ಜಾಗತಿಕ ಬಂಟರ ಸಂಘಗಳ ಒಕ್ಕೂಟದ ವತಿಡ್ದ್ ಅಕ್ಟೋಬರ್ 28 ಬೊಕ್ಕ 29 ತಾರೀಕುಗ್ ವಿಶ್ವ ಬಂಟರ ಸಮ್ಮೇಳನ-2023 ಒಡಿಪುಡ್ ಕ್ರೀಡಾ ಸಂಗಮ ಬೊಕ್ಕ ಸಾಂಸ್ಕೃತಿಕ ಸಂಭ್ರಮ ಬಾರೀ ಗೌಜಿಡ್ ನಡಪರೆಗುಂಡ್.
ಅಕ್ಟೋಬರ್ 28 ತಾರೀಕುಗ್ ಕಾಂಡೆ 9 ಗಂಟೆಗ್ ಉಡುಪಿ ಬೋರ್ಡ್ ಹೈಸ್ಕೂಲ್ ಡ್ ಮೆರವಣಿಗೆಗ್ ಚಾಲನೆ ಕೊರ್ದ್,ನಗರಸಭೆ,ಡಯಾನಾ ಬಿಗ್ ಬಜಾರ್ ಮೂಲಕ ಅಜ್ಜರಕಾಡು ಭುಜಂಗಪಾರ್ಕ್ ಮಾರ್ಗವಾದ್ ಅಜ್ಜರಕಾಡು ಮೈದಾನೊಗ್ ಪ್ರವೇಶ ಆಪುಂಡ್.ಈ ಮೆರವಣಿಗೆಡ್ ಬೇತೆ ಬೇತೆ ಕಡೆತ್ತ 62 ಗ್ ಲಾ ಜಾಸ್ತಿ ಬಂಟೆರೆನ ಸಂಘೊಲೆನ 7 ಸಾರೊಗುಲಾ ಜಾಸ್ತಿ ಜನ ಪಾಲ್ ಪಡೆಯರೆಗುಲ್ಲೆರ್.ಬೇತೆ ಬೇತೆ ಕಲಾ ತಂಡೊಲು,ಉಡುಪಿ ಕಡೆಗೋಲು ಕ್ರಷ್ಣ,ಕಟೀಲು ದುರ್ಗಾಪರಮೇಶ್ವರಿ, ಕಂಬುಲದ ಎರುಕುಲು,ಕೇರಳದ ತೈಯ್ಯಂ,ಪಿಲಿಏಸ,ಕೀಲುಕುದುರೆ,ಗೊಂಬೆಲು,ಹೊನ್ನಾವರ ಬ್ಯಾಂಡ್ ಸೆಟ್,ಅಗೋಳಿ ಮಂಜಣ್ಣನ ವೇಷಧಾರಿ,ಚೆಂಡೆ,ವಾದ್ಯ,ಡೋಲು,ನಾಗಸ್ವರ,ಬಣ್ಣದ ಕೊಡೆಕುಲು, ಬೊಕ್ಕ ಬೇತೆ ಬೇತೆ ವಿನೋದಾವಳಿಲು ಮೆರವಣಿಗೆಗ್ ಮೆರುಗು ದಿಂಜಾವರೆಗುಂಡ್.
ಅವ್ವೆಡ್ ಬೊಕ್ಕ ಅಜ್ಜರಕಾಡು ಮೈದಾನಡ್ ಮಾತಾ ಬಂಟೆರೆನ ತಂಡೊಲೆಡ್ದ್ ಆಕರ್ಷಕ ಪತಸಂಚಲನ ನಡಪರೆಗಿತ್ತುದ್,ಕರ್ನಾಟಕ ರಾಜ್ಯದ ಗೌರವಾನ್ವಿತ ಮುಖ್ಯಮಂತ್ರಿಲಾಯಿನ ಶ್ರೀ ಸಿದ್ದರಾಮಯ್ಯೆರ್ ವಿಶ್ವ ಬಂಟೆರೆನ ಸಮ್ಮೇಳನನ್ ಉದಿಪನ ಮಲ್ತುದ್,ಕ್ರೀಡೋತ್ಸವಗ್ ಚಾಲನೆ ಕೊರ್ರೆಗುಲ್ಲೆರ್.
ಬ್ಯಾಡ್ಮಿಂಟನ್ ಏಷ್ಯನ್ ಗೇಮ್ಸ್ ವಿಜೇತೆರಾಯಿನ ಚಿರಾಗ್ ಶೆಟ್ಟಿ, ಅಂಡರ್ 19 ವರ್ಲ್ಡ್ ಜೂನಿಯರ್ ಚ್ಯಾಂಪಿಯನ್ ಶಿಪ್ ವಿಜೇತೆರಾಯಿನ ಆಯುಷ್ ಶೆಟ್ಟಿ ಕಾರ್ಕಳ ಕಜ್ಜೊಡ್ ಪಾಲ್ ಪಡೆಯರೆಗುಲ್ಲೆರ್.
ಈ ಪೊರ್ತುಡ್ ಉಡುಪಿ ಪುತ್ತಿಗೆ ಮಠದ ಶ್ರೀ ಶ್ರೀ ಶ್ರೀ ಸುಗುಣೇಂದ್ರ ತೀರ್ಥ ಶ್ರೀಪಾದೆರ್,ಪಲಿಮಾರು ಮಠದ ಶ್ರೀ ಶ್ರೀ ಶ್ರೀ ವಿದ್ಯಾದೀಶ ಶ್ರೀಪಾದೆರ್,ಒಡಿಯೂರು ಗುರುದೇವದತ್ತ ಸಂಸ್ಥಾನದ ಶ್ರೀ ಶ್ರೀ ಶ್ರೀ ಗುರುದೇವಾನಂದ ಸ್ವಾಮೀಜಿ,ಬಾರ್ಕೂರು ಬಾರ್ಗವ ಮಹಾದಂಸ್ಥಾನದ ಶ್ರೀ ಶ್ರೀ ಶ್ರೀ ಡಾ.ವಿಶ್ವ ಸಂತೋಷ್ ಭಾರತಿ ಶ್ರೀಪಾದೆರ್,ಕೇಮಾರು ಸಾಂದೀಪನಿ ಆಶ್ರಮದ ಶ್ರೀ ಶ್ರೀ ಶ್ರೀ ಈಶ ವಿಠ್ಠಲದಾಸ ಸ್ವಾಮೀಜಿ,ಗುರುಪುರ ವಜ್ರದೇಹಿ ಮಠದ ಶ್ರೀ ಶ್ರೀ ಶ್ರೀ ರಾಜಶೇಖರಾನಂದ ಸ್ವಾಮೀಜಿ,ಕಟೀಲು ಕ್ಷೇತ್ರದ ಪ್ರಧಾನ ಅರ್ಚಕೆರಾಯಿನ ಶ್ರೀ ಲಕ್ಷ್ಮೀ ನಾರಾಯಣ ಅಸ್ರಣ್ಣರು,ಜಾಗತಿಕ ಬಂಟರ ಸಂಘಗಳ ಒಕ್ಕೂಟದ ಅಧ್ಯಕ್ಷೆರಾಯಿನ ಐಕಳ ಹರೀಶ್ ಶೆಟ್ಟಿ ,ಪ್ರವೀಣ್ ಭೋಜ ಶೆಟ್ಟಿ, ಬೊಕ್ಕ ನೈನಿತಾ ಪ್ರವೀಣ್ ಶೆಟ್ಟಿ, ಹೇರಂಬ ಇಂಡಸ್ಟ್ರೀಸ್ ನೆತ್ತ ಮಾಲಕೆರಾಯಿನ ಶ್ರೀ ಕನ್ಯಾನ ಸದಾಶಿವ ಶೆಟ್ಟಿ, ಆರ್ಗಾನಿಕ್ ಗ್ರೂಪ್ ಆಫ್ ಇಂಡಸ್ಟ್ರೀಸ್ ಮುಂಬೈ ದ ಸಿಎಮ್ ಡಿ ಶ್ರೀ ಆನಂದ ಎಮ್.ಶೆಟ್ಟಿ ಬೊಕ್ಕ ಶ್ರೀಮತಿ ಶಶಿರೇಖಾ ಆನಂದ ಶೆಟ್ಟಿ, ಕರ್ನಾಟಕ ವಿಧಾನಸಭೆತ್ತ ಅಧ್ಯಕ್ಷೆರಾಯಿನ ಶ್ರೀ ಯು.ಟಿ.ಖಾದರ್,ಜಿಲ್ಲಾ ಉಸ್ತುವಾರಿ ಸಚಿವೆ ಲಕ್ಷ್ಮೀ ಹೆಬ್ಬಾಳ್ಕರ್,ಮಾಜಿ ಸಚಿವೆರಾಯಿನ ಬಿ.ರಮಾನಾಥ ರೈ,ಡಾ.ಎ.ಜೆ.ಶೆಟ್ಟಿ, ಅಧ್ಯಕ್ಷೆರ್ ಎ.ಜೆ.ಸಮೂಹ ಸಂಸ್ಥೆ, ಶ್ರೀ ಅಜಿತ್ ಕುಮಾರ್ ರೈ ಮಾಲಾಡಿ,ಉಡುಪಿ ಜಿಲ್ಲಾಧಿಕಾರಿಲಾಯಿನ ಡಾ.ಕೆ.ವಿದ್ಯಾಕುಮಾರಿ ಉಪಸ್ಥಿತರಿಪ್ಪುವೆರ್.
ಕ್ರೀಡೋತ್ಸವಡ್ ಜಾಗತಿಕ ಬಂಟೆರೆನ ಸಂಘೊಲೆನ ಬೇತೆ ಬೇತೆ ತಂಡೊಲು ಪಾಲ್ ಪಡೆಯರೆಗಿತ್ತುದ್,ಒಂಜೇ ಪೊರ್ತುಡ್ ಆಂಜೊವುನಕ್ಲೆನ ವಾಲಿಬಾಲ್,ಹಗ್ಗಜಗ್ಗಾಟ,ಬೊಕ್ಕ ಪೊಂಜೊವುನಕ್ಲೆನ ತ್ರೋಬಾಲ್,ಹಗ್ಗಜಗ್ಗಾಟ ನಡಪರೆಗುಂಡ್.ಅಂಚೆನೇ ಮಾತಾ ಪ್ರಾಯದಕ್ಲೆಗುಲಾ ಅಥ್ಲೆಟಿಕ್ ನಡಪರೆಗುಂಡ್.
ಪ್ರತೀ ತಂಡದ ವಿಜೇತ ತಂಡೊಲೆಗ್ ಸುರುತ್ತ ಇನಾಮು ಒಂಜಿ ಲಕ್ಷ, ರಡ್ಡನೇ ಇನಾಮು ಎಲ್ಪತ್ತೈನ್ ಸಾರ, ಮೂಜನೇ ಇನಾಮು 50,000 ಪಣವು ಬೊಕ್ಕ ಬಂಟೆರೆನ ಕಪ್ ಕೊರ್ದ್ ಮಾನಾದಿಗೆ ಮಲ್ಪರೆಗುಲ್ಲೆರ್.ಬಯ್ಯಗ್ 8 ಗಂಟೆಗ್ ಇನಾಮು ಪಟ್ಟುನ ಲೇಸ್ ನಡಪರೆಗುಂಡ್.
ಎಲ್ಲೆ ಮಧ್ಯಾಹ್ನ 3 ಗಂಟೆಡ್ದ್ ರಾತ್ರೆ 11 ಗಂಟೆಮುಟ್ಟ ಪ್ರೊ ಕಬಡ್ಡಿ ಮಾದರಿಡ್ 8 ತಂಡೊಲೆನ ನಡುಟು ಕಬಡ್ಡಿ ಗೊಬ್ಬು ನಡಪರೆಗುಂಡ್.
by 