದಿತ್ತುದ್, ಝೀ ಟಿವಿ ಬೊಕ್ಕ ದೂರದರ್ಶನ ವಾಹಿನಿಡ್  ನಾಟಕ, ಯಕ್ಷಗಾನಡ್  ಪಾತ್ರ ಮಲ್ದೆರ್. ಕರಾವಳಿ ಕರ್ನಾಟಕದ ಕನ್ನಡ ಕೊಂಕಣಿ ಬೊಕ್ಕ ಬಾಕಿದ ಭಾಷೆದ  ಪತ್ರಿಕೆಲೆಡ್  ಮೆರೆನ  ಅಂಕಣ ಪ್ರಕಟ ಆತುಂಡ್.
ಶಿವಮೊಗ್ಗ ಜಿಲ್ಲೆದ  ತೀರ್ಥಹಳ್ಳಿದಾರಾಯಿನ ವಿನಿಶಾ ಮೇರು ವಿಕ್ಟರ್ ರೊಡ್ರಿಗಸ್ ಬೊಕ್ಕ ವಿಕ್ಟೋರಿಯ ಡಿಮೆಲ್ಲೊ ದಂಪತಿಲೆನ  ಮಗಳಾದಿತ್ತುದ್  ಬರಹಗಾರೆ ಪ್ರಮೋದ್ ರೊಡ್ರಿಗಸ್ ಹೊಸ್ಪೆಟ್ ಮೆರೆನ ಶ್ರೀಮತಿ.. ಮೆರೆನ ಸಹೋದರಿಲಾ  ಪುಗಾರ್ತೆದ  ಸಾಹಿತಿಯಾದಿತ್ತುದ್ ಮುದ್ದು ತೀರ್ಥಹಳ್ಳೀ ಪುದರುಡ್  ಚಿರಪರಿಚಿತರಾದುಲ್ಲೆರ್.
ಪುರಸ್ಕಾರ  ರೂ 25 ಸಾವಿರ ಪಣವುದೊಟ್ಟುಗ್  ಶಾಲು, ನೆನಪಿನ ಕಾಣಿಕೆ  ಇತ್ತುದ್, ಜೂನ್ 9 ಗ್  ಕಕ್ಕುಂಜೆ ಅನುಗ್ರಹ ಪಾಲನಾ ಕೇಂದ್ರಡ್  ನಡಪರೆಗುಪ್ಪುನ  ಕಥೊಲಿಕ್ ಸಭಾ ಉಡುಪಿ ಪ್ರದೇಶದ ವಾರ್ಷಿಕ ಮಹಾಸಭೆಟ್  ಪ್ರದಾನ ಮಲ್ಪುಂಡ್  ಪಂಡುದು ಪುರಸ್ಕಾರ ಸಮಿತಿ ಸಂಚಾಲಕೆರಾಯಿನ ಅಲ್ಪೋನ್ಸ್ ಡಿಕೋಸ್ತಾ ಪ್ರಕಟಣೆಡ್  ತೆರಿಪಾದೆರ್.