ಕೋಟಿ ಸಹಿ ಸಂಗ್ರಹ ಅಭಿಯಾನ.

ಅಖಿಲ ಭಾರತೀಯ ವಿದ್ಯಾರ್ಥಿ ಪರಿಷತ್ ವತಿಡ್ದ್ ರಾಜ್ಯಾದ್ಯಂತ ರಾಷ್ಟ್ರೀಯ ಶಿಕ್ಷಣ ನೀತಿ 2020 ರ ಪರವಾದ್ ಅವ್ವೆನ್ ರದ್ದು ಮಲ್ಪರೆಗ್ ಪಿದಾಡಿನ ರಾಜ್ಯ ಸರ್ಕಾರದ ನಡಕೆನ್ ಖಂಡಿಸಾದ್ ಕೋಟಿ ಸಹಿ ಸಂಗ್ರಹ ಅಭಿಯಾನ ನವೆಂಬರ್ 15 ಡ್ದ್ 30 ಮುಟ ನಡಪರೆಗುಂಡ್. ನೆತ್ತ ಅಂಗವಾದ್ ಅ.ಭಾ.ವಿ.ಪ ಉಡುಪಿ ನಗರ ಶಾಖೆದ ವತಿಡ್ದ್ ನವೆಂಬರ್ 15ತಾರೀಕುಗ್ ರಥಬೀದಿದ ಆವರಣಡ್ ಸಾರ್ವಜನಿಕವಾದ್ ಸಾರ ಸಾರ ಸಂಖ್ಯೆಡ್ ಸಹಿ ಸಂಗ್ರಹ ಮಲ್ಪುನ ಮೂಲಕ ಚಾಲನೆ ಕೊರಿಯೆರ್.

ಜಿಲ್ಲಾ ಸಂಚಾಲಕೆರಾಯಿನ ಗಣೇಶ್ ಪೂಜಾರಿ ತಾಲೂಕು ಸಂಚಾಲಕೆರಾಯಿನ ಅಜಿತ್ ಜೋಗಿ ನಗರ ಕಾರ್ಯದರ್ಶಿಲಾಯಿನ ಶ್ರೀವತ್ಸ ಬೊಕ್ಕ ಪ್ರಮುಖೆರಾಯಿನ ಭಾವನಾ, ಕಿಶೋರ್, ಮನು, ಅನಂತಕೃಷ್ಣ, ಶ್ರೀಹರಿ, ದರ್ಶನ್ ಬೊಕ್ಕ ಅಂಕಿತ ಪಾಲ್ ಪಡೆಯೆರು.

ರಾಷ್ಟ್ರೀಯ ಶಿಕ್ಷಣ ನೀತಿನ್ ಬೆಂಬಲಿಸಾದ್ ಅಷ್ಟ ಮಠದ ಯತಿಕುಳು ಕೊರಿನ ಹೇಳಿಕೆಳ್

ಭಾರತದ ಸಂಸ್ಕೃತಿ, ಭಾಷೆ, ಆಚಾರ – ವಿಚಾರಲೆನ್ ದೆರ್ತ್ ಪತ್ತುನ ರಾಷ್ಟ್ರೀಯ ಶಿಕ್ಷಣ ನೀತಿ 2020ನ್ ರಾಜ್ಯ ಸರ್ಕಾರ ರದ್ದು ಮಲ್ಪರೆಗ್ ಪಿದಾಡಿನ ಅಬೇಕ್ಷಣಿಯ ಅತ್ತ್.

ಶ್ರೀ ಶ್ರೀ ಶ್ರೀ ವಿಶ್ವಪ್ರಸನ್ನ ತೀರ್ಥ
ಪೇಜಾವರ ಮಠ, ಉಡುಪಿ.

ಶಿಕ್ಷಣ ನೀತಿಲೆಡ್ ಬದಲಾವಣೆ ಸಹಜವಾದ್ ಕಾಲ ಕಾಲೊಗ್ ಆಪಿನವ್ವೆ, ಆವನಗ ನಮ್ಮ ತನನ್ ಒರಿಪಾವುನ ಪ್ರಯತ್ನ ನಮ ಮಲ್ಪೊಡ್.

ಶ್ರೀ ಶ್ರೀ ಶ್ರೀ ಈಶಪ್ರಿಯ ತೀರ್ಥ
ಅದಮಾರು ಮಠ, ಉಡುಪಿ.

ಕೇಂದ್ರ ಸರ್ಕಾರ ಜಾರಿಗೆ ಕನ ದಿನ ರಾಷ್ಟ್ರೀಯ ಶಿಕ್ಷಣ ನೀತಿನ್ ರದ್ದು ಮಲ್ಪರೆಗ್ ಪಿದಾಡಿನ ರಾಜ್ಯ ಸರ್ಕಾರದ ನಡೆನ್ ಖಂಡಿಸಾವ.

ಶ್ರೀ ಶ್ರೀ ಶ್ರೀ ವಿದ್ಯಾವಲ್ಲಭ ತೀರ್ಥ
ಕಾಣಿಯೂರು ಮಠ, ಉಡುಪಿ.

ವಿದ್ಯಾರ್ಥಿಲೆಗ್ ಆಸಕ್ತಿ ಇಪ್ಪುನ ವಿಷಯಡ್ ಓದರೆಗ್ ಅನುಕೂಲ ಮಲ್ತ್ ಕೊರ್ಪಿನ ಕೌಶಲ್ಯಾಧರಿತ ಶಿಕ್ಷಣನ್ ಪ್ರೋತ್ಸಾಹ ಮಲ್ಪುನ ರಾಷ್ಟ್ರೀಯ ಶಿಕ್ಷಣ ನೀತಿ 2020ನ್ ಕೈಬುಡ್ಪಿನ ಪ್ರಸ್ತಾವ ಮಲ್ಪುನ ರಾಜ್ಯ ಸರ್ಕಾರದ ನಡೆ ನಮಕ್ ಆತಂಕ ಮೂಡಿಸಾವುಂಡ್.

ಶ್ರೀ ಶ್ರೀ ಶ್ರೀ ವಿಶ್ವವಲ್ಲಭ ತೀರ್ಥ
ಸೋದೆ ವಾದಿರಾಜ ಮಠ, ಉಡುಪಿ.

ಕೇಂದ್ರ ಸರ್ಕಾರ ಜಾರಿಗೆ ಕನದಿನ ಕೌಶಲ್ಯಾಧರಿತ ಶಿಕ್ಷಣಗ್ ಒತ್ತು ಕೊರ್ಪೀನ ರಾಷ್ಟ್ರೀಯ ಶಿಕ್ಷಣ ನೀತಿ -2020ನ್ ಅವ್ವೇ ಕಾರಣಗುಲಾ ನಿಷೇಧಿಸಾವೊಡ್ , ವಿದ್ಯಾರ್ಥಿಲೆಗ್ ಸಮಸ್ಯೆ ಮಲ್ಪೊಡ್ಚಿ ಪಂಡುದು ಯಾನು ರಾಜ್ಯ ಸರ್ಕಾರಗ್ ಮನವಿ ಮಲ್ಪೊಡ್.

ಶ್ರೀ ಶ್ರೀ ಶ್ರೀ ವಿದ್ಯಾದೀಶ ತೀರ್ಥ
ಪಲಿಮಾರು ಮಠ, ಉಡುಪಿ.